Apocalipsis 16:2 - Bible in Tzotzil de Chenalhó with Deuterocanon

² Jech iloc' batel li sba j'almantale, bat smal ta banamil li sbel stazae. Jech ilic ep c'a'al chin ta sbec'talic scotol li boch'otic yich'ojbeic smarcail li jti'vanej bolome, xchi'uc ti yich'ojbeic ta muc' li sloc'obale. Li chine toj chopol, xchi'uc toj c'ux.

Tzotzil Zinacantan

² Li primero anjele ismal ta balamil li casticoe, jaꞌo ichꞌi chin ta spat xocon li muchꞌutic yichꞌojbeic seña li bolome, ti yichꞌojbeic ta mucꞌ li slocꞌole. Ituib li spat xoconique, cꞌux tajmec iyaꞌiic.

Bible in Tzotzil de Chamula

² Loc' batel ti ba'yel anjele, laj scocan yalel ti sbel sbis ta banomile. Scotol ti buch'utic yich'oj smarcail ti xi'bal sba jti'oval chone, ti snijanoj xchimanoj sba ta yich'el ta muc' ti sloc'obbaile, lic ch'iuc chin ta sbec'tal stacopalic ti jun xc'uxul ta j'ech'ele.

Tzotzil San Andres

² Ital jun li chꞌul ángeletique, tal smal ta balumil li vocol li acꞌbile. Jaꞌ yuꞌun ilic ep chin ta sbecꞌtalic scotolic li buchꞌutic yichꞌojbeic senyail li jtiꞌaval bolome, schiꞌuc ti laj yichꞌbeic ta mucꞌ li slocꞌole. Ituib li sbecꞌtalic ta scoj li chinetique. Yan sba scꞌuxul iyaꞌiic.

Tzotzil de Huixtán

² Hech iyal tal ti jun ch'ul abate, tal smal ti balumil ti castigo ti te tiq'uil ti stazae. Hech ilic ep chin ti sbec'talic ti much'utic ti yich'ojbeic ti smarca ti jti'vanej bolome, ja' ti laj squejan sbaic ti stojol ti sloc'tombaile. Tu ti jyalel ti sbec'talique scoj ti chine. Ep c'ux laj ya'yic.

Apocalipsis 16:2 Iomraidhean Croise

2 Crónicas 21:15

Li vo'ote ta xtal ep chameletic ta atojol ec. Ta xlic chamel ta abiquiltac; ta xlic loc'anuc abiquiltac ta scoj li tsots chamel ta xlique’, xi li Diose”, x'utat ta carta yu'un Elías li Jorame.

2 Crónicas 21:18

C'alal ic'ot ta pasel scotol le'e, li Muc'ul Diose ja'o laj yac'be tsots chamel ta sbiquil li Jorame; ja' jun chamel ti mu stac' poxtael oe.

Salmos 78:26

Ital tsots ic' ta sloq'uem c'ac'al; ta svu'el la stac tal muc'ta ic' ta stuq'uil sur.

Isaías 3:17

ta jtulesbe ta chin li stsotsil sjolique; jeche' xa t'ajt'aj sjolic chcomic cu'un”, xi.

Isaías 3:24

Ja' xq'uexol sperfumeic chc'ot ti chtuib yiq'uique; ja' xq'uexol xchuquic chc'ot li ch'ojone. Li sjolic ti toj c'upilic to'ox sba tspasique ja' xq'uexol chc'ot ti cht'ajbuj sbejlijile; li sc'u'ic ti toj lequique ja' xq'uexol chc'ot li c'u'il ti ch'ixlajan ta lapele; ja' xa st'ujumalic chc'ot li smarcailic ti ch-ic'uban ta c'ac'al taq'uine.

Hechos 12:23

Ta ora no'ox itsacat ta chamel yu'un jun yaj'almantal Cajvaltic, yu'un muc ja'uc laj yac' ta ich'el ta muc' li Diose. Jech lic ti'atuc yu'un slucum, jech te icham o.

Deuteronomio 28:27

“Li Muc'ul Diose ta xac' avich' avocolic ta epal c'a'el chameletic jech chac c'u cha'al ic'ot ta pasel ta stojol li egiptoetique. Xchi'uc chastaoxuc ep ch'ieletic, ch'inin, tan-se'p xchi'uc spintoal ti mu stac' poxtael oe.

Deuteronomio 28:35

Li Muc'ul Diose chac' stsacoxuc c'a'al chinetic ta sjoljol avacanic, xchi'uc ta sc'uniltac avacanic, xchi'uc ta scotol abec'talic, pero mu xu' avu'unic xpoxtael.

Deuteronomio 7:15

Li Muc'ul Diose mu xac' taluc chamel ta atojolic, xchi'uc muc xac' taluc li c'usitic toj chopolique, ti toj xi'balic sba jech chac c'u cha'al ava'yojbeic sc'oplal ic'ot ta pasel ta Egiptoe. Yan li avajcontraique chcac' taluc ta stojolic scotol, yu'un ac'o sta ep svocolic.

Apocalipsis 13:12

Ja' ch-abtej ta sventa svu'el li ba'yuc jti'vanej bolome. Ja' lic spas ta mantal scotol jnaclumetic ta sbejel banamil ti ac'o yich'ic ta muc' li ba'yuc jti'vanej bolome, ja' ti oy yav syayijemal ti colem xae.

Apocalipsis 14:16

Li boch'o te chotol ta ba toque la xtuch' ta sjoz li trigo ta banamile, jech la stsob scotol.

Apocalipsis 14:9

Ts'acal ibat yoxibal j'almantal noxtoc. Tsots ic'opoj, jech laj yal: “Li boch'o chich' ta muc' li jti'vanej bolome xchi'uc li sloc'obale, me ta xich'beic smarcail ta sti'baic, o me ta sc'obique,

Apocalipsis 16:1

Laj ca'ay oy boch'o tsots chc'opoj tal ta ch'ulna ta vinajel, jech laj yalbe li vucub j'almantaletique: “Bat malic ta banamil sbel li vucub taza avich'ojique, ja' li sc'ac'al yo'nton Diose”, x'utatic.

Apocalipsis 16:11

Pero te ono'ox chchopolc'opojic o ta stojol Dios ta vinajel ta scoj xc'uxul li c'a'al chinetique. Muc ono'ox sutes yo'ntonic o.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.

1 Samuel 5:6

Li Muc'ul Diose tsots laj yac'be stoj smulic li jnaclumetic ta Asdod xchi'uc ta scotol yosilalique. Toj xi'bal sba li svocolique, ja' puru apun ich'i ta sbec'talic.

1 Samuel 5:9

C'alal laj yich'ic jelovele, li Muc'ul Diose laj yac'be tsots svocolic noxtoc li lum Gate. C'alal ta muc' ta biq'uit tsots svocolic, ich'ian ep apunetic ta sbec'talic.