Apocalipsis 17:4 - Bible in Tzotzil de Chenalhó with Deuterocanon

⁴ Li antse slapoj yax'elan c'u'il, xchi'uc tsoj. Lec sc'ac'ubtasoj sba ta puru c'anal taq'uin, xchi'uc ta ton ti c'upilic sbae, xchi'uc ta perlaetic. Stsacoj jun bis pasbil ta c'anal taq'uin nojem ta c'usitic toj chopolic chil Dios, xchi'uc ta xchopolil li mulivajel tspase.

Tzotzil Zinacantan

⁴ Li antse lec tsꞌaquiem, morado xchiꞌuc tsoj li scꞌuꞌe. Oy lec snatsꞌ. Ti snatsꞌe oy oro, oy coꞌol xchiꞌuc sat anillo, oy perlaetic. Stomoj jun pꞌis naca oro. Jaꞌ chacꞌbe yil li crixchanoetique yoꞌ xpichꞌ o yoꞌonique. Li sbel spꞌise chopol chil ti Rioxe yuꞌun jaꞌ tey scotol li cꞌusitic lec chaꞌi stuc li antse.

Bible in Tzotzil de Chamula

⁴ Ti ants taje, ic' ic' losantic sba stsajal xchi'uc bats'i tsoj yutsil xnichimal slapoj ti sc'u'e. Ch'alal ta naca nats'il, ta oro ti yoc sc'obe, ta c'upil sba tonetic xchi'uc ta perla. Stsacoj xtoc jun bis ti meltsanbil ta oroe, ti noj sbel ta naca c'usitic chopol ta scoj sbolilal ti ta sbolomalin sbae.

Tzotzil San Andres

⁴ Li antse slapoj lec scꞌuꞌ, icꞌpocꞌan stsajal. Schiꞌuc oy lec snatsꞌ pasbil ta cꞌanal taqꞌuin, schiꞌuc ton li toyolic stojole, schiꞌuc perlaetic. Jech lec cꞌupil o sba schiꞌuc. Te slechoj jun boch pasbil ta cꞌanal taqꞌuin. Jaꞌ ta xacꞌbe yil li crixchanoetique yoꞌ acꞌo spichꞌ o yoꞌonic. Li sbel sboche naca chopol ta xil li Diose yuꞌun naca te oy scotol li cꞌustic lec chaꞌi stuc li antse.

Tzotzil de Huixtán

⁴ Ti sc'u' ti slapoj ti antse ic'ic'tic xchi'uc tsoj. T'ujum ch-ilat yu'un oy snats' pasbil ti c'anal taq'uin xchi'uc ton ti toyol stojole xchi'uc perlaetic. Stsacoj ti sc'ob jun taza pasbil ti c'anal taq'uin. Chac'be yil yu'un hech ac'o sc'upin tal ti crixchanoetique. Mu'yuc sc'opilal ti yo'ntonic ti ja' nojem te ti yut taza ti c'usi mu xtun chil ti Diose ti tspas ti antse xchi'uc ti sbolil yo'nton ti antse yu'un ti mu spas ti muc' ti Diose.

Apocalipsis 17:4 Iomraidhean Croise

1 Reyes 14:24

Xchi'uc oy jmulavil viniquetic te oyic, Sodomaetic sbiic, la stsob sbaic ta spasel muliletic jech chac c'u cha'al la spasic li yanlum cristianoetic ti inutsbatic loq'uel yu'un Muc'ul Dios ta stojol li israeletique.

2 Reyes 21:2

Pero li Manasese toj chopol c'usi la spas ta stojol li Muc'ul Diose. Ja' co'ol la spas jech chac c'u cha'al sbol talelic li yanlum cristianoetic ti inutsbatic loq'uel yu'un Muc'ul Dios ta stojol israeletique.

Esdras 9:11

ti laj avalbuncutic ta sventa avajtuneltac, ja' li j'alc'opetic avu'une. Jech laj avalbuncutic: ‘Li banamil yo' bu chacac'boxuque boliben ta scoj smulic li cristianoetic tee. Nojem ta sbol talelic, xchi'uc li c'usitic toj chopol tspasique’, xavutuncutic.

Isaías 66:3

Yan li boch'otic tsmilic tot vacax sventa jmoton scuyoj sbaique xco'laj xchi'uc tsmil jun cristiano. Li boch'o tsmil jcot chije xco'laj xchi'uc tsmil jcot ts'i'. Li boch'o chac' c'usitic chloc' yu'une xco'laj xchi'uc chac' ch'ich'al chitom. Li boch'o chchic' pome xco'laj xchi'uc tsc'opan c'usi cuybil ta dios. Yu'un ja' tspasic o li c'usitic tsc'an stuquique; ja' la sc'anic o li c'usitic toj chopole.

Jeremías 51:7

Li Babiloniae ja' to'ox jech oy ta jc'ob jech chac c'u cha'al jun bis pasbil ta c'anal taq'uin, iyacubic yu'un li cristianoetic ta banamile; li yantic lumetique laj yuch'beic li sbele, jech ivovij sjolic yu'un.

Lamentaciones 1:9

Li sc'u' spoq'ue solel bonol ta xchopolil; muc snop li c'usi tsta ta ts'acale. Toj labal sba ti iyal ta lume; mu'yuc boch'o chtal patbatuc yo'nton. Muc'ul Dios, q'uelavil li jvocole; solel toj muc' xa yac'oj sbaic ta jtojol li cajcontrae.

Ezequiel 20:30

“Jech xavalbe noxtoc li smomnich'nab Israele: ‘Jech chayalboxuc li Muc'ul Diose: ¿C'u yu'un ti chabolibtas abaic ec jech chac c'u cha'al la spas li atot ame'ique, xchi'uc ti mu junuc avo'ntonic ta jtojol ec ta scoj ti ja' batem avo'ntonic yich'el ta muc' li sloc'obaltac adiosique?

Ezequiel 24:11

Te ac'o comuc o ta ac'altic li xocol bine; te ac'o tsajubuc ta c'oc', ja' to jech xu' chloc' scotol li yic'ubale, jech xu' chc'ac' scotol.

Ezequiel 24:13

‘Jerusalén, ta jc'an ox ta jpocbot loq'uel li achopolil ta scoj amule, pero muc ono'ox xacom o ta lec. Ja' to xu' chpoc loq'uel scotol c'alal me la jloq'ues scotol li sc'ac'al co'nton ta atojole.

Ezequiel 28:13

Oyot xa ta Edén ta ts'unubaltic yu'un Dios chava'ay; solel c'ac'umtasbilot ta lequil tonetic ti c'upilic sbae, ja' li cornalina, topacio, jaspe, li crisólito, berilo, ónice, zafiro, carbunclo, xchi'uc li esmeralda tonetique. Li nats'iletic xchi'uc li staq'uinal chiquiniletic avu'une ta puru c'anal taq'uin pasbil; chapanbil ono'ox ta aventa ti c'alal lic ayinan ta banamile.

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Daniel 11:38

Ja' no'ox chich' ta muc' li dios yu'un tsatsal coraltonetique, ja' li dios ti muc xotquin li smoltotac ta vo'onee. Chac'be smotonin c'anal taq'uin, saquil taq'uin, lequil tonetic, xchi'uc li c'usitic toj toyolic stojole.

Oseas 9:10

Jech chal li Diose: “C'alal la jta li Israel ta vo'onee, toj xcuxet no'ox co'nton, jech chac c'u cha'al boch'o tsta sat ts'usub ta xocol banamil. Li amoltotaquic ta vo'onee ja' jech laj quilic jech chac c'u cha'al sba sat higo ti ba'yuc chyijube. Pero c'alal ibatic ta stojol Baal-Peore, laj yac' sbaic o ta q'uexlal ta stojol li c'usi mu'yuc stue. Toj chopol laj quilic o, jech chac c'u cha'al li c'usitic laj yich'ic ta muq'ue.

Deuteronomio 29:17

Ja' ti bu laj quiltic li c'usitic cuybilic ta diosetic pasbil ta te', ta ton, ta c'anal taq'uin, ta saquil taq'uine. Le'e toj chopol chil li Muc'ul Dios ja' yich'ojic ta muc' li cristianoetic te nacajtique.

Apocalipsis 14:8

Ital chi'inatuc yu'un xchibal j'almantal, jech c'ot yal: “Ilom xa, ilom xa li Babiloniae, ja' li muc'ta lume. Ja' ti laj yac'be yuch' pox scotol cristianoetic ta jujun banamile, ja' li c'usitic chopol tsc'an sbec'tal ti chac' licuc sc'ac'al yo'nton Diose”, xi.

Apocalipsis 18:12

Li yicatsique ja' c'anal taq'uin, saquil taq'uin, tonetic ti toj c'upilic sba, ti toyolic stojole, perlaetic, poq'uetic pasbilic ta lino no, yax'elan poc', xela poc', tsajal poc', xchi'uc te'etic ti lec muic yiq'ue; xchi'uc scotol c'usitic pasbilic ta sts'uts'up tsemen, xchi'uc c'usitic pasbilic ta te'etic ti c'upilic sbae, xchi'uc ta cobre taq'uin, ta tsatsal taq'uin, xchi'uc ta mármol ton.

Apocalipsis 18:16

Jech chalic: “¡Ay, ay! ¡Ilaj xa o li muc'ta lume! Puru lequil poc' to'ox li sc'u' spoq'ue; pasbilic lec ta lino no, ta yax'elan poc', ta tsajal poc'. Solel xojoban to'ox xchi'uc li c'anal taq'uine, li tonetic ti lec c'upilic sbae, xchi'uc li perlaetique.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Apocalipsis 21:21

Li lajchab sti' coraltone pasbil ta lajchab saquil perla. Jujun perla yich'oj li jujuch'oj ti'nae. Li xoraltique pasbil ta bats'i lequil c'anal taq'uin; ja' jech chac c'u cha'al nen ti xquiltic osil ta spate.

Apocalipsis 9:21

Jech noxtoc muc scomtsanic li milvaneje, li ac'chamele, li mulivajele, xchi'uc li eleq'ue.