Apocalipsis 15:2 - Bible in Tzotzil de Chenalhó with Deuterocanon

² Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Tzotzil Zinacantan

² Iquil mar noxtoc, coꞌol xchiꞌuc nen capal ta cꞌocꞌ. Li muchꞌutic muc xichꞌic ta mucꞌ li bolome, ti muc xichꞌbeic ta mucꞌ li slocꞌole, ti muc xichꞌbeic li señae, ti muc xichꞌbeic li snumeroale, o mi jaꞌ li sbie, tey vaꞌajtic scotolic ta ba mar. Stomoj yarpaic ti iꞌacꞌbatic yuꞌun ti Rioxe.

Bible in Tzotzil de Chamula

² Laj quil xtoc ti co'ol s'elan nen capal ta c'oq'ue. Laj quil ti oy buch'utic ac'bil yarpaic yu'un ti Diose, ti va'ajtic ta sts'el ti nab taje, ja' ti buch'utic mu'yuc lajic ta lo'lael yu'un ti jti'oval chone, ti mu'yuc laj yich'beic ta muc' ti sloc'obbaile, ti mu'yuc laj yich'beic snumeroal sbi ti chone.

Tzotzil San Andres

² Iquil nojtoc nab coꞌol schiꞌuc nen capal ta cꞌocꞌ. Li buchꞌutic muc bu yichꞌojic ta mucꞌ li jtiꞌaval bolome schiꞌuc li slocꞌole, schiꞌuc ti muc bu xichꞌbeic senyaile, jaꞌ li snumeroale, mi jaꞌ li sbie, te vaꞌalic scotolic ta ba nab. Te yichꞌanoj yarpaic ti acꞌbilic yuꞌun li Diose.

Tzotzil de Huixtán

² Laj quil uc jun to nab x'elan pasbil ti espejo x'elan. Oy c'oc' te chtil uc. Te va'ajtic nopol ti'nab scotol ti much'utic ihu' yu'unic muc spasic ti muc' ti jti'vanej bolome xchi'uc ti sloc'tombaile, ti muc xich'beic ti smarcaique, ja' ti snúmero o ti sbi ti bolome. Te va'ajtic yich'ojic yarpaic ti i'ac'batic yu'un ti Diose.

Apocalipsis 15:2 Iomraidhean Croise

San Mateo 3:11

Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

1 Pedro 1:7

Yu'un ja' sventa chich' q'uelel me oy xch'unojel avo'ntonic. Yu'un li xch'unojel co'ntontique toj lec. Ja' mu sta jech li c'anal taq'uin chich' q'uelel ta c'oq'ue, yu'un sna' xlaj. Yan li xch'unojel avo'ntonic chich' q'uelele, jun yutsil, lec ac'oplalic yu'un; ich'biloxuc ta muc' c'alal chtal li Cajvaltic Jesucristoe.

1 Pedro 4:12

Vo'oxuc ti lec jc'anojoxuque, mu me ch'ayeluc chc'ot avo'ntonic ta sventa li tsatsal vocol chavich'ique, yu'un ja' sventa chich' q'uelel avo'ntonic. Mu me xanopic ti atuquic xa no'ox jech chavich'ic vocole.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 13:17

Ja' no'ox xu' chmanulajic, xu' chchonolajic li boch'otic yich'ojbeic smarcail sbi, o me snumeroal sbi li ba'yuc jti'vanej bolome.

Apocalipsis 21:18

Li coralton yu'un lume pasbil ta jaspe ton. Yan li lume ta puru c'anal taq'uin pasbil. Ja' jech chac c'u cha'al nen ti xquiltic osil ta spate.

Apocalipsis 4:6

Ta yeloval li chotlebale, xco'laj xchi'uc nab yilel, sts'ayts'un jech chac c'u cha'al nen. Ta mero stuq'uil, xchi'uc ta spat xocon li muc'ta chotlebale oy chanib c'usi cuxajtic nojemic ta satil. Oy sat ta yelovic xchi'uc ta spatic.

Apocalipsis 5:8

C'alal laj yich' li vune, li chanibique xchi'uc li chanib xcha'vinic (24) banquilaletique la spatan sbaic ta stojol li Ch'ium Chije. Li chanib xcha'vinic (24) banquilaletique yich'anoj jujun yarpaic xchi'uc jujun stazaic pasbil ta c'anal taq'uin nojic ta pom. Ja' senyail sc'opic c'alal tsc'opanic Dios li boch'otic voc'bilic yu'un Diose.