Apocalipsis 17:3 - Bible in Tzotzil de Chenalhó with Deuterocanon

³ Jech ta sventa Ch'ul Espíritu laj ca'ay laj yic'un batel ta xocol banamil ti j'almantale. Te laj quil jun ants cajal ta jcot tsajal jti'vanej bolom. Li jti'vanej bolome oy ep sbi ta scotol sbec'tal; li sbitaque ja' tscuy sba ta Dios. Oy vucbej sjol xchi'uc lajuneb xulub.

Tzotzil Zinacantan

³ Ta syuꞌel Chꞌul Espíritu noxtoc icaꞌi ti liyicꞌ echꞌel ta xocol balamil li anjele. Tey iquil jun ants, tey chotol ta sba jcot tsajal chon. Tsꞌibabil sjunul spat xocon li chone. Chal ti tspꞌis sba ta Rioxe. Oy vucpꞌej sjol, lajuneb xulub.

Bible in Tzotzil de Chamula

³ Laj taj une, ti Ch'ul Espiritue laj sjambun ti jba jsate, laj ca'i ti laj yic'un batel ta xocol banomil ti anjele. Ti bu taje, laj quil jun ants ti scajlebinoj jun muc' ta tsajal jti'oval chone, ti volol ta spat ta xocon ti naca chopol ta xalbe sc'oplal ti Diose. Oy vucub sjol xchi'uc lajuneb xulub ti jti'oval chon taje.

Tzotzil San Andres

³ Ta sventa li Chꞌul Espíritu nojtoc icaꞌi liyicꞌ batel ta taqui jamaltic li chꞌul ángele. Te iquil jun ants cajal ta jcot tsajal jtiꞌaval bolom. Oy ep sbi ta sjunul sbecꞌtal li bolome, jaꞌ ti stoyoj noj sba ta stojol li Diose. Jucpꞌej sjol schiꞌuc lajuneb xulub.

Tzotzil de Huixtán

³ Hech yu'un laj sventainun ti Ch'ul Espíritue laj yic'un batel ti xocol balumil laj ca'i. Te laj quil jun ants scajlebinoj jti'vanej bolom. Tsoj ti bolome. Oy ep sbi ti sbec'tal. Ti c'u che'el ts'ibabil ti sbie ja' tstoy sba ti stojol ti Diose. Hucp'ej ti sjol ti bolome. Lajunch'ix ti xulube.

Apocalipsis 17:3 Iomraidhean Croise

1 Reyes 18:12

Pero c'alal me la jvoc' jbatic tanae, li Muc'ul Dios ti mu'yuc sbec'tale chayic'ot batel ti bu mu xa jtaot ta t'unele. C'alal me bat calbe ya'ay li cajvale, me mu'yuc la staot ta t'unele, vu'un chismilun. Pero vu'un li avajtunelune ta jbic'tal ono'ox quich'oj ta muc' li Muc'ul Diose.

2 Reyes 2:16

jech laj yalbeic: —Oy lajuneb yoxvinic (50) queremetic ti lec xu' yu'unique; ac'o bat st'unic li jchanubtasvanej avu'une. Me yu'un i'ic'at batel ta stsatsal Muc'ul Diose, oy yic'al oy bu icomtsanat ta jun vits, o me ta junuc stenlejal —xiic. Itac'ov li Eliseoe: —Mo'oj, mu me boch'o xataquic batel —xut.

Cantares 8:5

¿Boch'o ti le' xtal ta xocol banamil ti xpech'anoj tal sjol ta snecub sc'upil vinique? Ta yolon jpets mantsano la jtijbot avayel, vo'ot ti laj ya'ay svocol avu'un li ame'e, ti lavoc' la'ayin yu'une.

Ezequiel 11:24

Li svu'el stsatsal Diose laj yic'un batel yan velta ta jch'ulel te ta yosilal li caldeaetic yo' bu chucbilic batel li yantic israeletique. Jech te isacch'ay li c'usi laj quil ta jch'ulele.

Ezequiel 3:12

Litots liquel ta stsatsal svu'el li Diose. Laj ca'ay oy boch'o chc'opoj ta jpat, tsots xc'ulet jech chac c'u cha'al niquel, jech chal: “Ich'biluc ta muc' yutsilal slequilal li Muc'ul Dios te yo' bu nacale”, xi.

Ezequiel 8:3

Li c'usi xco'laj xchi'uc vinic laj quile la xach' tal sc'ob; la stsacbun ta stsotsil jol. Ta stsatsal Dios laj quich' liquel muyel c'alal ta o'lol vinajel. Li Diose ta jch'ulel laj yic'un batel ta Jerusalén. Te c'ot sva'anun ta yochebal yamaq'uil ch'ulna ta stuq'uil norte yo' bu oy li sloc'obal sdiosic ti la sa'be tsots sc'ac'al yo'nton Muc'ul Diose.

Daniel 11:36

‘Li ajvalil ta nortee ta spas scotol li c'usi tsc'ane. Ep ta stoy sba; muc' chac' sba ta stojol scotol li diosetique, xchi'uc bats'i chopol c'usi chal ta stojol li bats'i Diose. Lec chbat yu'un scotol, ja' to me la sta yorail ch-ac'bat stoj smul yu'un Diose, yu'un li c'usi chapanbil yu'un Diose ta persa ta spas.

Daniel 7:20

Jech noxtoc la jac'be lec smelol li lajuneb xulube xchi'uc li yan xulub ts'acal iloc' tal ti bu laj yich' c'oquel loq'uel li yan oxib xulube, ti oy sate, ti oy yee, ti toj tsotsic c'usi laj yale, ti xco'laj xchi'uc ja' toj muc' ic'ot ta scotol li yantic xulube.

Daniel 7:25

Chlic chopolc'opojuc ta stojol li Boch'o te oy ta vinajele; ta xlic yac'be svocol li xnich'nabtac Diose. Tsc'an ta sjel li mantaletic yu'un Diose xchi'uc li c'usitic ora chcux yo'ntonic sventa chich'ic ta muc' Diose. Li xnich'nabtac Diose ta x'och ta sc'ob o'lol xchanibal jabil.

Daniel 7:8

“C'alal te jq'uelojbe li xulube, laj quil iloc' yan biq'uit xulub ta o'lol li yantic xulube. Li yantic ba'yuc xulub ta sts'el ti bu iloc' tal li biq'uite laj yich' c'oquel loq'uel oxib. Li xulub ts'acal iloq'ue oy sat jech chac c'u cha'al sat cristiano, xchi'uc oy ye toj ven tsotsic c'usi chal.

San Mateo 27:28

La sloc'beic sc'u' li Jesuse; la slapbeic natil tsajal c'u'il.

Hechos 8:39

C'alal imuyic tal ta vo'e, li Felipee icuchat batel yu'un Ch'ul Espíritu yu'un Cajvaltic. Li vinique muc xa xil o li Felipee, pero xcuxet no'ox yo'nton la stam batel sbe yan velta.

2 Tesalonicenses 2:4

Li vinic chcale ta stoy sba, chlic scontrain li Diose xchi'uc scotol li c'usitic yich'ojic ta muc' cristianoetique. Ta scuy sba ta Dios stuc. Ta x'och chotluc ta yut ch'ulna yu'un Dios; chal ti ja' Dios stuque.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.

Apocalipsis 12:14

Pero li antse i'ac'bat chib xic' jech chac c'u cha'al xic' jun muc'ta xic, yu'un ac'o viluc loq'uel te ta stojol li chone. Ac'o batuc ta yavil ta xocol banamil ti bu chmac'linat o'lol xchanibal jabile.

Apocalipsis 12:3

Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Apocalipsis 12:6

Yan li antse ijatov batel ta xocol banamil yo' bu chapanbil yavil yu'un Diose. Te chich' mac'linel o'lol xchanibal jabil.

Apocalipsis 17:18

Li ants laj avile ja' senyail li muc'ta lum ti tspas ta mantal scotol ajvaliletic ta banamile”, xiyutun li j'almantale.

Apocalipsis 17:4

Li antse slapoj yax'elan c'u'il, xchi'uc tsoj. Lec sc'ac'ubtasoj sba ta puru c'anal taq'uin, xchi'uc ta ton ti c'upilic sbae, xchi'uc ta perlaetic. Stsacoj jun bis pasbil ta c'anal taq'uin nojem ta c'usitic toj chopolic chil Dios, xchi'uc ta xchopolil li mulivajel tspase.

Apocalipsis 18:12

Li yicatsique ja' c'anal taq'uin, saquil taq'uin, tonetic ti toj c'upilic sba, ti toyolic stojole, perlaetic, poq'uetic pasbilic ta lino no, yax'elan poc', xela poc', tsajal poc', xchi'uc te'etic ti lec muic yiq'ue; xchi'uc scotol c'usitic pasbilic ta sts'uts'up tsemen, xchi'uc c'usitic pasbilic ta te'etic ti c'upilic sbae, xchi'uc ta cobre taq'uin, ta tsatsal taq'uin, xchi'uc ta mármol ton.

Apocalipsis 18:16

Jech chalic: “¡Ay, ay! ¡Ilaj xa o li muc'ta lume! Puru lequil poc' to'ox li sc'u' spoq'ue; pasbilic lec ta lino no, ta yax'elan poc', ta tsajal poc'. Solel xojoban to'ox xchi'uc li c'anal taq'uine, li tonetic ti lec c'upilic sbae, xchi'uc li perlaetique.

Apocalipsis 21:10

Jech ta sventa Ch'ul Espíritu laj ca'ay laj yic'un batel ta jun muc'ta toyol vits. Te laj yac'bun quil li muc'ta ch'ul lum Jerusalén chyal tal ta vinajel ta stojol Diose.

Apocalipsis 4:2

Jech ta ora no'ox la sventainun svu'el li Espiritue, jech laj quil jun muc'ta chotlebal ta vinajel. Oy boch'o te chotol tspas mantal.