Apocalipsis 18:7 - Bible in Tzotzil de Chenalhó with Deuterocanon

⁷ Ti c'u yepal la stoy sbae xchi'uc ti jayib velta la spas c'usitic lec cha'ay stuque ja' jech yepal vocol, ja' jech yepal at-o'nton chich'. Yu'un jech chal ta yo'nton: ‘Li vu'une chotolun lec ta jchotleb jech chac c'u cha'al jun me' ajvalil. Mu ja'uc jechun jech chac c'u cha'al jun me'on ants; mu'yuc c'usi ora chquil ta jsat chi'oc'’, xi.

Tzotzil Zinacantan

⁷ Ti jayꞌechꞌel istoy sbaique, ti jayꞌechꞌel jaꞌ noꞌox ispasic cꞌusi chal yoꞌonique, jaꞌ yech chichꞌic castico, jaꞌ yech ch-oqꞌuic. Yuꞌun jaꞌ yech tsnopic chac liꞌi: “Li voꞌotique ichꞌbilotic ta mucꞌ yuꞌun scotol crixchanoetic chac cꞌu chaꞌal ichꞌbil ta mucꞌ jun ants preserente. Maꞌuc yechotic chac cꞌu chaꞌal jun meꞌanal ants, muc bu abol jbatic”, xiic.

Bible in Tzotzil de Chamula

⁷ Ta scoj ti mu no'ox albajuc laj stoy sbae, ti ja' no'ox bat yo'nton ti c'usi ta sc'an stuque, jechuc ac'bo yich' ti svocol ya'ie. Yu'un jech xi ta xalbe sbae: ‘Li' chotolune, yu'un me' ajvalil xca'i jba. Laj c'op ma' ti me'unal antsune, mi ja'uc ti vocol ta xvul ta jtojole.’

Tzotzil San Andres

⁷ Ti jayib velta la stoy sbaique, ti la spasic li cꞌustic ta scꞌan stuquic schiꞌuc li cꞌustic oy yuꞌunique, jaꞌ jech yepal chichꞌic vocol. Jaꞌ yuꞌun ta xꞌoqꞌuic. Yuꞌun jech chal ta yoꞌonic: “Li joꞌotique lec ichꞌbilutic ta mucꞌ yuꞌun scotol crixchanoetic jech chac cꞌu chaꞌal lec ichꞌbil ta mucꞌ jun meꞌajvalil. Muc bu jechutic jech chac cꞌu chaꞌal jun meꞌanal ants yuꞌun muc bu chquichꞌtic vocol”, xiic.

Tzotzil de Huixtán

⁷ Ti jayib vuelta laj stoy sbae, ti jayib vuelta laj spas c'utic chopole, ja' hech yepal chich' ti vocole, ch-oc'. Yu'un hech chal ti yo'ntonic: “Ti ho'ucutique mu hechucutic hech chaj c'u che'el me'on ants. Ti ho'ucutique lec pasbilucutic ti muc' yu'un scotol crixchanoetic, hech yu'un mu xquich'tic vocol”, xchiic.

Apocalipsis 18:7 Iomraidhean Croise

Ester 6:10

Li ajvalile jech laj yalbe li Amane: —Lec oy, batan ta ora; ich'o batel li jc'u'e xchi'uc li jca' jech chac c'u cha'al laj avale. Ja' jech xbat apasbe li Mardoqueo judá vinic le' chotol ta sti' jpasubmantale. Ja' me jech xapas scotol ti c'u x'elan laj avale —xut.

Salmos 10:6

Jech tsnop ta yo'ntonic: “Mu'yuc boch'o xu' chistsalun; mu boch'o xu' chiyilbun jbic'tal”, xiic.

Salmos 45:9

Li stsebetic ajvaliletique te chtal xchi'inicot ta nupinel; li me' ajvalil avu'une te xa va'al ta abats'ic'ob lec xa c'ac'umtasbil ta lequil c'anal taq'uin.

Jeremías 13:18

“Jech xavalbe ya'ay li ajvalile xchi'uc li sme'e: ‘Biq'uit xavac' abaic; mu xa me xachotiic ta achotlebic; chotlanic xa no'ox ta lumtic, yu'un li acoronaic sventa ich'biloxuc o ta muq'ue yalem xa ta banamil.

Lamentaciones 1:1

C'uxi ti xch'ijan xa icom li lum ti noj to'ox ta cristianoetique. Toj muc' to'ox ta scotol yantic lumetic, pero ja' xa jech icom jech chac cha'al jun me'on ants. Ajvalil to'ox yu'un yantic lum, pero ochem xa ta mozoil.

Ezequiel 23:34

Chlic avuch'be sbel ec, ja' to me ilaj avuch'e, chlic avoc'be li yavile, chlic ali'an ta jot'el li achu'e. Vu'un chcal jtuc, vu'un li Muc'ul Diosune.

Abdías 1:3

La slo'laot li atoyobbaile, vo'ot ti cacalot lec ta jap ch'entique, ti bats'i toyol bu nacalote, jech laj anop ta avo'nton: ‘¿Boch'o xu' chtal sjipun yalel ta banamil?’, xachi.

Sofonías 2:15

Ja' jech chc'ot ta pasel ta stojol li jun lum ti toj xcuxet yo'ntone, ti toj jun to'ox yo'ntone, ti jech to'ox chal ta yo'ntone: “Vu'un no'ox jtuc, mu'yuc xa boch'o yan jech”, ti xi to'oxe. ¡C'uxi bat yavnaijuc, c'uxi ipas ta xch'en jti'val chonbolometic! Li boch'otic te chjelovique xpilajetic no'ox; yan xa xich' spasic ta slabanel.

1 Timoteo 5:11

Pero li me'on antsetic ti mu to sta oxvinic (60) sjabilalique, mu xu' chatsacbe ta vun sbiic, yu'un naca me ipich'aj to yo'ntonic, naca me la snop to chmalijic, jech chlic scomtsanic spasel li c'usi yalojic ta stojol Cristoe.

Apocalipsis 18:3

Yu'un scotol cristianoetic ta jujun banamil laj yac'be yuch' li sbel sbis ti nojem ta mulivajeletic yu'une. Scotol li ajvaliletic ta banamile imulivajic xchi'uc. Scotol li jchonolajeletic, li jmanulajeletique ipasic ta jc'ulej xchi'uquic li c'usitic c'upil cha'ay ti mu'yuc spajebe”, xi li j'almantale.

Apocalipsis 18:9

Li ajvaliletic ta banamil ti imulivaj xchi'uquique, ti laj yac' sbaic ta spasel li c'usitic lec laj ya'yique, ch-oq'uic, chat yo'ntonic ti c'alal chilic yan sba xch'ayilal chc'aq'ue.