Apocalipsis 13:2 - Bible in Tzotzil de Chenalhó with Deuterocanon

² Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.

Tzotzil Zinacantan

² Li chone coꞌoltic xchiꞌuc bolom yilel. Li yoc scꞌobe coꞌol xchiꞌuc yoc scꞌob oso. Li yee coꞌol xchiꞌuc ye león. Li tsajal chone iyacꞌbe syuꞌel chac cꞌu chaꞌal syuꞌel li stuque. Isticꞌ ta pasmantal chac cꞌu chaꞌal tspas mantal li stuque. Tsots yabtel iyacꞌbe.

Bible in Tzotzil de Chamula

² Ti jti'oval chon loc' talel ta nab laj quile, co'ol s'elan yilel jchop o ta bolom, co'ol s'elan oso ti yoc sc'obe. co'ol s'elan león ti yee. Smuc'ul stsatsal ti muc' ta tsajal jti'oval chone, xchi'uc ti bu ta spas mantale, ti tsots yabtel yich'oje, laj yac'be jelavel ta stojol ti xi'bal sba jti'oval chon ti loc' talel ta nabe.

Tzotzil San Andres

² Li yoc scꞌobe coꞌol schiꞌuc yoc scꞌob oso. Li yee jaꞌ onoꞌox jech chac cꞌu chaꞌal ye jtiꞌaval bolom. Li tsajal chone laj yacꞌbe sjuꞌel jech chac cꞌu chaꞌal li sjuꞌel stuque. Laj yacꞌbe spas mantal jech chac cꞌu chaꞌal ta spas mantal li stuque. Tsots yabtel laj yacꞌbe.

Apocalipsis 13:2 Iomraidhean Croise

2 Reyes 2:24

Li Eliseoe ijoybij; la sq'uel batel. Ta sbi Muc'ul Dios laj yut batel. Te iloc' tal cha'cot osoetic; ja' la smil chib yoxvinic (42) queremetic.

Salmos 22:21

Pojun me, mu me xisti'un li leonetique; coltaun me, yu'un chixulicun li tot vacaxetic le'e.

Proverbios 17:12

Ja' xu' to jutuc me jnuptic ta be jcot me' oso ti liquem sc'ac'al yo'nton ta scoj ti pojbil yole; ja' toj vocol me ja' ta jnuptic li boch'o bol ti soquem sjole.

Proverbios 28:15

Li chopol vinic ti ochem ta jpasmantal ta stojol me'onetique ja' jech chac c'u cha'al jcot león ti xme'et no'oxe, jech chac c'u cha'al jcot oso ti chvoch'ivane.

Isaías 5:29

C'alal ch-avanique, xco'laj xchi'uc x'avan león ti c'alal tstsac sve'ele, ti c'alal xc'uxet no'ox ye yu'un simaronile, ti lec tsots tstsac li sve'ele, ti mu'yuc boch'o xu' chpojbate.

Jeremías 13:23

¿Me xu' yu'un ta sacubtas snuculil li ic'al vinique? ¿Me xu' yu'un ta xch'ayes spintoal li jti'val bolome? Ja' no'ox jechoxuc ec li vo'oxuque, ¿me xu' avu'unic spasel c'usi lec ti c'alal ja' nopen xava'yic o spasel c'usitic chopole?

Jeremías 5:6

Ja' yu'un ta xloc' tal leonetic ta toyolaltic ja' ta xti'atic o; ta xloc' tal oq'uiletic ta xocol banamil, ja' ta x'ulesatic yu'un noxtoc. Te ta xmalaatic yu'un jti'val bolometic ta slumalic. Boch'ouc no'ox ta xloc' batel te ta xmilatic o, yu'un i'epaj li stoyobbailique; mu xa albaj c'u yepal li xchopolilique.

Oseas 11:10

Ja' xa chlic stambeic batel sbe li Muc'ul Diose. Li Muc'ul Diose xlaquet no'ox chlic spas jech chac c'u cha'al león. C'alal xlaquet tspase, li xnich'nabe chlic niquicuc tal ta xi'el c'alal ta smaleb c'ac'al.

Amós 3:12

Jech chal noxtoc li Muc'ul Diose: “Jech chac c'u cha'al jun jchabichij ti oy to bu xu' yu'un tspojbe ta ye león chibuc yacan, o me jutebuc sni' xchiquin li xchije, ja' jech oy to chcolic loq'uel li israeletic te nacalic ta Samariae, jech chac c'u cha'al jutuc xa no'ox spac'benal, jutuc xa no'ox ste'eltac chcom c'alal chc'ac' jbej nae”, xi.

Amós 5:19

Ja' jech chac c'u cha'al boch'o chjatov ta anil yu'un león ti te tsnup ta be jcot osoe; xchi'uc ja' jech chac c'u cha'al boch'o ch-och ta yut sna ti tsquican sc'ob ta c'alnae, pero te chti'at tal ta chon noxtoc.

Habacuc 1:8

Li ca'etic yu'unique xjelov to x'anilaj jech chac c'u cha'al jti'val bolometic, xchi'uc ja' xjelov simaronilic jech chac c'u cha'al oq'uiletic chanov ta ac'ubaltic. Li soldadoetic cajajtic ta ca'e ven ep ta jyalel; solel xvilic no'ox ta anil ta nom jech chac c'u cha'al xic ti xjublej no'ox yalel ta stsaquel sve'ele.

2 Timoteo 4:17

Pero li Cajvaltique te ono'ox oy ta jts'el. Ja' laj yac'bun jtsatsal, jech ivu' cu'un xcholbel li sc'ope, jech laj ya'yic scotol li yanlum cristianoetique. Jech licol loq'uel ta ye li leone.

1 Pedro 5:8

Bijanic me, viq'uiluc me asatic yu'un li avajcontraique, ja' li pucuje, yu'un xjoyet no'ox jech chac c'u cha'al león ti x'avet no'ox ta sa'el li boch'o tsc'an tsti'e.

Apocalipsis 12:13

C'alal laj yil ti j'ech'el ijipat o yalel tal ta banamil li dragone, lic yuts'inta li ants ti querem ivoc' yole.

Apocalipsis 12:15

Ja' yu'un li chone lic sloq'ues ep vo' ta ye jech chac c'u cha'al uc'um, yu'un ac'o cuchatuc batel li antse.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:12

Ja' ch-abtej ta sventa svu'el li ba'yuc jti'vanej bolome. Ja' lic spas ta mantal scotol jnaclumetic ta sbejel banamil ti ac'o yich'ic ta muc' li ba'yuc jti'vanej bolome, ja' ti oy yav syayijemal ti colem xae.

Apocalipsis 13:4

Xchi'uc la squejan sbaic ta stojol li dragón ta sventa ti ja' laj yac'be tsots svu'el li jti'vanej bolome, xchi'uc la squejan sbaic ta stojol ec li jti'vanej bolome. Jech laj yalic: “Mu'yuc boch'o yan jech tsots svu'el jech chac c'u cha'al li jti'vanej bolome. Mu'yuc boch'o xu' tstsal”, xiic.

Apocalipsis 16:10

Li yo'bal j'almantale bat smal yo' bu xchotleb jti'vanej bolom li sbel stazae, jech i'ic'ub osil ta scotol ti bu tspas mantale. Li cristianoetique te tsti'ilan yoq'uic ta scoj xc'uxul li chin ch'iem ta sbec'talique.

Apocalipsis 17:12

“Li lajuneb xulub laj avile ja' senyail lajuneb ajvaliletic, pero mu'yuc to ch-ochic ta pasmantal. Ts'acal co'ol ta xich' yabtelic ta ajvalilal xchi'uc li jti'vanej bolome, pero jun no'ox hora chich' yabtelic.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 2:13

Vu'une xcotquin ti bu nacaloxuque; jna'oj ti te nacaloxuc yo' bu yac'oj xchotleb li banquilal pucuje. Pero te to acuchojbicun o li jbie; mu'yuc bu xamuc ta avo'ntonic ti ach'unojique. Muc xaxi'ic o c'alal imilat te yo' bu oyoxuc li cajtunel Antipas ti jun yo'nton itun te yo' bu yac'oj xchotleb li banquilal pucuje.

Apocalipsis 20:2

Bat stsac li dragone, ja' li chon ta vo'onee, ja' li pucuje, ja' li Satanase. La xchuc ta cadena jmil (1,000) jabil.