Apocalipsis 13:15 - Bible in Tzotzil de Chenalhó with Deuterocanon

¹⁵ Jech noxtoc i'ac'bat svu'el, yu'un ac'o yac'be yich' ic' li sloc'obal ba'yuc jti'vanej bolome, yu'un jech ac'o c'opojuc. Jech xu' chal mantal ti ac'o milatuc scotol li boch'otic mu xich'ic ta muq'ue.

Tzotzil Zinacantan

¹⁵ Li chon tsꞌacal to itale, iꞌacꞌbat syuꞌel yuꞌun ti Rioxe yoꞌ ti scuxesbe o slocꞌol li bolome, yoꞌ ti xcꞌopoj oe. Ti cꞌalal icꞌopoje, iyal ti acꞌu milatuc scotol li muchꞌutic mu xichꞌon o ta muqꞌue.

Bible in Tzotzil de Chamula

¹⁵ Ti xcha'cotal jti'oval chone, ac'bat stsatsal ta yac'bel xcuxlej sloc'obbail ti ba'yel jti'oval chone, yo' xu' ta xc'opoj ti loc'obbaile, yo' jech ta xac' ta milel scotolic ti buch'utic mu snijan xchiman sbaic ta stojole.

Tzotzil San Andres

¹⁵ Li schaꞌcotol jtiꞌaval bolome iꞌacꞌbat sjuꞌel yuꞌun Dios ti acꞌo yal ti acꞌo cuxiuc li slocꞌol li baꞌi jtiꞌaval bolome ti acꞌo cꞌopojuc, jech xuꞌ ta xal mantal ti acꞌo mileicuc scotol li buchꞌutic mu xichꞌic ta muqꞌue.

Tzotzil de Huixtán

¹⁵ Ti Diose laj yac' licensa ti ac'o cuxiuc ti sloc'tombail ti primero jti'vanej bolome, hech lic c'opojuc ti sloc'tombaile. Hech lic yal mantal: ―Ac'o milatuc scotol ti much'utic mu squejan sbaic ti jtojol ―xchi―.

Apocalipsis 13:15 Iomraidhean Croise

Génesis 2:7

Ja' yu'un li Muc'ul Diose lic smeltsan ta ts'u'ilum li vinique. La xjuch'tabe sni', jech lic ayinuc xch'ulel, lic yich' ic'. Ja' jech lic cuxiuc o li vinique.

Salmos 115:5

Oy yeic, pero mu xc'opojic; oy satic, pero mu xilic osil.

Jeremías 10:14

Scotol li cristianoetique mu'yuc sbijilic, bol c'otemic o. Li boch'o ta spasic sloc'obal diosetique ta xyalic ta q'uexlal, yu'un puru lo'lael li c'usi tspasique, yu'un mu cuxuluc.

Jeremías 10:5

Va'alic xa yilel jech chac c'u cha'al xutax ta ovolaltic, pero mu xc'opojic, mu xanovic; q'uechbil ta xanov yu'unic. Mu me xaxi'ic yu'un le'e; mu'yuc c'usi xu' chopol tspas, me ja'uc c'usi lec, mu xu' yu'un noxtoc”, xi li Muc'ul Diose.

Jeremías 51:17

Li cristianoetique muc bijicuc, bol cristianoetic no'ox. Li boch'otic tspasic sloc'obal sdiosique ta xyalic ta q'uexlal, yu'un puru lo'lael li c'usi spasojique, yu'un mu cuxuluc.

Daniel 7:20

Jech noxtoc la jac'be lec smelol li lajuneb xulube xchi'uc li yan xulub ts'acal iloc' tal ti bu laj yich' c'oquel loq'uel li yan oxib xulube, ti oy sate, ti oy yee, ti toj tsotsic c'usi laj yale, ti xco'laj xchi'uc ja' toj muc' ic'ot ta scotol li yantic xulube.

Daniel 7:25

Chlic chopolc'opojuc ta stojol li Boch'o te oy ta vinajele; ta xlic yac'be svocol li xnich'nabtac Diose. Tsc'an ta sjel li mantaletic yu'un Diose xchi'uc li c'usitic ora chcux yo'ntonic sventa chich'ic ta muc' Diose. Li xnich'nabtac Diose ta x'och ta sc'ob o'lol xchanibal jabil.

Habacuc 2:19

Toj abul sba li boch'o jech chalbe li c'usi pasbil ta te'e, “Julovan”, ti xute, xchi'uc li boch'o jech chalbe jbej tone, “Lican”, ti xute. ¿Me xu' yu'un chchanubtasvan? Ac'o me lec xa pixbil ta c'anal taq'uin, ta saquil taq'uin, pero mu'yuc cuxul, mu'yuc xch'ulel.

Santiago 2:26

Jech chac c'u cha'al li jbec'taltique, me mu'yuc jch'uleltique, chamen chcom. Ja' no'ox jech ec li xch'unojel co'ntontic me mu'yuc yabtelale, chamen chcom noxtoc.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 13:12

Ja' ch-abtej ta sventa svu'el li ba'yuc jti'vanej bolome. Ja' lic spas ta mantal scotol jnaclumetic ta sbejel banamil ti ac'o yich'ic ta muc' li ba'yuc jti'vanej bolome, ja' ti oy yav syayijemal ti colem xae.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 14:9

Ts'acal ibat yoxibal j'almantal noxtoc. Tsots ic'opoj, jech laj yal: “Li boch'o chich' ta muc' li jti'vanej bolome xchi'uc li sloc'obale, me ta xich'beic smarcail ta sti'baic, o me ta sc'obique,

Apocalipsis 16:2

Jech iloc' batel li sba j'almantale, bat smal ta banamil li sbel stazae. Jech ilic ep c'a'al chin ta sbec'talic scotol li boch'otic yich'ojbeic smarcail li jti'vanej bolome, xchi'uc ti yich'ojbeic ta muc' li sloc'obale. Li chine toj chopol, xchi'uc toj c'ux.

Apocalipsis 16:5

Laj ca'ay ic'opoj li j'almantal ti sventainoj vo'etique, jech laj yal: “Li vo'ote toj tuc' c'usi chapas, vo'ot ti cuxulot oe, ti te ono'ox oyot o ta vo'onee, vo'ot Ch'ul Diosot. Tuc' lachapanvan, laj xa avac'be stojol li mulile.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 17:17

Yu'un li Diose ja' chac'be ta yo'ntonic spasel li c'usi snopoj ono'ox stuque. Jmoj tsnopic chac'beic ta sc'ob jti'vanej bolom li svu'elic sventa ajvalile, ja' to me ic'ot ta pasel scotol c'usitic yaloj li Diose.

Apocalipsis 17:6

Li antse laj quil ti yacuben ta sventa xch'ich'al li boch'o voc'bilic yu'un Diose, xchi'uc ta xch'ich'al li boch'otic imilatic ta sventa ti jamal laj yalbeic sc'oplal li Jesuse. C'alal jech laj quile, toj labal sba laj quil; ich'ay co'nton yu'un.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 18:24

Ta lum le'e ja' te laj yich' tabel xch'ich'al li j'alc'opetique, li boch'otic voc'bilic yu'un Diose, xchi'uc scotol li boch'otic laj yich'ic milel li' ta banamile.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.