Apocalipsis 16:21 - Bible in Tzotzil de Chenalhó with Deuterocanon

²¹ Xchi'uc ital muc'tic bot ta stojol li cristianoetique, ech'em ta cha'vinic (40) kilo yalal jujubej. Li cristianoetique ep ichopolc'opojic ta stojol Dios ta sventa ti ital li muc'tic bote. Yu'un toj ech'em tsots li stojol smul i'ac'batique.

Tzotzil Zinacantan

²¹ Jaꞌo iyacꞌ mucꞌtic bot liꞌ ta balamile. Li bote chaꞌvinic kilo yalal jupꞌej. Li crixchanoetique chopol cꞌusi iyalbeic ti Rioxe, jaꞌ ti iyacꞌ tal bote. Yuꞌun toj tsots li castico iꞌacꞌbatique.

Bible in Tzotzil de Chamula

²¹ Ti ta vinajele, baj talel muc'tiquil bot ta sbaic ti jnaclejetic ta banomile, ti ech'em ta cha'vinic (40) kilo yalal ti jujubeje. Ti jnaclejetique ech'em no'ox c'usi chopol ta xloc' ta yeic ta stojol ti Diose, ta scoj ti cuxul j'ilbajinvanej vocol ta xich'ic yu'un ti bote.

Tzotzil San Andres

²¹ Schiꞌuc itsꞌuj yalel mucꞌtic bot ta balumil. Chaꞌvinic kilo yalal jupꞌej. Li crixchanoetique ichopolcꞌopojic ta stojol Dios ta scoj ti ital li bote. Yuꞌun más toj tsots li vocol li iꞌacꞌbatique.

Tzotzil de Huixtán

²¹ Ip'aj yal tal ti balumil muc'tic bot. Cha'vinic kilo yalal jujup'ej ti bote. Ti crixchanoetique chopol laj yalbeic sc'opilal ti Diose yu'un ital ti bote. Yu'un tsots castigo ti jyalel.

Apocalipsis 16:21 Iomraidhean Croise

Job 38:22

“¿Me aviloj bu oy snail li tayoe? ¿Me aviloj bu oy snail li bot

Job 38:23

ti jnac'oj sventa chcac'be o svocol li cristianoetique, xchi'uc sventa ta jtac batel c'alal liquem muc'ta c'op yu'unique?

Éxodo 9:18

Lec oy ti me jech avo'ntone. Oc'om ta jcocan yalel tal epal bot ti mu'yuc ono'ox baq'uin jech xyal tal c'alal lic yich' va'anel li Egiptoe xchi'uc c'alal to tanae.

Éxodo 9:22

Li Muc'ul Diose jech laj yalbe li Moisese: —Toyo muyel ac'ob ta vinajel yu'un ac'o taluc bot ta scotol Egipto banamil, ta scotol cristianoetic, ta scotol chonbolometic, xchi'uc ta scotol li c'usitic ch'iem li' ta Egipto banamile —xut.

Isaías 30:30

Li Muc'ul Diose chac' ta a'yel li sc'op ti toj ech'em stsatsale, xchi'uc ta sc'ac'al yo'nton, ta yat c'oc', ta epal chauc, ta muc'ta sutub ic', ta chauquil vo', xchi'uc ta muc'tic bot chac' ta ilel li smuc'ul stsatsale.

Isaías 8:21

Li cristianoetique buyuc no'ox xloc' x'ech'ic, toj abul sbaic, jvi'naletic. C'alal ep vi'nal cha'yique, chlic ilinicuc ta stojol li ajvalil yu'unique xchi'uc li Dios yu'unique, jech tsq'uelic muyel ta toyol.

Ezequiel 13:11

Li boch'o tsbon ta tan li spac'benal nae, albo ti ta ono'ox xvuc' yalele, yu'un ta xtal tsots ic'al vo'; ta jtac tal bot jech chac c'u cha'al ton; ta x'ech' vuq'uesatuc ta muc'ta tsatsal ic'.

Ezequiel 13:13

Yu'un jech caloj vu'un li Muc'ul Diosune: Ta jvuq'ues ta sc'ac'al co'nton, ta jvuq'ues ta tsatsal chauquil vo'. Ta jtac tal tsots ic'al vo', xchi'uc muc'tic bot jech chac c'u cha'al ton; ta slomes o scotol.

Josué 10:11

C'alal ja'o chjatovic batel ta anil yu'un israeletic te ta yalubaltic Bet-horone, li Muc'ul Diose la sjipbe yalel tal muc'tic bot ta sbaic xco'laj xchi'uc muc'tic ton. Ja' to toj ep ichamic; ja' mu sta jech yepal la smilic ta espada li israeletique.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 16:11

Pero te ono'ox chchopolc'opojic o ta stojol Dios ta vinajel ta scoj xc'uxul li c'a'al chinetique. Muc ono'ox sutes yo'ntonic o.

Apocalipsis 16:9

C'alal chc'ac' cha'yic li cristianoetique, yo'to ichopolc'opojic ta stojol li Dios ti ja' sventainoj scotol li tsatsal vocole. Muc sutes yo'ntonic o; muc xich'ic ta muc' li Diose.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.