Apocalipsis 14:10 - Bible in Tzotzil de Chenalhó with Deuterocanon

¹⁰ ta persa chuch'beic ec li sc'ac'al yo'nton Dios te xa oy ta bise, ti bats'i ja' stuc o li sc'ac'al yo'nton Diose. Ta sat scotol ch'ul j'almantaletic yu'un, xchi'uc ta sat Ch'ium Chij chich' lec svocolic ta c'oc' tsanbil ta azufre.

Bible in Tzotzil de Chamula

¹⁰ ta x'ac'bat yuch' ma' ti vino ti naca sc'ac'al yo'nton Dios ti colbil xa ta sbise, ti ta xich' svocol ta c'oc' xchi'uc ta azufre ta sba ta sat ti anjeletique, xchi'uc ti jcot ta Uni Chije.

Tzotzil de Huixtán

¹⁰ ja' ch-ac'bat castigo uc yu'un ti Diose yu'un ilinem ti stojol. Tsots ti jyalel ti castigo ti ch-ac'bate. Ja' ep chich' vocol ti c'oc' yo' bu chtil azufre. Te ti jq'uelbetutic svocol ho'ontutic ti yabatuntutic ti Diose. Te tsq'uel uc ti Ch'iom Carneroe.

Apocalipsis 14:10 Iomraidhean Croise

Génesis 19:24

Li Muc'ul Diose laj yac' tal c'oc' xchi'uc azufre te ta lum Sodoma xchi'uc ta lum Gomorra. Ja' jech iyal tal jech chac c'u cha'al chac' vo'.

Job 18:15

Ta xich' ac'bel sc'ac'al li snae, ta xich' lajesel ta azufre ti bu to'ox oye.

Job 21:20

Ac'o ya'ay lec ta sbec'tal li svocole; ac'o yuch'be lec ya'ay sc'ac'al yo'nton li Boch'o ech'em svu'ele.

Salmos 11:6

Chac'be tsots svocolic jech chac c'u cha'al chac' tsots vo'; chac'be tal c'oc' xchi'uc azufre xchi'uc ic', jech chchic' o scotol. Ja' no'ox jech stojol tsc'an chich'ic.

Salmos 37:34

Ja' no'ox naban aba o ta stojol li Muc'ul Diose; ch'unbo li c'usitic chayalbote. Ja' chayac'ot ta ich'el ta muc'; ja' chayac'bot avu'unin o li avosilale, xchi'uc chavil lec ta asat chich'ic ulesel scotol li jpasmuliletique.

Salmos 52:6

C'alal chilic li boch'otic tuc' yo'ntonique, xi'bal sba chilic; chlic slabanic, jech chalic:

Salmos 60:3

Laj xa avac'be tsatsal preva li ateclumale; laj avac' cuch'cutic pasem ya'lel ts'usub ya'yel ti chvovij jolcutic yu'une.

Salmos 73:10

Ja' yu'un chvovijic ta be li steclumal Diose, ja' chlic xch'unic scotol c'usiuc no'ox chalic li boch'otic chopolique.

Salmos 75:8

Yu'un li Muc'ul Diose ja' oy ta sc'ob li bise; li ya'lel ts'usube pasem xa lec, ac'bil xa lec scap. C'alal chlic smal ta banamil li Diose, ta xuch'ic scotol li boch'otic chopol yo'ntonique; ta slajesic scotol, me jts'ujuc mu'yuc chcom.

Salmos 91:8

Ja' no'ox chavil lec ta asat atuc c'usi chc'ot ta pasel; chavil chich' stojolic li boch'otic chopolique.

Isaías 29:9

Pasilanic o ti jech mu xavich'beic smelole. Te macaluc o asatic jech chac c'u cha'al ma'sat; te tamlajetanic o jech chac c'u cha'al jyacubeletic, ac'o me mu'yuc bu avuch'ojic pox.

Isaías 30:33

Yu'un vo'one xa chapanbil ta sventa Asiria xchi'uc ajvalil yu'un li yavil muc'ta vocol ti mu albajuc c'u sjamlej, xchi'uc ti mu albajuc c'u snatil xchaque. Te tsanal o li c'oq'ue, yu'un toj ep si'il; ta yic'al ye no'ox Muc'ul Dios ta stsan; ja' ti chloc' ep azufre ta ye jech chac c'u cha'al nio'e.

Isaías 34:9

Li bevo'etic yu'unique ta xc'ataj ta xuch'; li pucuctique ta xc'ataj ta azufre; li yosilalique ta stsan jech chac c'u cha'al xuch'.

Isaías 51:17

Jerusalén, julovan me, lican me. Vo'ot ti laj xa ava'ibe xc'uxul scotol li sc'ac'al yo'nton Muc'ul Diose, ti jeche' xatamlajet lacom yu'un jech chac c'u cha'al li boch'o tsyalbun ta uch'el scotol li pasem ya'lel ts'usube ti chyacub o xchi'uque, yu'un laj avuch' scotol; solel taquin icom avu'un li yavile.

Jeremías 25:27

Ts'acal jech laj yalbun li Muc'ul Diose: “Jech xavalbe ya'yic: Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: ‘Persa chavuch'ic ec, yacubanic, xenanic, yalanic ta lum; mu'yuc xa chatotsic o ta scoj li milel ta jtac tal ta atojolique’, uto.

Jeremías 49:12

Li Muc'ul Diose jech chal: “Li boch'o mu'yuc sc'oplal ta xuch' ch'ail vomole ta persa ono'ox ta xuch'. ¿Me vo'ot xa chacol ec? Ta persa chavuch' ec.

Jeremías 51:57

Li Ajvalil, ja' li Muc'ul Dios ti tspas ta mantal scotol te ta vinajel xi sbie, jech chal: “Ta xcac' yacubicuc li banquilaletic yu'unique, li ajvaliletique, li j'abteletique, li soldadoetique, xchi'uc li bijil viniquetic yu'unique. Jech ta x'och o svayelic sbatel osil; mu'yuc xa ta xjulovic o”, xi.

Lamentaciones 4:21

Edom, vo'ot ti te nacalot ta yosilal Uze, tse'inan, cuxetuc no'ox avo'nton, yu'un te chtal ta atojol ec li sbel bis ti toj ch'a ta uch'ele; yacuben chacomic, solel t'anal chacomic yu'un.

Ezequiel 20:48

Jech chilic scotol cristianoetic ti vu'un la jtsanbe sc'ac'al, vu'un li Muc'ul Diosune; j'ech'el mu xtu'p o, xayutoxuc’, uto”, xiyutun.

Ezequiel 38:22

Vu'un ta xcac'be stoj smulic ta tsatsal chamel xchi'uc ta milel. Jech noxtoc ta jcocanbeic yalel tal muc'tic bot, xchi'uc c'oc', xchi'uc azufre. Ja' jech chvul ta stojolic jech chac c'u cha'al tsatsal ic'al vo'. Cht'ab scotol li epal soldadoetique xchi'uc li epal cristianoetic liquemic tal ta epal lum te xchi'inoj batele.

Habacuc 2:16

Ta xyal ta q'uexlal, ja' xq'uexol chc'ot ti ich'bil to'ox ta muq'ue; chlic ac'batuc yuch' ec, chlic q'uelatuc ec ti jeche' t'anale. Ja' stojol chc'ot ti chuch'be sbel li vaso te stsacoj ta sc'ob Muc'ul Diose; solel chc'ataj o ta c'a'ep li yich'el ta muq'ue.

San Mateo 20:22

Itac'ov li Jesuse: —Mu xana'ic c'usi chac'anbicun. ¿Me xu' avu'un chavich'ic vocol ec jech chac c'u cha'al chquich' li vu'une? —xi. Itac'ovic: —Xu' cu'uncutic —xiic.

San Mateo 25:41

“Jech chcalbeic noxtoc li boch'otic te oyic ta jts'ete: ‘Voc'o abaic ta jtojol, yu'un toj chopoloxuc. Batanic ta c'oc' sbatel osil. Ja' li c'oc' ti chapanbil cu'un sventa li banquilal pucuje xchi'uc li its'inal pucujetique.

San Mateo 26:39

Ijelov batel jutuc li Jesuse. La spatan sba ta lumtic; la sc'opan Dios: “Tati, ti me xu'e, loq'uesbun li tsatsal vocol li'i. Pero mu me xc'ot ta pasel li c'usi tsc'an co'nton jtuque. Ja' ac'o c'otuc ta pasel li c'usi tsc'an avo'ntone”, xi.

Marcos 8:38

Li boch'otic ta xq'uexov cu'un, xchi'uc ta xq'uexov ta xch'unel jc'op ta stojol li cristianoetic li' ta ora ti mu junuc yo'ntonic ta stojol Diose, xchi'uc ti chopol c'usitic tspasique, ja' no'ox jech vu'un ti Xnich'on cristiano lic'ote ta xiq'uexov yu'unic ec ti c'alal chital xchi'uc xojobal Jtot, xchi'uc li ch'ul j'almantaletic yu'une —xut.

Hechos 10:22

Itac'ovic: —Ja' la stacuncutic tal li banquilal soldado Cornelioe. Ja' li tuq'uil vinique ti lec yich'oj ta muc' Diose. Lec sc'oplal ta scotol yosilal li judioetique. I'albat yu'un jun ch'ul j'almantal ti ta xic'ot batel ta sna sventa cha'ay c'usi chavalbee —xiic.

Deuteronomio 29:23

Ta xilic ta scotol yosilalic puru azufre, ats'am, xchi'uc c'aq'uem banamil. Jech mu'yuc xa c'usi xu' chich' ts'unel. Mu'yuc xa c'usi chloc' o, me jutuc mu xa xch'i vomoletic jech chac c'u cha'al ic'ot ta pasel ta stojol li Sodoma, Gomorra, Adma, xchi'uc ta Zeboim, ti la slajes ta sc'ac'al yo'nton li Muc'ul Dios c'alal i'ilin ta stojolique.

2 Tesalonicenses 1:7

Vo'oxuc ti chavich'ic vocol li' ta orae, co'ol ta jcux co'ntontic c'alal chyal tal ta vinajel li Cajvaltic Jesucristoe xchi'uc li yaj'almantaltac ti ech'em svu'elique.

Judas 1:7

Ja' jech ipasbatic noxtoc li cristianoetic ta lum Sodoma xchi'uc ta lum Gomorrae xchi'uc ta lumetic ti te nopolique, yu'un solel laj yac' sbaic o ta spasel c'usi tsc'an sbec'talic ti mu xa jechuc sc'oplal ta pasele. Ja' yu'un te xa tstoj smulic o ta c'oc' sbatel osil. Ja' bijubtasel icom ta sventa scotol li yantique.

Apocalipsis 15:7

Li chanib c'usi cuxajtic te oyic ta stojol Diose, oy jun yu'unic ja' laj yac'be jujun taza li vucub j'almantaletique. Li tazaetique pasbilic ta c'anal taq'uin, nojemic ta sc'ac'al yo'nton li Dios ti cuxul o sbatel osile.

Apocalipsis 16:19

Li muc'ta lume ijav ta oxvoc'. Li muc'tic lumetic ta jujun banamile iloman noxtoc. Li Diose muc xch'ay ta yo'nton li muc'ta lum Babilonia ti tsc'an chac'be yuch' li bis ti nojem ta sc'ac'al yo'ntone.

Apocalipsis 18:3

Yu'un scotol cristianoetic ta jujun banamil laj yac'be yuch' li sbel sbis ti nojem ta mulivajeletic yu'une. Scotol li ajvaliletic ta banamile imulivajic xchi'uc. Scotol li jchonolajeletic, li jmanulajeletique ipasic ta jc'ulej xchi'uquic li c'usitic c'upil cha'ay ti mu'yuc spajebe”, xi li j'almantale.

Apocalipsis 18:6

Ja' yu'un ta xich' ec ti c'u x'elan laj yaq'ue. Jech to yepal jeloven chich'be stojol ti c'u yepal la spase. Ac'o yich' capbel lec chib velta lec tsots li sbel bis ti chapal xa sventa chuch'e.

Apocalipsis 19:15

Li C'ope chloc' espada ta ye. Li espadae lec juxbil ye. Ja' sventa tsmil o li cristianoetic ta jujun banamile. Ja' tslilin o ta svaston ti pasbil ta tsatsal taq'uine. Ja' tstec' noxtoc li yavil spits'ubil ya'lel ts'usub ti nojem ta tsots sc'ac'al yo'nton li Dios ti ech'em svu'ele.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 20:10

Ja' no'ox jech ec li banquilal pucuj ti la slo'la scotol cristianoetique, ijipat ochel ta muc'ta c'oc' tsanbil ta azufre, ja' te yo' bu jipbilic ochel li ba'yuc jti'vanej bolome xchi'uc li jlo'lavanej j'alc'op yu'une. Jech ta c'ac'al ta ac'ubal te chich'ic o vocol sbatel osil.

Apocalipsis 20:14

Ja' no'ox jech ec li lajel xchi'uc yavil animaetique ijipatic ochel ta muc'ta c'oc'. Le'e ja' li xchibal velta lajele.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.