Apocalipsis 15:4 - Bible in Tzotzil de Chenalhó with Deuterocanon

⁴ Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Tzotzil Zinacantan

⁴ Cajval, scotol crixchanoetic xiꞌemic avuꞌun. Chlic yalic ti atuc noꞌox ichꞌbilot ta muqꞌue. Yuꞌun atuc noꞌox mu xanaꞌ xasaꞌ amul. Ta to xlic yal scotolic ti voꞌot Rioxote, yuꞌun chilic ti jaꞌ yech chavacꞌbe castico ti cꞌu xꞌelan ispasique, xiic.

Bible in Tzotzil de Chamula

⁴ ¿Buch'u la ti mu ta xi'taote, Cajval, Ch'ul Dios? ¿Buch'u la ti mu ta xalbot ti alequilale? Yu'un vo'ot no'ox Ch'ul Diosot. Scotol ti muc'tiquil lum oy ta sjoylej banomile, ta xtal snijan xchiman sbaic ta atojol, yu'un laj xa yilic ta sba ta satic ti oy slequil yutsil ti c'usi ta xapase.”

Tzotzil San Andres

⁴ Cajval, scotolic chiꞌic ta atojol. Chlic yalic ti joꞌot noꞌox atuc ichꞌbilot ta muqꞌue. Yuꞌun atuc noꞌox tucꞌ avoꞌon. Scotolic chlic yalic ti joꞌot noꞌox atuc ajvalilot yuꞌunique, yuꞌun chilic ti tucꞌ chavichꞌ cꞌope, xiic.

Tzotzil de Huixtán

⁴ Scotolic chlic xi'uc ti atojol, Cajval. Scotolic chlic yal ti ho'ot atuc ajvalilot yu'unic. Yu'un atuc no'ox toj avo'nton. Yu'un hech avaloj ono'ox ti ac'op, hech yu'un scotol crixchanoetic chlic yalic ti toj chachapanvane, xchiic.

Apocalipsis 15:4 Iomraidhean Croise

Salmos 105:7

Yu'un li Muc'ul Diose ja' Dios cu'untic stuc; ja' sventainoj scotol li banamile.

Salmos 111:9

La stacbe tal coltael li steclumale; sbatel osil mu xlaj sc'oplal o li c'usi xchapanoje. Ja' no'ox stuc Ch'ul Dios, ja' no'ox stuc xi'bil.

Salmos 22:23

Vo'oxuc ti avich'ojic ta muc' li Muc'ul Diose, albeic slequilal. Ich'ic ta muc' acotolic vo'oxuc li smomnich'naboxuc Jacobe. Nijan abaic ta stojol acotolic vo'oxuc li sts'unubaloxuc Israele.

Salmos 22:27

Scotol li jaychop cristianoetic oy ta sbejlijil banamile chlic sna'ic li Muc'ul Diose, chlic talicuc ta stojol, chlic yich'ic ta muc', chlic squejan sbaic ta stojol.

Salmos 22:3

Vo'ot li Ch'ul Diosote, vo'ot chapas mantal, ich'bilot ta muc' yu'un li Israele.

Salmos 86:9

Scotol li yajvaltac jujun muc'tiquil lum laj apase ta xlic talicuc ta atojol; chayich'icot ta muc', ta xalic alequilal, Cajval.

Salmos 89:7

Vo'ot Muc'ul Diosot, atuc no'ox xi'bilot; te joyibtabilot yu'un scotol li j'almantaletic te ta vinajele.

Salmos 97:8

Muc'ul Dios, li Sión xchi'uc li lumetic ta Judae xcuxet no'ox yo'ntonic yu'un li chapanel avu'une.

Salmos 99:5

Ich'ic ta muc' li Muc'ul Dios cu'untique; quejano abaic ta stojol te ta stec'um yacan, yu'un ja' Ch'ul Dios stuc.

Salmos 99:9

Ich'ic ta muc' li Muc'ul Dios cu'untique; quejano abaic ta stojol te ta ch'ul vits yu'un, yu'un li Muc'ul Dios cu'untique ja' ch'ul Dios stuc.

Isaías 24:15

Jech noxtoc chlic yalbeic slequilal Muc'ul Dios ta sloq'ueb c'ac'al xchi'uc ta bic'tal banamil cacajtic ta nab; buyuc no'ox oyic chlic yich'ic ta muc' li Muc'ul Dios yu'un Israele.

Isaías 25:3

Ja' yu'un chayich'icot xa ta muc' li lumetic ti puru jsa'c'opetic to'oxe; ta xi'ic xa avu'un li muc'tic lum ti toj simaronique.

Isaías 26:9

Ta scotol jol co'nton chajna'ilanot ta jujun ac'ubal; juteb co'nton ta atojol chajsa'ot ta jujun sacubbal. C'alal chachapan sbejel li banamile, ja' to te chchanic c'usi tuc' ta pasel li cristianoetique.

Isaías 45:23

Ta jbi jtuc chcal ta jamal; ta que jtuc chcal ti jech chc'ot ta pasel chac li'i: mu'yuc boch'o xu' tsmac ta be; scotol cristianoetic chlic squejan sbaic ta jtojol; ta scotol jaychop c'opetic ta xlic yalbicun ta jamal jbi scotolic.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 6:3

Jech laj yalbe sbaic jujunic: “Ja' Ch'ul Dios, Ja' Ch'ul Dios, Ja' Ch'ul Dios li Muc'ul Dios ti ech'em svu'ele. Nojem ta slequilal scotol li banamile”, xiic.

Isaías 60:5

C'alal chavile, toj xcuxet no'ox avo'nton; mu c'usi xtal ta avo'nton chava'ay. Xch'ay avo'nton yu'un c'alal chavil chich'ic tal ta atojol sc'ulejal li lumetic ta ti'ti' nabe xchi'uc sc'ulejal li yantic banamile.

Jeremías 10:7

¿Me oy boch'o mu'yuc ta xi' avu'un, vo'ot li Muc'ul Ajvalilot yu'un scotol jujun banamile? Vo'ot no'ox atuc xi'bilot o. Ta scotol li boch'o bijic xchi'uc li ajvaliletic li' ta banamile mu'yuc boch'o xco'laj jech chac c'u cha'al li vo'ote.

Jeremías 16:19

Muc'ul Dios, vo'ot jtsatsalot, vo'ot jchabivanejot cu'un; vo'ot jnac'ubbailot ti c'alal oy c'usi toj xi'bal sbae. Ta xtalic ta atojol scotol li yantic cristianoetic ta jujujot sti'il banamile, jech chayalboxuc: “Ta melel epalc'op no'ox c'usi la xch'unic li jmoltotaccutique; li diosetique altic no'ox, mu'yuc c'usi stu o.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Oseas 3:5

Ts'acal to ja'o chlic sutes yo'ntonic, chlic sa'ic li Muc'ul Dios yu'unique, chlic sa'ic li smomnich'on Davide, ti ja' ajvalil yu'unique. Ta slajebtic batel c'ac'ale ta xlic yich'ic ta muc' li Muc'ul Diose, jech ta xich'ic scotol li c'usitic ac'bilic yu'une.

Habacuc 1:12

Muc'ul Dios cu'un, Ch'ul Dios cu'un, vo'ot ti te ono'ox oyot ta sliquebale, vo'ot ti mu xana' xacham oe. Vo'ot li Muc'ul Diosote, li c'usi anopoj chapase ja' no'ox sventa chatuq'uibtasuncutic. Vo'ot ti xco'laj xchi'uc muc'ta ton c'otemot cu'une, ja' no'ox ta sventa chavac'bun jtoj li jmulcutique.

Zacarías 14:16

Scotol ti c'u yepal cuxul chcomic ta jujun banamil ti ay scontrainic li Jerusalene, jujun jabil chbat yich'ic ta muc' li Ajvalile, ja' li Muc'ul Diose; chbat spasic q'uin sventa Yaxnaetic.

Zacarías 2:11

Me la sta li sc'ac'alil le'e, ep cristianoetic ta yantic banamil ta stsob sbaic tal ta stojol li Muc'ul Diose. Jech chal: “Ja' jteclumal chc'otic o, te chinaqui o ta stojolic”, xi. Jech chana'ic o ti ja' la stacun tal ta atojol li Muc'ul Dios ti tspas ta mantal scotol te ta vinajele.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

Romanos 15:9

Jech noxtoc, ja' sventa ac'o lic yich'ic ta muc' Dios ec li yanlum cristianoetic ta sventa ti ep chc'uxubinvan li Diose, yu'un jech ono'ox ts'ibabil ta sc'op Dios: “Ja' yu'un ta xcal batel ac'oplal ta stojol li yanlum cristianoetique, ta jq'uejinta li abie”, xi.

1 Pedro 1:16

Yu'un jech ts'ibabil ta sc'op Dios: “Tuc'uc me avo'ntonic, yu'un li vu'une tuc' co'nton”, xi ts'ibabil.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 16:5

Laj ca'ay ic'opoj li j'almantal ti sventainoj vo'etique, jech laj yal: “Li vo'ote toj tuc' c'usi chapas, vo'ot ti cuxulot oe, ti te ono'ox oyot o ta vo'onee, vo'ot Ch'ul Diosot. Tuc' lachapanvan, laj xa avac'be stojol li mulile.

Apocalipsis 16:7

Laj ca'ay oy boch'o chc'opoj noxtoc te ta scajleb smoton li Diose, jech laj yal: “Cajval Dios, vo'ot ti ech'em avu'ele, tuc' chachapanvan, melel scotol li c'usitic chavale”, xi.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Apocalipsis 19:8

I'ac'bat xa slap sc'u' pasbil ta lino no, bats'i sac ta jyalel, oy xojobal. Yu'un li lequil lino noe ja' senyail li c'usitic tuc' spasojic li boch'o voc'bilic yu'un Diose”, xiic.

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Apocalipsis 6:10

Tsots i'avanic, jech laj yalic: “Cajval, vo'ot ti tuc' avo'ntone, ti melel c'usi chavale, ¿baq'uin to chachapan, baq'uin to chapacbe sutel li boch'otic la smiluncutic ti te oyic ta banamile?”, xiic.

1 Samuel 2:2

Mu'yuc yan ch'ul Muc'ul Dios jech chac c'u cha'al vo'ot. Dios cu'un, mu'yuc yan jpojubbail jech chac c'u cha'al vo'ot. Mu'yuc boch'o yan jech chac c'u cha'al vo'ot.