Apocalipsis 14:6 - Bible in Tzotzil de Chenalhó with Deuterocanon

⁶ Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Tzotzil Zinacantan

⁶ Iquil tey xvilet jun anjel ta oꞌlol vinajel. Jaꞌ chal aꞌyuc ti jaꞌ chacꞌ jcuxlejaltic ta sbatel osil ti Cajvaltic Jesucristoe. Chalbe scotol crixchanoetic ta balamil, ti jaylajuntos stsꞌunbalique, ti jaylajuntos scꞌopique, ti butic nacional nacajtique.

Bible in Tzotzil de Chamula

⁶ Laj quil yan ánjel xtoc ti xvilet ta o'lol vinajel ta yalel ta stojol ti jnaclejetic ta banomil ta jujun muc'tiquil lume, ti jujutos sts'unubalique, ti jujuchop sc'opique, ti sbatel osil oy c'usi ach' ta xc'ot ta pasele.

Tzotzil San Andres

⁶ Iquil te xvilet jun chꞌul ángel ta oꞌlol vinajel. Jaꞌ yichꞌoj ta venta yalel li lequil achꞌ cꞌop ti jaꞌ noꞌox chijcolutic o sbatel osil ta sventa li Cajvaltique. Jaꞌ yabtel ta xalbe li ep ta chop crixchanoetic ta spꞌejel li balumile.

Tzotzil de Huixtán

⁶ Laj quil ivil batel ti o'lol vinajel jun ch'ul abat. Ja' chba xchol ti lequil ach' c'ope ti mu xlaj sc'opilal sbatel osile. Ja' chba xcholbe ya'yic ti jaylajuntos crixchanoetic ti te oyic ti sjoylejal balumile.

Apocalipsis 14:6 Iomraidhean Croise

Génesis 1:6

Ts'acal jech laj yal li Diose: “Ac'o svoc' sba li vo'e. J'o'lol ac'o toyuc batel ta toyol; j'o'lol ac'o comuc ti bu ono'ox oye, yu'un jech jamal chcom ta o'lol”, xi.

2 Samuel 23:5

Ja' yu'un li jmomnich'nabtaque j'ech'el te oyic o ta stojol Dios, yu'un oy c'usi lec yalojbun ti mu xlaj sc'oplal sbatel osile. Li c'usi yaloje lec chapal o, xchi'uc jbel sc'oplal. Ja' chac' tsalvancun ta pleito; ja' chac' ti ac'o c'otuc ta pasel li c'usi oy ta co'ntone.

Salmos 119:142

Li alequil atuq'uile sbatel osil tuc' o; li mantaletic avu'une puru melelic.

Salmos 139:24

Q'uelavil me oy c'usi chopol ta co'ntone; tuq'uibtasun batel ta be sventa sbatel osil.

Salmos 145:13

Sbatel osil mu xlaj o li avabtel chapas mantale; sbatel osil vo'ot ajvalilot o yu'un scotol.

Isaías 40:8

Li ts'i'lale ta xtaquij, li nichime ta smats'; yan li sc'op Dios cu'untique mu sna' xlaj o sbatel osil”, chian, xiyutun.

Isaías 45:17

Yan li Israele coltabil yu'un li Muc'ul Diose, ch-ac'bat lec coltael sventa sbatel osil; mu'yuc chyalic ta q'uexlal, mu'yuc bu biq'uit chcomic.

Isaías 51:6

Q'uelavilic muyel li vinajele; q'uelo avilic noxtoc li banamile. Li vinajele ta sacch'ay batel jech chac c'u cha'al ch'ayil; li banamile ta xpocoib jech chac c'u cha'al c'u'il; li jnaclumetic ta banamile ta xchamic jech chac c'u cha'al bic'tal usetic. Pero li coltael cu'une mu sna' xlaj o sbatel osil; li tuq'uil chapanel cu'une mu'yuc slajeb.

Isaías 51:8

Yu'un le'e ta xlaj sc'oplalic o jech chac c'u cha'al c'u'il ti chlaj ta c'uxel ta chile, jech chac c'u cha'al xaquitail ti chc'a' ta xcuxe. Pero li tuq'uil chapanel cu'une te oy o sbatel osil; li coltael cu'une mu'yuc slajeb o”, xi li Muc'ul Diose.

Isaías 6:2

Te ta sba yac'ol Cajvaltique te oy serafinetic; oy vaquib xic' jujunic. Li chib xiq'uique ja' sventa tsmac o satic; li yan chibe ja' sventa ta smac o yacanic; li yan chibe ja' sventa chvilic o.

Ezequiel 1:14

Li chanib c'usi cuxajtic yilele yalel muyelic no'ox; ja' jech chanovic jech chac c'u cha'al sacsevul.

Daniel 4:1

“Vu'un li ajvalil Nabucodonosorune, chacalboxuc acotolic ta jujun lum, ta jujun banamil, ta jujuchop ac'opic ti nacaloxuc ta scotol banamile: Junuc avo'ntonic, lec oyanic o.

Daniel 9:21

ja'o te laj yac' sba ta ilel ta jtojol li Gabriele, ja' li Gabriel ti laj ono'ox quil ta jch'ulel ta sliquebe. Te xvilet tal ta jtojol. Ja' jech ora jech chac c'u cha'al yorail chich' aq'uel milbil matanal ta stojol Dios ta bat c'ac'ale.

San Mateo 10:27

Li c'usi laj calboxuc atuquique, alic batel ta jamal. Li c'usi laj ava'ay ta achiquinique, puquic batel ta stojol scotolic.

Marcos 16:15

Jech i'albatic yu'un li Jesuse: “Batanic ta sbejel banamil. Bat cholbo ya'yic scotol cristianoetic li Lequil A'yeje.

Romanos 16:25

Ac'o ich'atuc ta muc' li Dios ti ech'em stsatsale, ti xu' yu'un ta stsatsubtasboxuc avo'ntonic jech chac c'u cha'al chal li Lequil A'yej ta jchole, ja' li sc'oplal Cajvaltic Jesucristoe. Yu'un jech ono'ox chapal yu'un Dios ta sliquebal ti mu'yuc to'ox boch'o la sna'e.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

2 Tesalonicenses 2:16

Ac'o stsatsubtasboxuc avo'ntonic, ac'o scoltaoxuc stuc li Cajvaltic Jesucristoe xchi'uc li Dios cu'untique. Ja' li Jtotic ti ep la sc'anutique, ti laj yac'butic spatubil co'ntontic sventa sbatel osile, xchi'uc ti ta sventa slequil yo'nton laj yac' ti jech jun co'ntontic ta jmalatic li c'usi yalojbutique, yu'un jech j'ech'el jun avo'nton ja' chapasic o, ja' chavalic o li c'usitic leque.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

1 Pedro 1:25

Yan li sc'op Cajvaltique mu sna' xlaj o sbatel osil”, xi. Ja' li Lequil A'yej ti laj xa avich'ic cholbele.

Apocalipsis 10:11

Jech laj yalbun: “Tsots sc'oplal tsc'an chaval yan velta c'usi chc'ot ta pasel ta stojol li epal lumetique, li jujun banamile, li jujuchop c'ope, xchi'uc li ajvaliletique”, xiyutun.

Apocalipsis 10:7

Ja' xa no'ox me lic c'opojuc li svucubal j'almantale, me la sjupan li yoq'uese, chc'ot ta pasel ta ora li c'usi snopoj ono'ox tspas Dios ta vo'one ti muc sna'ic li cristianoetique, ja' ti laj ono'ox yalbe li yajtuneltaque, ja' li yaj'alc'optaque”, xi.

Apocalipsis 13:7

I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Apocalipsis 8:13

C'alal te jq'ueloje, ja' to laj quil te xvilet ta o'lol vinajel jun xic. Tsots i'avan, jech laj yal: “¡Ay, ay, ay! Toj abul sbaic li boch'otic te nacajtic ta banamil c'alal tsjupan yoq'uesic li yan oxib j'almantaletic ti quechel toe”, xi.