Apocalipsis 15:3 - Bible in Tzotzil de Chenalhó with Deuterocanon

³ Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Tzotzil Zinacantan

³ Isloqꞌuesic ta qꞌuevuj ti oy tajmec slequilal syuꞌelal ti Cajvaltic Jesuse. Jaꞌ chac cꞌu chaꞌal iqꞌuevujinic xchiꞌuc xchiꞌiltac ti Moisese, jaꞌ ti yajtunel Riox ti ta más voꞌnee ti cꞌalal isloqꞌuesic ta qꞌuevuj ti oy slequilal syuꞌelal ti Rioxe. Li muchꞌutic tey ta mare jaꞌ yech iqꞌuevujinic chac liꞌi: Cajval, lec tajmec li cꞌusitic chapase. Atuc noꞌox oy ayuꞌel. Li cꞌusitic chapase naca yech smelol. Voꞌot noꞌox acuentainoj ti jaylajunqꞌuex crixchanoetic iꞌechꞌic ta sba balamile.

Bible in Tzotzil de Chamula

³ Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Tzotzil San Andres

³ La sqꞌueojintaic ti echꞌem stsatsal sjuꞌel li Cajvaltique. Jaꞌ jech chac cꞌu chaꞌal la sqꞌueojintabeic stsatsal sjuꞌel Dios li Moisese schiꞌuc li schiꞌiltac ta voꞌonee. Li Moisese jaꞌ li yajtunel Dios ti la sloqꞌues talel ta jtunel li schiꞌiltac li ta Egipto balumile. Jech laj yalic: Cajvaltic Dios, toj lec scotol li cꞌustic apase. Echꞌem atsatsal ajuꞌel, scotol xuꞌ avuꞌun. Tucꞌ scotol li cꞌustic chapase. Jaꞌ sventa jlequilalcutic scotol. Joꞌot noꞌox atuc ajvalilot yuꞌun scotol li crixchanoetic ta spꞌejel li balumile.

Tzotzil de Huixtán

³ Te chq'uejinic. Chq'uejinic hech chaj c'u che'el iq'uejin ti Moisese ti c'alal icoltaatic loq'uel ti mozoil te ti Egipto xchi'uc ti jtatamoltique ti vo'one, ho'ucutic ti co'ol judioucutic xchi'uque. Ti q'uejoje ja' ti laj yalbeic sc'opilal ti jelaven sp'ijil ti Diose. Ja' no'ox hech ti much'utic ti yich'ojic yarpaic ti laj jq'uele, ja' laj yalbeic sc'opilal ti jelaven sp'ijil ti Ch'iom Carneroe. Hech iq'uejinic: Cajvaltic Dios, jelaven ap'ijil atuc. Scotol xu' avu'un chapas. Jun no'ox yutsil scotol avabtel. Toj ti c'usi chapase. Melel ti ac'ope. Ho'ot ajvalilot atuc sbatel osil.

Apocalipsis 15:3 Iomraidhean Croise

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

1 Crónicas 6:49

Yan li Aarón xchi'uc xnich'nabe ja' yabtelic o chchic'beic smoton Dios te ta scajleb, xchi'uc chchiq'uic pom te ta scajleb. Xchi'uc ja' tspasic o li abtel te ta bats'i lequil ch'ul cuartoe. Xchi'uc ja' chac'beic ta ch'aybel smul xchi'iltaquic ta israelal jech chac c'u cha'al yaloj li Moisese, ja' li yajtunel Diose.

2 Crónicas 24:6

Ja' yu'un li ajvalile lic yic' li banquilal pale Joiadae jech laj yalbe: —¿C'u yu'un mu xavac' persa ti ac'o bat stsobic tal taq'uin ta yosilal Judá xchi'uc ta lum Jerusalén li levietique? Yu'un li Moisés, ja' li yajtunel Muc'ul Diose, xchi'uc li jchi'iltactic ta israelale jech ono'ox laj yalic mantal ec ti ac'o yich' tsobel taq'uin sventa chich' pasel li ch'ulna pasbil ta nucule —xut.

Nehemías 9:14

Laj avalbe noxtoc ti oy jun c'ac'al xcuxubil co'ntoncutique, ti ja' jun c'ac'al voc'bil o ta atojole, xchi'uc ti ja' ta sventa Moisés laj avac' comel li mantaletic, li chanubtaseletic, xchi'uc li c'usitic yantic laj avale.

Job 36:24

Na'o me ti tsc'an chavalbe lec sc'oplal yabtel Dios jech chac c'u cha'al tsq'uejintaic ono'ox li cristianoetique.

Job 5:9

Yu'un ja' xu' yu'un tspas ep muc'tic sq'uelubiltac; xu' tspas tsotsic sq'uelubiltac ti mu stac' atel c'u yepale.

Salmos 100:5

Yu'un ja' toj lec li Muc'ul Diose, sbatel osil mu xlaj o li c'uxubinel yu'une; mu'yuc spajebal ti jun yo'nton ta jtojoltique.

Salmos 105:5

Vo'oxuc li smomnich'naboxuc Abrahame, ja' li yajtunel Diose, vo'oxuc li smomnich'naboxuc Jacob ti t'ujbiloxuc yu'un Diose, vuleso ta ajolic scotol li sq'uelubiltac stsatsal spasoje, xchi'uc li chanubtaseletic yaloje.

Salmos 111:2

Toj muc'tic c'usitic spasoj li Muc'ul Diose; xu' tsnopic lec c'u x'elan li boch'otic oy ta yo'ntonic tsc'an tsna'ique.

Salmos 111:7

Li c'usitic spasoje puru lec, xchi'uc puru tuc'; mu sna' xjel o li mantaletic yu'une.

Salmos 139:14

Ta xcal alequilal, yu'un xch'ay co'nton chca'ay, yu'un toj labal sba ti c'u x'elan apasojune; jna'oj lec ta co'nton ti vo'ot avabtelune.

Salmos 145:17

Li Muc'ul Diose stalel tuc' scotol c'usi tspas, stalel c'ux ta yo'nton scotol li yabtele.

Salmos 145:6

Ta xalilanic ti toj muc'tic, ti toj xi'balic sba li avabtele; li vu'une ta jpuc batel ec li amuc'ul atsatsale.

Salmos 18:30

Li Diose lec tuc' li be yu'une. Li sc'op Muc'ul Diose ja' sventa ta jpat o co'ntontic; li Diose chchabi li boch'otic ja' no'ox spatoj yo'ntonic yu'une.

Salmos 78:12

Ta sat stot sme'ic laj yac' ta ilel sq'uelubiltac stsatsal li Diose; te laj yac' ta ilel ta Egipto banamil ta yosilal Zoán.

Salmos 92:5

Muc'ul Dios, toj muc'tic li abtel laj apase; mu'yuc spajebal li c'usi anopoje.

Salmos 99:4

Muc'ul Dios, vo'ot li muc'ul Ajvalilote, toj ech'em avu'el. Ja' chac'an li c'usitic tuq'ue; vo'ot laj avac' li c'usitic tuq'ue; lec tuc', oy lec smelol c'usi laj apas ta stojol li smomnich'nabtac Jacobe.

Isaías 33:22

Ja' ta xlic yochanuc li yaq'uiltac barcoe; mu'yuc tsinil chcom li sjoc'leb spoc'ale, jech mu xu' chich' lich'anbel lec li spoc'ale. Vu'utic ta xquich'betic li c'usitic oy yu'unique; c'alal ta ma'sat xu' tsta, c'alal ta coxoetic xu' tspoj. Yu'un ja' jchapanvanej cu'untic stuc li Muc'ul Diose; ja' tspas mantal stuc, ja' muc'ul ajvalil cu'untic; ja' stuc chiscoltautic.

Isaías 45:21

Ac'o tal yalic, ac'o tal spojic li sdiosique; ac'o sa'ic lec c'u x'elan chc'opoj scotolic. ¿Boch'o laj yal ta sliquebal ti jech chc'ot ta pasel jech chac c'u cha'al laj cale? ¿Me oy boch'o laj ono'ox yal ta vo'one? ¿Me muc vu'cun no'ox jtuc laj cal?, vu'un li Muc'ul Diosune. Mu'yuc yan Dios jech chac c'u cha'al vu'un; jtuc no'ox Diosun ti tuc' co'ntone, ti xu' cu'un chicoltavane; mu'yuc boch'o yan jech chac c'u cha'al vu'un.

Daniel 6:20

C'alal nopol xa x'ech' ta ch'ene, ta yatel yo'nton laj yapta li Daniele, jech laj yalbe: —Daniel, vo'ot li yajtunelot cuxul Dios avu'une, ti scotol ora avich'oj ta muq'ue, ¿me la scoltaot ta sventa li leonetique? —xut.

Daniel 9:11

Scotol israeletic la sbajic comel li amantale; muc xch'unic li c'usi laj avale. Jech vu'uncutic ic'ot ta jtojolcutic li tsots vocol ti jamal albil, ti ts'ibabil comel yu'un li Moisés, ja' li avajtunele. Ja' ta scoj ti la jsa' jmulcutic ta atojole.

Oseas 14:9

Li boch'o bij ti xa'ibe lec smelole ac'o ya'ibe lec smelol li c'op li'i: Li be yu'un Muc'ul Diose lec tuc'. Li boch'otic tuc' yo'ntonique ja' te chanovic batel; yan li boch'otic chopolique te tsbosi yacanic.

Miqueas 7:20

Ac'o jechuc o avo'nton ta sventa c'usi avalojbe li Jacobe, xchi'uc ac'o avac' li c'uxubinel ti avalojbe ono'ox li Abrahame, ja' li jmoltotcutic ta vo'onee, yu'un jech ono'ox avalojbe ta jamal.

Sofonías 3:5

Pero li Muc'ul Diose tuc' c'usi tspas te ta lum, mu ja'uc tspas li c'usi muc tuc'uque. Ta jujun sob chac' ta ilel ti tuc' c'usi tspase; mu'yuc bu chquechan o spasel junuc velta. Pero li chopol cristianoe mu xotquin q'uexlal ta scoj li smule.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Deuteronomio 31:30

Li Moisese lic q'uejinuc ta stojol scotol xchi'iltac ta israelal ti c'alal ja'o te jmoj tsobolique. Lic sliques ta sliqueb c'alal to ta slajeb. Jech chal li q'ueoje:

Deuteronomio 32:3

“Ta xcalbe slequilal sbi li Muc'ul Diose: Otquinbeic me smuc'ul li Dios cu'untique.

Deuteronomio 34:5

Li Moisese, ja' li yajtunel Diose, te icham ta Moab jech chac c'u cha'al albil ono'ox yu'un Muc'ul Diose.

1 Timoteo 1:17

Ja' yu'un ja' ac'o quich'tic ta muc', ja' ac'o calbetic slequilal stuc li Muc'ta Ajvalil cu'untic ta sbatel osile. Ja' li Dios ti mu sna' xcham oe, ti mu xquiltique, ti ja' no'ox stuc Dios cu'untique. Jechuc.

Hebreos 3:5

Li Moisese ta melel jun yo'nton la sventainbe sna li Diose. Lec itun ta stojol xchi'iltac jech chac c'u cha'al jun j'abtel. Le'e ja' laj yac' ta na'el li c'usi ta to xac' vinajuc Dios ta ts'acale.

Josué 22:5

Ja' no'ox chacalboxuc ti junuc me avo'nton xach'unic li mantaletic li tojobtaseletic laj yalboxuc comel li Moisese, ja' li yajtunel Muc'ul Diose. Ja' ti tsc'an ac'o ac'anic o li Muc'ul Dios cu'untique ti te ac'o oyanic o ta be yu'une, ti ac'o ach'unbeic li smantaltaque, ti ja' ac'o ats'aclinic o stuque, xchi'uc ti ac'o tunanic yu'un ta scotol ajol avo'ntonique”, xut.

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 11:17

Jech laj yalic: “Colaval, Cajvaltic Dios, vo'ot ti ech'em avu'ele, vo'ot ti te ono'ox oyot ta vo'onee ti li' oyot o ta orae. Colaval ti vo'ot no'ox oy avu'el atuque, ti vo'ot xa chlic apas mantal atuque.

Apocalipsis 14:3

Tsq'uejintaic jun ach' q'ueoj te yo' bu chotol li Diose, xchi'uc ta stojol li chanibique, xchi'uc ta stojol li chanib xcha'vinic (24) banquilaletique. Mu'yuc boch'o yan xu' chchan li q'ueoje. Ja' no'ox stuc xchanojic li chanib xvaxacvinic ta mil (144,000) icolic loq'uel ta stojol cristianoetic li' ta banamile.

Apocalipsis 14:8

Ital chi'inatuc yu'un xchibal j'almantal, jech c'ot yal: “Ilom xa, ilom xa li Babiloniae, ja' li muc'ta lume. Ja' ti laj yac'be yuch' pox scotol cristianoetic ta jujun banamile, ja' li c'usitic chopol tsc'an sbec'tal ti chac' licuc sc'ac'al yo'nton Diose”, xi.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 19:16

Ts'ibabil sbi ta snatil c'u' xchi'uc ta yo', jech chal: “Ja' muc'ta Ajvalil yu'un scotol muc'tic ajvaliletic; ja' Jpasmantal yu'un scotol jpasmantaletic”, xi ts'ibabil.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.