Apocalipsis 14:4 - Bible in Tzotzil de Chenalhó with Deuterocanon

⁴ Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.

Tzotzil Zinacantan

⁴ Jaꞌ li muchꞌutic muc saꞌ yantsique ti sjunul yoꞌonic iyichꞌic ta mucꞌ ti Rioxe, ti muc xicta sbaic ta spasel cꞌusi lec chil ti Cajvaltic Jesuse. Yechꞌo ti itꞌujatic loqꞌuel yoꞌ bu li crixchanoetique, xchꞌamaltac xa Riox, xchꞌamaltac xa Cajvaltic Jesús icꞌotic o. Coꞌolic xchiꞌuc sba sat li cꞌusuc cuꞌuntique ti jaꞌ yuꞌun ti Rioxe.

Bible in Tzotzil de Chamula

⁴ Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.

Tzotzil San Andres

⁴ Jaꞌ li buchꞌutic li muc bu xmulivajique yuꞌun jun yoꞌonic o ta stojol li Diose. Jun yoꞌonic la spasic o li cꞌusi tscꞌan li Cajvaltique. Jaꞌ yuꞌun icoltaatic loqꞌuel ta stojol li crixchanoetique jech snichꞌnabtac Dios schiꞌuc snichꞌnabtac li Cajvaltic icꞌotic o.

Tzotzil de Huixtán

⁴ Ja' ti much'utic muc sta smulic ti stojol yan antsetic yu'un jun yo'ntonic ti stojol ti Diose. Yu'un ja' no'ox laj sts'acliic ti Ch'iom Carneroe. Hech yu'un it'ujatic loq'uel ti o'lol ti crixchanoetique yu'un hech sba snich'on Dios ic'otic. Ja' sba snich'on ti Ch'iom Carneroe ic'otic uc.

Apocalipsis 14:4 Iomraidhean Croise

Salmos 45:14

Slapoj batel lec c'upilic sba sc'u' spoc' ti c'alal ch-ic'at batel ta stojol ajvalile. Chi'inbil batel yu'un yantic tojol tsebetic; ja' xchi'iltac c'alal chc'ot ta stojol li ajvalile.

Salmos 74:2

Na'o me li jteclum avu'un ti laj ono'ox apoj tal ta vo'onee, xchi'uc ti laj ono'ox acolta tal ta sventa chavu'unin oe. Jech noxtoc na'o me li vits Sión ti bu lanaquie.

Cantares 1:3

Toj mu yic' li muil poxiletic avu'une; li abie toj lec jech chac c'u cha'al yic' muil poxil ti c'alal chich' malele, ja' yu'un lec sc'anojicot li tsebetique.

Cantares 6:8

Ac'o me oy oxvinic (60) me' ajvaliletic cu'un, ac'o me oy chanvinic (80) yantic antsetic cu'un, xchi'uc ac'o me mu xlaj ta atel li yantic tsebetique,

Jeremías 2:3

Li Israele voc'bil to'ox cu'un; ja' to'ox jech c'otem cu'un jech chac c'u cha'al li sba sat c'usi chloq'ue. Scotol li boch'o la soquese la sta smulic, jech laj cac'be tsots svocolic”, xiyutun li Muc'ul Diose.

Amós 6:1

Ay, toj abul sbaic li boch'otic jeche' no'ox chcux yo'ntonic te ta Sione, xchi'uc li boch'otic mu c'u xtal ta yo'ntonic te nacalic ta Samariae, ja' li banquilaletic te ta jun banamil ti muc' sc'oplal ta scotol yantic banamile, ti ja' te yac'oj sbaic scotol li israeletique.

San Mateo 19:12

Oy viniquetic ti mu xnupinic oe, yu'un jech ivoq'uic o ta sme'ic. Oy viniquetic noxtoc ti ja' to tspasatic ta capon yu'un yan viniquetique. Oy viniquetic stuc tsnopic ti mu xnupinic oe, yu'un jech xu' lec chtunic yu'un li Diose. Li boch'otic xu' cha'yic jeche, ac'o spas —xi li Jesuse.

San Mateo 25:1

“Ja' yu'un ti c'u x'elan chventainvan li Diose ja' jech chac c'u cha'al lajuneb tojol tsebetic ti laj yich'ic batel scandilic, yu'un bat snupic ta be li jnupinele.

San Mateo 8:19

Te ital jun jchanubtasvanej yu'unic, jech laj yalbe li Jesuse: —Cajval, ta jchi'inot batel ti buyuc no'ox chabate —xut.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 12:26

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

San Juan 13:37

Itac'ov li Pedroe: —Cajval, ¿c'u yu'un ti mu xu' ta jchi'inot batel ta orae? Xu' ta xcac' jba ta milel ta aventa —xut.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

1 Corintios 16:15

Quermanotac, li Estéfanas xchi'uc yuts' yalaltaque xana'ic ti ja' sba jch'unolajeletic te ta Acaya banamile. Xana'ic noxtoc ti laj yac' sbaic o ta scoltael li steclumal Diose.

1 Corintios 6:20

Yu'un toyol atojol la stojoxuc li Diose, ja' yu'un tsc'an chavich'ic ta muc' Dios xchi'uc li abec'talique.

1 Corintios 7:28

Pero me chac'an chanupinic noxtoque, mu muliluc. Me chnupin ec li tsebetique, mu muliluc. Ja' no'ox oy me avocolic li' ta banamil; li vu'une mu jc'an ti oy avocolique.

2 Corintios 11:2

Ti jech toj juteb co'nton ta atojolique ja' ta sventa li Diose. Yu'un jun no'ox vinic laj cac' amalinic ya'yel, ja' yu'un tsots sc'oplal chca'ay ti chc'ot jva'anoxuc ta stojol Cristo jech chac c'u cha'al jun tojol tsebe.

Efesios 1:14

Ja' sliqueb quich'ojtic li c'usi sc'oplal chc'ot quich'tic c'alal tsta yorail chcol scotol li yu'untac ti manbilic yu'une. Jech ich'bil ta muc' chc'ot li Diose.

Efesios 5:27

Yu'un jech toj jun yutsil chc'ot c'alal te tsobol ta stojol li steclumale; me jutuc mu'yuc yic'ubal, mu'yuc c'usi yatinoj, mu'yuc c'usi oy o. Jech bats'i lec, bats'i jun yutsil chc'ot o.

1 Timoteo 4:3

Ta xalic ti mu xu' chijnupinutique. Ta xalic noxtoc ti oy ve'liletic mu xu' ta jtuntique. Pero li ve'lile pasbil yu'un Dios ta sventa li boch'o xch'unojique ti xotquinic xa c'usi melele. Xu' ta stunesic. Ac'o stojbeic ta vocol li Diose.

Hebreos 12:23

xchi'uc ti bu sc'oplal chc'ot stsob sbaic li sba xnich'nab Dios ti ts'ibabil xa ta vun sbiic te ta vinajele. Ja' te yo' bu oy li Diose, ja' li Tuq'uil Jchapanvanej ta sbejel banamile, xchi'uc yo' bu oy xch'ulelic li boch'otic tuc' yo'ntonic ti icolic xae.

Santiago 1:18

Ta sventa ti jech la sc'an stuc li Diose, jech laj yac' cha'voc'cutic ta sventa li sc'op ti ja' melele, jech vu'utic sliqueb lijc'ot yu'un scotol li c'usitic spasoje.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 21:23

Li lume mu xa xtun yu'un xojobal c'ac'al, xchi'uc xojobal u, yu'un ja' xa te oy xojobal stuc li Diose. Ja' xa sluzic c'otem o li Ch'ium Chije.

Apocalipsis 3:4

Pero oy to jayibuc te achi'uquic ta Sardis ti mu'yuc yic'ubtasoj sc'u'ique. Le'e oy ta sventa chixchi'inicun ta xanubal xchi'uc li saquil-c'u'ique.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.