Apocalipsis 13:8 - Bible in Tzotzil de Chenalhó with Deuterocanon

⁸ Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Tzotzil Zinacantan

⁸ Li bolome iꞌichꞌe ta mucꞌ yuꞌun crixchanoetic ta sjunlej balamil, jaꞌ li muchꞌutic mu onox bu tsꞌibabil sbiic ta vun ti chcuxiic ta sbatel osil ti cꞌalal chꞌabal toꞌox li vinajel balamile. Li vune jaꞌ yichꞌoj ti Cajvaltic Jesuse ti ichame, ti ichaꞌcuxie.

Bible in Tzotzil de Chamula

⁸ Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Tzotzil San Andres

⁸ Li jtiꞌaval bolome iꞌichꞌe ta mucꞌ yuꞌun li crixchanoetic ta spꞌejel li balumile, jaꞌ li buchꞌutic ti muc onoꞌox bu tsꞌibabil sbiic ta jun sventa chcuxiic sbatel osil li cꞌalal muꞌyuc toꞌox li vinajel balumile. Jaꞌ li jun li te yichꞌoj li Cajvaltic ti icham ichaꞌcuxie.

Tzotzil de Huixtán

⁸ Scotol ti much'utic li'oyic ti balumile, ja' ti mu p'ejambiluc sbiic ti c'alal mu to chlic ti balumile te ti hun sventa cuxlejal sbatel osile, ja' laj squejan sbaic ti stojol ti bolome. Ja'uc ti much'u p'ejajtic ti hun sbiic ti sventa chcuxiic sbatel osile, ti ja' yich'oj ti Ch'iom Carneroe, ja' ti imilate, ja' ti icha'cuxi xae, ja' muc squejan sbaic ti stojol laj quil.

Apocalipsis 13:8 Iomraidhean Croise

Génesis 22:7

C'alal mu'yuc to'ox nat ixanovic batele, li Isaaque jech laj yalbe li stote: —Tati —xut. —¿C'usi chaval, jnich'on? —xi li Abrahame. —Q'uelavil, li' oy li jsi'tic xchi'uc jc'oc'tique, pero ¿bu oy li chij sventa ta jmilbetic smotonin Diose? —xut.

Salmos 69:28

Tu'pbo o sbiic ta svunal li cuxlejal sventa sbatel osile; mu me co'oluc tsacal sbiic xchi'uc li boch'o tuc' yo'ntonique.

Éxodo 32:32

Ja' yu'un ta jc'anbot vocol ti ac'o apasbe perdón yu'un li smulique. Yan me mu xach'aybe ta avo'nton li smulique, vu'un xatu'pbun jbi ta vun ti te tsacal avu'une —xut.

Isaías 4:3

Li boch'otic cuxajtic chcom te ta Sione, li boch'otic t'ujbil chcomic yu'un Dios te ta Jerusalene, “ch'ul cristianoetic”, xi chlic albatuc sc'oplalic.

Daniel 12:1

‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

San Mateo 25:34

Vu'un li muc'ta Ajvalilune jech chlic calbe li boch'otic te oyic ta jbats'ic'obe: ‘La'ic, yu'un c'uxubinbiloxuc yu'un li Jtote. Ochanic ta pasmantal, yu'un jech ono'ox chapanbil ac'oplalic ta vo'one ti c'alal ilic li banamile.

San Lucas 10:20

Pero mu me ja'uc xcuxet avo'ntonic ti ch'unbil amantalic yu'un li pucujetique. Ja' cuxetuc avo'ntonic ti te xa ts'ibabil abiic ta vinajele —xi li Jesuse.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

Efesios 1:4

Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Filipenses 4:3

Ta jc'anbot vocol ec quermano, vo'ot li jchi'il jbatique ti co'ol jun co'ntontic chijtun yu'un Cajvaltique, avocoluc coltao me li antsetique, yu'un ja' co'ol la jts'iccutic vocol ta xcholel li Lequil A'yeje. Xchi'uc coltao me li Clementee xchi'uc li yantic jchi'iltac ta abtele. Le'e te xa ts'ibabil sbiic ta vun sventa cuxlejal sbatel osil.

SUN TITO 1:2

Jech tspat yo'ntonic ti xu' chcuxiic sbatel osile, ja' ti yaloj ono'ox Dios ta sliquebal ti ta xac' cuxicutique. Li stuque mu sna' x'epalc'opoj.

Apocalipsis 12:15

Ja' yu'un li chone lic sloq'ues ep vo' ta ye jech chac c'u cha'al uc'um, yu'un ac'o cuchatuc batel li antse.

Apocalipsis 13:12

Ja' ch-abtej ta sventa svu'el li ba'yuc jti'vanej bolome. Ja' lic spas ta mantal scotol jnaclumetic ta sbejel banamil ti ac'o yich'ic ta muc' li ba'yuc jti'vanej bolome, ja' ti oy yav syayijemal ti colem xae.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Apocalipsis 21:27

Me jutuc mu xu' ch-och c'usi chopol te. Mu xu' ch-och li boch'otic tspasic c'usi mu sc'an Diose, xchi'uc li j'epalc'opetique. Ja' no'ox xu' ch-och li boch'otic ts'ibabil ta vun sbiic sventa cuxlejal sbatel osil ti te yich'oj li Ch'ium Chije.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.

Apocalipsis 3:20

A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec.

Apocalipsis 3:5

Li boch'o tstsal yu'un scotole ja' jech sac sc'u' tslapic, xchi'uc mu'yuc ta jtu'pbe ta vun sbiic sventa cuxlejal sbatel osil, xchi'uc jamal chcalbe sbiic ta stojol li Jtote xchi'uc ta stojol li yaj'almantaltaque.

Apocalipsis 5:12

Tsots i'avan scotolic: “Li Ch'ium Chij imilate ja' no'ox stuc oy ta sventa chich' lec svu'el, sc'ulejal, sbijil, stsatsal, ich'el ta muc', yutsilal, xchi'uc albel slequilal”, xiic.

Apocalipsis 5:13

Laj ca'ay ic'opoj scotol li c'usitic pasbilic ta vinajel, ta banamil, ta yut banamil, ta nabetic, xchi'uc scotol li c'usitic te oye, jech laj yalic: “Li Boch'o te chotol ta chotlebale xchi'uc li Ch'ium Chije ac'o albatuc slequilal yutsilal, ac'o ich'atuc ta muc', ac'o yich' svu'elic o sbatel osil”, xiic.

Apocalipsis 6:1

Li Ch'ium Chije laj quil la xtuch' li sba vucub spac' balbil vune. C'alal la xtuch'e, laj ca'ay ic'opoj jun li chanib c'usi cuxajtique. Li snuq'ue ja' jech chac c'u cha'al xbac' chauc. Jech laj yal: “¡La'!”, xut.