Apocalipsis 16:9 - Bible in Tzotzil de Chenalhó with Deuterocanon

⁹ C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.

Tzotzil Zinacantan

⁹ Cꞌalal chcꞌacꞌ xa chaꞌiic li crixchanoetique, chopol cꞌusi iyalbeic ti Rioxe ti jaꞌ chacꞌ scotol li casticoe. Muc xicta sbaic ta spasel li cꞌusitic chopole, muc xichꞌic o ta mucꞌ ti Rioxe.

Bible in Tzotzil de Chamula

⁹ Manchuc mi scotolic laj ya'iic tsots xq'uixnal sat ti c'ac'ale, mu'yuc sutic talel ta stojol ti Diose, mi ja'uc lequil-c'opojic ta stojol. C'ajomal no'ox naca chopol c'usitic ta xloc' ta yeic ta stojol Dios ti jnaclejetic ta banomile, c'alal ja' oy ta sc'ob ta yaq'uel ti cuxul j'ilbajinvanej vocole.

Tzotzil San Andres

⁹ Li cꞌalal chcꞌacꞌ chaꞌiic li crixchanoetique, más to ichopolcꞌopojic ta stojol li Dios ti jaꞌ sventainoj scotol li vocole. Muc bu xictaic o li cꞌustic chopol ta spasique, muc bu xichꞌic o ta mucꞌ li Diose.

Tzotzil de Huixtán

⁹ Ti c'alal chc'ac' cha'yic ti crixchanoetique, chopol lic yalbeic sc'opilal ti Diose, ja' ti sventainoj scotol avi castigo li'to. Muc sutes yo'ntonic yu'un ti smulique, muc spasic ti muc' ti Diose.

Apocalipsis 16:9 Iomraidhean Croise

2 Reyes 6:33

Naca to te sbats'ilic lo'il c'alal ic'ot li vinique, jech laj yal: —Li vocol li'i ja' Muc'ul Dios la stacbutic tal, ¡c'u x'elan xu' ta jmalatic ti chiscoltautique! —xi.

2 Crónicas 28:22

La sta ep svocol li Acaze, pero yo'to ech'em la spas c'usi chopol ta stojol li Muc'ul Diose.

Isaías 1:5

Staoj yav jtoybaoxuc o. ¿Bu xa jotucal abec'talic xu' chc'ot li nucule? yu'un tuch'emic xa sbejlijil ajolic; xlaj xtu'p xa avo'ntonic.

Isaías 8:21

Li cristianoetique buyuc no'ox xloc' x'ech'ic, toj abul sbaic, jvi'naletic. C'alal ep vi'nal cha'yique, chlic ilinicuc ta stojol li ajvalil yu'unique xchi'uc li Dios yu'unique, jech tsq'uelic muyel ta toyol.

Jeremías 13:6

C'alal i'ech' xa'ox jayibuc c'ac'ale, jech laj yalbun noxtoc li Muc'ul Diose: “Bat ich'o tal li achuc ti laj calbot te chanac' comel ta uc'um Eufratese”, xiyutun.

Jeremías 5:3

Muc'ul Dios, li c'usi chasa'e, ja' ti oyuc boch'o melel c'usi chale. Laj avac'be nucul, pero mu'yuc c'ux laj ya'yic; laj avac'be tsots svocolic pero muc xbijubic o. Toj tsots la spas sbaic jech chac c'u cha'al ton; me jutuc muc sutes yo'ntonic o.

Ezequiel 24:13

‘Jerusalén, ta jc'an ox ta jpocbot loq'uel li achopolil ta scoj amule, pero muc ono'ox xacom o ta lec. Ja' to xu' chpoc loq'uel scotol c'alal me la jloq'ues scotol li sc'ac'al co'nton ta atojole.

San Lucas 13:3

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec.

San Lucas 13:5

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec”, x'utatic yu'un li Jesuse.

2 Corintios 12:21

C'alal chic'ot ta atojolique, chcat co'nton me chac' q'uexovcun avu'unic li Diose, xchi'uc me persa chc'ot coc'ta li boch'otic vo'one ono'ox lic sa' tal smulique, me yoquel mu'yuc sutesoj o yo'ntonic ta sventa li c'usitic chopole, me mu'yuc scomtsanojic o li mulivajele xchi'uc li c'usitic tsc'an sbec'talique.

Josué 7:19

Li Josuee jech laj yalbe li Acane: —Quits'in Acán, ac'o ta ich'el ta muc' li Muc'ul Dios cu'untic, vu'utic li israelutique. Ac'o vinajuc slequilal avu'un. Jamal xavalbun li c'usi laj apase; mu me xamuc ta avo'nton —xut.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 16:21

Xchi'uc ital muc'tic bot ta stojol li cristianoetique, ech'em ta cha'vinic (40) kilo yalal jujubej. Li cristianoetique ep ichopolc'opojic ta stojol Dios ta sventa ti ital li muc'tic bote. Yu'un toj ech'em tsots li stojol smul i'ac'batique.

Apocalipsis 2:21

Laj xa jmala jal ti ac'o sutes yo'ntone, pero mu sc'an sutes yo'nton ta sventa li mulivajele.

Apocalipsis 9:20

Pero li cristianoetic ti c'u yepal cuxul icomic ta scoj li vocol le'e, me jutuc muc sutes yo'ntonic. Muc scomtsanic o yich'el ta muc' li c'usitic pasbil ta sc'obique. Muc scomtsanic yich'el ta muc' li pucujetique xchi'uc li sloc'obal sdiosic pasbilic ta c'anal taq'uin, ta saquil taq'uin, ta cobre, ta ton, ta te', ti mu xilic osile, ti mu xa'yic c'ope, ti mu xanovique.