Apocalipsis 18:10 - Bible in Tzotzil de Chenalhó with Deuterocanon

¹⁰ Ta nom xa no'ox va'al tsq'uelic tal ta scoj xi'elal li stsatsal svocole, jech chalic: “¡Ay, ay! ¡Lalaj xa un, muc'ta lum! Vo'ot li muc'ta lum Babiloniaot ti toj ech'em xu' avu'une, ta jun no'ox ora ital lajel chamel ta atojol”, xiic.

Tzotzil Zinacantan

¹⁰ Nom ta svaꞌan sbaic yuꞌun xiꞌel sba chilic ti tsots castico chichꞌic li jbabiloniaetique. “¡Povre jbabiloniaetic, lalajic ta ora! Xiꞌbiloxuc toꞌox, pero jliquel lalajic”, xiic.

Bible in Tzotzil de Chamula

¹⁰ Nom va'alic ta xcomic ta scoj xi'elal yu'un ti vocol ti xi ta xalique: “Mu xa ono'ox cha'bel un, laj xa c'op, muc' ta lum Babilonia, ti xu' to ox avu'un avaloje. Ta uni jliquel no'ox vul ti avocole.”

Tzotzil San Andres

¹⁰ Nom vaꞌal sqꞌuelojic yuꞌun xiꞌel sba chilic ti tsots vocol ta xꞌacꞌbat yichꞌic li jbabiloniaetique. Jech chalic: “¡Toj abol sbaic li jbabiloniaetique yuꞌun ilajic ta ora! Yuꞌun toj lequic, toj echꞌem stsatsalic toꞌox”, xiic.

Tzotzil de Huixtán

¹⁰ Nom chlic sva'an sbaic yu'un chi'ic mi co'ol ch-ac'batic castigo hech chaj c'u che'el ti i'ac'batic xa ti babiloniaetique. Hech chlic yalic: ―Lástima ti ichamic scotol ti babiloniaetique. Ti j'oc' no'ox itup'ic yu'un ti castigo ti i'ac'batique ―xchiic. Ja' sc'opilal ti babiloniaetique.

Apocalipsis 18:10 Iomraidhean Croise

Isaías 21:9

Laj quil chtalic ep viniquetic cajajtic ta caretaetic nitbil ta cha'cha'cot ca'etic. Oy boch'o jech laj yal laj ca'ay: ‘Ijin xa, ijin xa li Babiloniae; scotol li sloc'obal sdiosic ti lec natic spasojique lamal icom ta lum scotol, biq'uitic ililijan’, xi laj yal”, xi li jq'uel-osile.

Isaías 47:9

Pero xcha'chopal chc'ot ta atojol ta anil ta jun no'ox c'ac'al; chacom ta me'on ants, xchi'uc mu'yuc avol chcom o. Chava'ibe lec c'u x'elan yipal, ac'o me toj ep jmac-j'ilc'opetic avu'un, ac'o me toj ep jpicch'ich'etic avu'un.

Jeremías 30:7

¡Ay! toj muc' vocol chtal li jun c'ac'al le'e; mu'yuc bu yan jech xco'laj xchi'uc. Ja' yorail muc'ta at-o'nton chtal ta stojol li Jacobe, pero ta to sta yorail ta xcol loq'uel.

Ezequiel 32:9

‘C'alal chc'ot a'yej ta stojol yantic banamil ti laj avich' chuquel batele, ja' li banamiletic ti mu xavotquinane, ta xlic yat yo'ntonic epal lumetic avu'un, yu'un cha'yic ti lalaj oe.

Joel 1:15

¡Ay, jutuc xa sc'an sta sc'ac'alil chtal yac'bot atoj amul li Muc'ul Diose! Pero toj xi'bal sba li sc'ac'alil le'e, ja' jun muc'ta lajel chamel chtal yac' li Boch'o toj ech'em svu'ele.

Amós 5:16

Ja' yu'un jech chal li Cajvaltique, ja' li Muc'ul Dios ti tspas ta mantal scotol te ta vinajele: “Ta scotol ch'ivit ta to xlic oq'uel; ta scotol xoraltic oy avanel. Li boch'o ch-abtejic ta te'tique ta x'ic'atic tal yu'un ac'o oq'uicuc ta scoj vocol ec; li boch'o ja' yabtelic ch-oc' ch-avanic ta sventa animaetique ch-ic'atic yu'un ac'o tal oq'uicuc.

Números 16:34

Li boch'otic ibic'atic ochel yu'un banamile, tsots i'avanic. Scotol li israeletic te setelique, ijatovic loq'uel ta anil. Jech laj yalic: “Mu me xisbic'uncutic ochel ec li banamile”, xiic.

Apocalipsis 11:8

Li sbec'talique te no'ox telajtic chcom ta xoralil li Muc'ta lum yo' bu la smilic Cajvaltique, ja' li lum ti xco'laj xchi'uc Sodoma xchi'uc Egiptoe.

Apocalipsis 14:8

Ital chi'inatuc yu'un xchibal j'almantal, jech c'ot yal: “Ilom xa, ilom xa li Babiloniae, ja' li muc'ta lume. Ja' ti laj yac'be yuch' pox scotol cristianoetic ta jujun banamile, ja' li c'usitic chopol tsc'an sbec'tal ti chac' licuc sc'ac'al yo'nton Diose”, xi.

Apocalipsis 16:19

Li muc'ta lume ijav ta oxvoc'. Li muc'tic lumetic ta jujun banamile iloman noxtoc. Li Diose muc xch'ay ta yo'nton li muc'ta lum Babilonia ti tsc'an chac'be yuch' li bis ti nojem ta sc'ac'al yo'ntone.

Apocalipsis 17:12

“Li lajuneb xulub laj avile ja' senyail lajuneb ajvaliletic, pero mu'yuc to ch-ochic ta pasmantal. Ts'acal co'ol ta xich' yabtelic ta ajvalilal xchi'uc li jti'vanej bolome, pero jun no'ox hora chich' yabtelic.

Apocalipsis 18:18

X'avetic no'ox ta scoj ti bats'i yan sba xch'ayilal chc'ac' li muc'ta lume, jech chalic: “Mu'yuc yan lum jech chac c'u cha'al li muc'ta lume”, xiic.

Apocalipsis 18:19

Chac' pucuc ta sjolic, ep chat yo'ntonic, ch-oq'uic, ch-avanic, jech chalic: “¡Ay, ay! ¡Ilaj xa o li muc'ta lume! Ja' ta sventa sc'ulejal ipasic ta jc'ulej scotol li boch'otic oy sbarcoic chanov ta ba nabe, pero ta jun no'ox ora iyavnaij o”, xiic.

Apocalipsis 18:21

Oy jun j'almantal ech'em svu'el la stam jbej ton. Ja' jech smuc'ul jech chac c'u cha'al muc'ta cho'. Yipal la sjip ochel ta nab, jech laj yal: “Ja' jech yipal chavich' jipel batel, vo'ot muc'ta lum Babilonia, j'ech'el mu'yuc xa bu boch'o chayilot o.

Apocalipsis 18:8

Ja' yu'un ta jun no'ox c'ac'al chc'ot scotol li vocoletic ta stojole. Ta xtal tsatsal chamel, oq'uel, xchi'uc vi'nal, jech noxtoc j'ech'el ta xlaj o ta c'oc'. Yu'un toj ech'em svu'el li Cajvaltic Dios ti chac'be stojol mulile”, xi.