Apocalipsis 13:6 - Bible in Tzotzil de Chenalhó with Deuterocanon

⁶ Jech lic c'opojuc. Yan xich' xal ta stojol li Diose. Solel la xchopolc'optabe li sbie, xchi'uc ti bu nacale, xchi'uc li boch'otic te oyic ta vinajele.

Tzotzil Zinacantan

⁶ Jaꞌo lic cꞌopojuc li bolome. Islaban ti Rioxe xchiꞌuc li stemploe, xchiꞌuc li muchꞌutic teyic xa ta vinajele.

Bible in Tzotzil de Chamula

⁶ Jech lic chopol c'opojuc ta stojol ti Diose, sbisel ta cotol chaval ti sbie, ta stojol ti xch'ulnae, ta stojol ti buch'utic oyic ta vinajele.

Tzotzil San Andres

⁶ Jaꞌ yuꞌun lic cꞌopojuc li jtiꞌaval bolome. Chopol laj yalbe scꞌoplal li Diose. La snaꞌlebe li sbie, schiꞌuc li mucꞌta chꞌulna yuꞌune, schiꞌuc li buchꞌutic te xa oyic ta vinajele.

Tzotzil de Huixtán

⁶ Ep ichopolc'opoj yu'un ti Diose. Laj yixtambe sbi ti Diose. Chopol ic'opoj yu'un ti stemplo ti Diose xchi'uc ti much'utic batemic xa te ti vinajele.

Apocalipsis 13:6 Iomraidhean Croise

Job 3:1

Ts'acal to li Jobe lic c'opojuc, lic xchopolc'opta li c'usi ora ivoq'ue;

Salmos 73:9

Chchopolc'optaic li Dios ta vinajele; chopol chc'opojic ta sbejel li banamile.

Daniel 11:36

‘Li ajvalil ta nortee ta spas scotol li c'usi tsc'ane. Ep ta stoy sba; muc' chac' sba ta stojol scotol li diosetique, xchi'uc bats'i chopol c'usi chal ta stojol li bats'i Diose. Lec chbat yu'un scotol, ja' to me la sta yorail ch-ac'bat stoj smul yu'un Diose, yu'un li c'usi chapanbil yu'un Diose ta persa ta spas.

Daniel 7:25

Chlic chopolc'opojuc ta stojol li Boch'o te oy ta vinajele; ta xlic yac'be svocol li xnich'nabtac Diose. Tsc'an ta sjel li mantaletic yu'un Diose xchi'uc li c'usitic ora chcux yo'ntonic sventa chich'ic ta muc' Diose. Li xnich'nabtac Diose ta x'och ta sc'ob o'lol xchanibal jabil.

Daniel 7:8

“C'alal te jq'uelojbe li xulube, laj quil iloc' yan biq'uit xulub ta o'lol li yantic xulube. Li yantic ba'yuc xulub ta sts'el ti bu iloc' tal li biq'uite laj yich' c'oquel loq'uel oxib. Li xulub ts'acal iloq'ue oy sat jech chac c'u cha'al sat cristiano, xchi'uc oy ye toj ven tsotsic c'usi chal.

San Mateo 12:34

¡Ja' achi'ilic orachon! ¿C'u x'elan xu' lec chac'opojic ti chopoloxuc ono'oxe? Yu'un li c'usi oy ta avo'ntonique ja' jech chloc' ta aveic.

San Mateo 15:19

Yu'un ta yut yo'nton cristiano ta xlic tal li c'usi chopol tsnope, li milvaneje, li mulivajele, li c'opanejbaile, li eleq'ue, li epalc'ope, li xchopolc'optael yantique.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Romanos 3:13

Li snuq'uique xco'laj xchi'uc muquinaltic ti jamal sti'e. Li yoq'uique ja' chtun yu'unic sventa chlo'lavanic. Oy veneno ta yeic jech chac c'u cha'al orachon.

Colosenses 1:19

Yu'un li Jtotic Diose jech la sc'an ti chac'be scotol stalel li Xnich'one,

Colosenses 2:9

Yu'un li Cristoe yich'ojbe scotol c'u x'elan stalel li Diose.

Hebreos 9:2

Yu'un li ch'ulna pasbil ta nucule ja' jech pasbil chac li'i: Li sba c'olal scuartoal yo' bu oy li candelero xchi'uc mexae xchi'uc li pan ac'bil ta stojol Diose, ja' ch'ul cuarto sbi.

Hebreos 9:24

Yu'un li Cristoe mu ja'uc i'och ta bats'i lequil ch'ul cuarto li' ta banamil ti senyail no'oxe, ti pasbil no'ox ta sc'ob cristianoetique. Ja' te i'och ta vinajel ti bu mero ja' xa o stuque. Ja' te chc'opoj cu'untic ta stojol Dios sventa chiscoltautic.

Apocalipsis 11:12

Laj ya'yic oy boch'o tsots chc'opoj ta vinajel jech i'albatic: “Muyanic tal li'i”, x'utatic. Jech imuyic batel, macbil ta toc ibatic. Li yajcontraique laj yil scotolic.

Apocalipsis 12:12

Ja' yu'un cuxetuc no'ox avo'nton, vinajel, xchi'uc vo'oxuc ti te oyoxuque. Ja' toj abul abaic vo'oxuc ti te to nacaloxuc ta banamil xchi'uc ta nabe, yu'un iyal o tal ta atojolic li banquilal pucuje. Ilinem ta ora, yu'un sna' ti mu xa jaluc ch-abteje”, xi.

Apocalipsis 15:5

C'alal jech laj quile, ts'acal laj quil ijam li ch'ul cuarto ta vinajel yo' bu tiq'uil li smantaltac Diose.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.

Apocalipsis 4:4

Ta joyob li muc'ta chotlebale oy yan chanib xcha'vinic (24) chotlebal te oy. Ja' te chotajtic chanib xcha'vinic (24) banquilaletic, puru sac sc'u' slapojic, xchi'uc oy scoronail sjolic pasbil ta c'anal taq'uin.

Apocalipsis 5:13

Laj ca'ay ic'opoj scotol li c'usitic pasbilic ta vinajel, ta banamil, ta yut banamil, ta nabetic, xchi'uc scotol li c'usitic te oye, jech laj yalic: “Li Boch'o te chotol ta chotlebale xchi'uc li Ch'ium Chije ac'o albatuc slequilal yutsilal, ac'o ich'atuc ta muc', ac'o yich' svu'elic o sbatel osil”, xiic.

Apocalipsis 7:15

“Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.

Apocalipsis 7:9

C'alal jech laj quile, ts'acal laj quil te oy epal cristianoetic liquemic tal ta jujun banamil, ta jujuchop sts'unubalic, ta jujun lum, xchi'uc ta jujuchop c'op. Bats'i ep ta jyalel, mu xlaj ta atel. Te va'ajtic yo' bu chotol li Diose xchi'uc ta stojol li Ch'ium Chije. Puru sac sc'u' slapoj scotolic, xchi'uc stsacanojic yanal xan.