Apocalipsis 13:18 - Bible in Tzotzil de Chenalhó with Deuterocanon

¹⁸ Li'i tsc'an lec bijutic. Li boch'o bijubenic xae, ac'o yich' lec ta venta ya'yic li snumeroal jti'vanej bolome. Yu'un ja' snumeroal no'ox cristiano. Ja' vaquib ciento xchi'uc vaquib xchanvinic (666) li número yich'oje.

Tzotzil Zinacantan

¹⁸ Li muchꞌutic pꞌijubtasbilic xa yuꞌun ti Rioxe jaꞌ noꞌox snaꞌic cꞌusi smelol li snumeroal li bolome. Yuꞌun snumero noꞌox crixchano. Li numeroe seiscientos sesenta y seis tsꞌibabil.

Bible in Tzotzil de Chamula

¹⁸ Taje, ja' no'ox ti buch'u oy sbijile xu' ta xchap bu c'alal ta xac' snumeroal ti jti'oval chone, yu'un ja' snumeroal jun vinic. Ti númeroe yich'oj vaquib ciento xchi'uc vaquib xchanvinic (666).

Tzotzil San Andres

¹⁸ Li buchꞌutic pꞌijubemic xa ta sventa li Diose jaꞌ noꞌox xuꞌ chaꞌibeic smelol li snumeroal li jtiꞌaval bolome. Yuꞌun snumero noꞌox crixchano. Jaꞌ vaquib ciento schiꞌuc vaquib schanvinic (666) li snumeroale.

Tzotzil de Huixtán

¹⁸ Ja' no'ox ti much'utic p'ijuben ti sventa Dios ja' no'ox xu' cha'ibe sjam ti oy snúmero ti primero jti'vanej bolome. Snúmero no'ox crixchano. Ja' seiscientos sesenta y seis ti snúmeroe.

Apocalipsis 13:18 Iomraidhean Croise

Salmos 107:43

Li boch'otic oy sbijilique ac'o ya'ibe lec smelol li'i, xchi'uc ac'o sna' lec c'u x'elan c'uxubinel yu'un li Muc'ul Diose.

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

Oseas 14:9

Li boch'o bij ti xa'ibe lec smelole ac'o ya'ibe lec smelol li c'op li'i: Li be yu'un Muc'ul Diose lec tuc'. Li boch'otic tuc' yo'ntonique ja' te chanovic batel; yan li boch'otic chopolique te tsbosi yacanic.

Marcos 13:14

“C'alal chavilic chich' soquesel, chich' bolibtasel o ch'ulna ta scoj ti te chich' va'anel li c'usi toj chopol chil Dios ti sc'oplal mu xu' te chich' va'anele, jatovanic batel ta anil ta vitsetic, vo'oxuc ti li' nacaloxuc ta Judeae. (Li boch'o ta sq'uele, ac'o ya'ibe lec smelol.)

Romanos 3:5

Pero me chcaltic ti ja' ta scoj jchopoliltic chbat vinajuc ti toj tuc' yo'nton li Diose, ¿c'usi chcaltic noxtoc c'alal chac'be stoj smul li jpasmuliletique? ¿Me yu'un mu'yuc tuc' c'usi tspas? (Li'i chic'opoj jech chac c'u cha'al chc'opoj cristianoetic).

Deuteronomio 3:11

Li ajvalil Og ta Basane ja' sts'unubal li refaetic ti muc'tic, ti natic sts'unubalique. Ja' xa no'ox stuc cuxul comen. Li svayabe ta bats'i stsatsal taq'uin pasbil, ja' chanib metro snatil, jutuc xa mu sta chib metro sjamalil, jech chac c'u cha'al oy to yu'unic te ta lum Rabá ta yosilal li amonetique.

Apocalipsis 1:3

Xcuxet no'ox yo'nton li boch'o chapta xchi'uc li boch'o cha'ay li c'usitic yaloj Dios li'i, xchi'uc me ta xch'unic li c'usitic ts'ibabile, yu'un po'ot xa chc'ot ta pasel.

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 17:9

“Li'i tsc'an oy lec jbijiltic ta sventa Dios ti xu' chca'ibetic smelole. Li vucbej sjole ja' smelol vucub vits. Ta sba li vitsetique ja' te chchoti li antse.

Apocalipsis 21:17

La sbis noxtoc li coralton yu'un lume. Ja' chanib xchanvinic (64) metro iloc'. Ti c'u x'elan la sbis li j'almantale ja' jech chac c'u cha'al ta jbistic vu'utique.