Apocalipsis 13:16 - Bible in Tzotzil de Chenalhó with Deuterocanon

¹⁶ Jech noxtoc laj yal mantal ti ac'o yich' smarcail ta sbats'ic'obic, o me ta sti'baic scotol cristianoetic c'alal ta muc' ta biq'uit, ta jc'ulej ta me'on, c'alal ta boch'o ochem ta mozoil, xchi'uc boch'o muc ochemuc ta mozoil.

Tzotzil Zinacantan

¹⁶ Iyal noxtoc ti acꞌu yichꞌ seña scotol li crixchanoetique. Ta biqꞌuit ta mucꞌ, acꞌu mi jcꞌulej, acꞌu mi meꞌon, acꞌu mi mozoinbil, acꞌu mi chꞌabal, persa ta xichꞌ seña scotolic ta sbatsꞌicꞌobic, o mi ta stiꞌbaic.

Bible in Tzotzil de Chamula

¹⁶ Ja' jech xtoc laj yal mantal, c'alaluc ta biq'uit ta muc', scotol ti jnaclejetic ta banomile, ac'o yich' smarcail ta sbats'i c'obic, mi ta sti'baic, mi jc'ulejetic, mi me'onetic, mi mosoviletic, mi ma'uc mosoviletic.

Tzotzil San Andres

¹⁶ Schiꞌuc laj yal ti acꞌo ichꞌbatuc senyail yuꞌun scotol crixchanoetic. Acꞌo mi mucꞌ, mi biqꞌuit, mi jcꞌulej, mi mu cꞌusi oy yuꞌun, mi ochem ta jtunel, mi muc bu ochem ta jtunel, persa ta xichꞌ scotolic ta sbatsꞌicꞌobic, mi ta stiꞌbaic, li senyaile.

Tzotzil de Huixtán

¹⁶ Ac'o yich'be smarca ti totil cu'une ti ja' sloc'tombailune scotol crixchanoetic, mi muc', mi biq'uit, mi jc'ulej, mi me'on, mi libre oyic, mi oyic ti mozoil. Ja' no'ox chich' ti sbats'ic'ob o ti stiba ―xchi―.

Apocalipsis 13:16 Iomraidhean Croise

2 Crónicas 15:13

Xchi'uc laj yalic ta jamal noxtoc ti me oy boch'o mu xich' ta muc' li Muc'ul Dios yu'un Israele, me muc', me biq'uit, me vinic, o me ants, ac'o chamuc.

Job 34:19

Li stuque mu'yuc tst'uj boch'o chc'uxubin, ma'uc tscolta li banquilaletique, ma'uc ech'em chich' ta muc' li jc'ulejetique, ma'uc tsjip li me'onetique; co'ol tspasbe, yu'un ja' spasoj scotol.

Salmos 115:13

Chac'be bendición li boch'otic yich'ojic ta muc', c'alal ta muc' ta biq'uite.

Salmos 49:2

A'yo ava'yic ec vo'oxuc ti jc'ulejoxuque, vo'oxuc ti me'onoxuque, vo'oxuc ti ich'biloxuc ta muq'ue, xchi'uc vo'oxuc ti biq'uit cha'ilatique.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

Zacarías 13:6

Me jech ta xjac'batique: ‘¿Pero c'u yu'un oy ep atuch'emal cha'e?’, me x'utatique, jech ta xtac'ovic: ‘Ja' te lituch' tal ta sna li boch'o lec jc'opan jba jchi'uque’, xiic”, xi li Diose.

Hechos 26:22

Pero la scoltaun li Diose, jech li' to staoj yav jun co'nton chcalbe ya'yic sc'oplal scotol li cristianoetique, c'alal ta muc', ta biq'uit. Muc yanuc c'usi ta jchol; ja' ta jchol li c'usitic laj yalic yaj'alc'optac Dios ta vo'onee xchi'uc c'usi laj yal li Moisese, ja' ti laj yalic oy c'usi ta xc'ot ta pasele.

1 Corintios 12:13

Yu'un c'alal laj quich'tic vo' jcotoltic ta sventa li Ch'ul Espíritu ti jun no'ox oye, jech jun no'ox jbec'taltic lic'ot jcotoltic, ac'o me judío, me yanlum, me ochem ta mozoil, me mu ochemuc ta mozoil. Jech noxtoc jun no'ox li Ch'ul Espíritu laj quich'tic jcotoltique.

Gálatas 3:28

Jech mu'yuc xa judío, mu'yuc xa yanlum; mu'yuc xa boch'o ochem ta mozoil, mu'yuc xa boch'o muc ochemuc ta mozoil; mu'yuc xa vinic, mu'yuc xa ants. Yu'un jcotoltic jun no'ox lijc'ot ta stojol li Cristo Jesuse.

Gálatas 6:17

Slajeb xa chacalboxuc. Li' ta ora xchi'uc le' to batele mu xa me boch'o xac'bun jvocol avu'unic. Yu'un li vu'une quich'ojbe lec senyail ta jbec'tal ti vu'un yajtunelun Jesuse.

Efesios 6:8

Yu'un xana'ic ti ja' chc'ot jtatic ta stojol Cajvaltic li c'usitic lec ta jpastic jujunutique, ac'o me ochemutic ta mozoil, o me muc ochemuticuc ta mozoil.

Deuteronomio 11:18

“Comtsano lec ta ajol ta avo'ntonic li c'usitic laj cal ava'yique. Chuco ta ac'obic, xchi'uc ta ati'baic yu'un jech cht'ab ta avo'ntonic.

Deuteronomio 6:8

Ich'-unuc me avu'un scotol c'ac'al li mantaletique. Chuco ta ac'ob xchi'uc ta ati'ba sventa cht'ab ta avo'nton.

Colosenses 3:11

Jech mu'yuc xa sc'oplal me judioutic, me yanlumutic, me quich'ojtic circuncisión, me mu quich'ojticuc circuncisión, me bijutic, me muc bijuticuc, me ochemutic ta mozoil, me muc ochemuticuc ta mozoil. Ja' tsots sc'oplal ti co'ol chquich'tic ta muc' li Cristoe, yu'un ja' sventainoj scotol.

2 Timoteo 3:8

Ja' jech chac c'u cha'al li Janes xchi'uc Jambres ti la scontrainic li Moisese, ja' jechic ec li viniquetic le'e. Ja' ta scontrainic li c'usi melele, yu'un boliben xa o sjol yo'ntonic; me jutuc mu'yuc xch'unojic o.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 19:18

Ja' chati'beic sbec'tal li ajvaliletique, li banquilal soldadoetique, li boch'o tsots yo'ntonic ta paspleitoe, xchi'uc chati'beic sbec'tal ca'etic xchi'uc li boch'otic scajlebinojique, xchi'uc chati'beic sbec'tal boch'ouc no'ox, me ochemic ta mozoil, me muc ochemicuc ta mozoil, xchi'uc c'alal ta muc' ta biq'uit”, xut.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 19:5

Laj ca'ay oy boch'o chc'opoj tal te ta muc'ta chotlebal, jech laj yal: “Tojbeic ta vocol Dios, vo'oxuc li yajtuneloxuque, vo'oxuc ti avich'ojic ta muc', c'alal ta muc', ta biq'uite”, xi.

Apocalipsis 20:12

Laj quil te va'ajtic ta stuq'uil xchotleb Dios scotol li boch'otic chamenique. Te oyic c'alal ta muc', ta biq'uit. Jech laj yich' jamel li vunetique. Te laj yich' jamel yan vun noxtoc, ja' li vun sventa cuxlejale. Li boch'otic chamenique lic yich'ic chapanel jech chac c'u cha'al spasojic ti te ts'ibabil ta vunetique.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

Apocalipsis 6:15

Li ajvaliletic ta banamile, li jpasmantaletique, li jc'ulejetique, li banquilal soldadoetique, li boch'otic tsots xu' yu'unique, li mozoetique, xchi'uc li boch'otic muc ochemicuc ta mozoile, la snac' sbaic ta nailch'entic, xchi'uc ta japjap ch'entic ta vitsetic.

Apocalipsis 7:3

Jech laj yalbe: “Mu to me xasoquesic li banamile, xchi'uc li nabe, xchi'uc li te'etique, ja' to me laj cac'be smarcail sti'baic scotol li yajtuneltac Dios cu'untique”, x'utatic.