Apocalipsis 13:14 - Bible in Tzotzil de Chenalhó with Deuterocanon

¹⁴ Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Tzotzil Zinacantan

¹⁴ Yuꞌun ti iꞌacꞌbat yacꞌ iluc syuꞌel yoꞌ bu li bolome, jaꞌ isloꞌlo o li crixchanoetic liꞌ ta sba balamile ti mu xichꞌic ta mucꞌ ti Rioxe. Yechꞌo un cꞌalal iyalbe ti acꞌu smeltsanbeic slocꞌol li bolome, ti oy yav espada ta jpꞌej sjol ti ichame, ti ichaꞌcuxie, ixchꞌunic smeltsanel.

Bible in Tzotzil de Chamula

¹⁴ Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Tzotzil San Andres

¹⁴ Ti iꞌacꞌbat yacꞌ ta ilel sjuꞌel li te ta stojol li baꞌi jtiꞌaval bolome, jaꞌ la sloꞌloan o li crixchanoetic ta balumil ti mu xichꞌic ta mucꞌ li Diose. Jaꞌ yuꞌun cꞌalal laj yalbe ti acꞌo spasbeic slocꞌol li baꞌi jtiꞌaval bolom ti acꞌbil machita ta jpꞌej sjole, ti icham ichaꞌcuxie, ischꞌunic.

Tzotzil de Huixtán

¹⁴ Hech yu'un ti xcha'cotol bolome ti Diose laj yac'be spas ep jchop o abteletic te ti stojol ti primero jti'vanej bolome. I'ac'bat licensa uc yu'un tspas ti mantal ti crixchanoetique ti ac'o spasbeic sloc'tombail ti primero jti'vanej bolome, ja' ti laj yich' milel ti espadae muc xcham.

Apocalipsis 13:14 Iomraidhean Croise

2 Reyes 20:7

Li Isaiase jech laj yal: “Noyic tal jutebuc higo”, xi. La snoyic; te la xjaxbeic ti bu ip sbec'tal li Ezequiase, jech icol.

2 Reyes 22:20

Ta xcac' ti jun avo'nton chachame, xchi'uc ti te chbat achi'in li amoltot ayame' ta vo'onee. Mu'yuc xa chavil li tsots vocol ta xcac'be li banamil li'i’, xi li Diose —xi li j'alc'op Huldae. C'alal laj ya'yique, isutic batel, bat yalbeic li ajvalile.

2 Crónicas 18:21

Itac'ov: “Chiloc' batel; vu'un ta xbat cac'be epalc'op ta yeic li j'alc'opetic yu'un ajvalil Acabe”, xi. Li Muc'ul Diose jech laj yal: “Lec oy, bat paso cha'e; lec xu' avu'un”, xut.

Job 12:16

Ja' te oy ta stojol stuc li svu'ele xchi'uc li sbijile; ja' oy ta sc'ob noxtoc li jlo'lavaneje xchi'uc li boch'o lo'labile.

Éxodo 7:11

Li faraone la stac ta iq'uel li bijil viniquetic, xchi'uc li j'ac'chameletic yu'une, ja' li boch'otic xu' yu'un chac' ta ilel svu'elique. Jech ivu' yu'unic la spasic jech ec:

Isaías 44:20

Xco'laj xchi'uc puru tan tslo' ya'yel. Lo'labil yu'un li yo'ntone; ch'ayem o ta be, jech mu xu' chcol o. Mu'yuc bu jech tsnop ta yo'nton: “¿Me mu'yuc lajemun ta lo'lael yu'un li c'usi li' jtsacoj ta jbats'ic'obe?”, mu'yuc xi.

Ezequiel 14:9

“Me oy jun j'alc'op chlaj ta lo'lael ti chal c'usi mu meleluque, yu'un vu'un jtuc la jlo'la li j'alc'op le'e, ts'acal chcac'be stoj; ta xcules o ta stojol li jteclumal Israele.

Ezequiel 16:17

Jech noxtoc li at'ujumal laj cac'bote, ja' li c'anal taq'uin xchi'uc li saquil taq'uine, ja' lic atunes sventa laj apasbe sloc'obal viniquetic; te lic mulivajan achi'uc.

Ezequiel 8:10

Jech li'och batel, laj quil te loc'tabil sloc'obal ta c'alna scotol li quiletel chonetique, xchi'uc li chonbolometic ti toj chopolique, xchi'uc scotol li jaychop sloc'obal diosetic sloc'taojic li israeletique.

Daniel 11:36

‘Li ajvalil ta nortee ta spas scotol li c'usi tsc'ane. Ep ta stoy sba; muc' chac' sba ta stojol scotol li diosetique, xchi'uc bats'i chopol c'usi chal ta stojol li bats'i Diose. Lec chbat yu'un scotol, ja' to me la sta yorail ch-ac'bat stoj smul yu'un Diose, yu'un li c'usi chapanbil yu'un Diose ta persa ta spas.

2 Tesalonicenses 2:4

Li vinic chcale ta stoy sba, chlic scontrain li Diose xchi'uc scotol li c'usitic yich'ojic ta muc' cristianoetique. Ta scuy sba ta Dios stuc. Ta x'och chotluc ta yut ch'ulna yu'un Dios; chal ti ja' Dios stuque.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 13:15

Jech noxtoc i'ac'bat svu'el, yu'un ac'o yac'be yich' ic' li sloc'obal ba'yuc jti'vanej bolome, yu'un jech ac'o c'opojuc. Jech xu' chal mantal ti ac'o milatuc scotol li boch'otic mu xich'ic ta muq'ue.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 14:9

Ts'acal ibat yoxibal j'almantal noxtoc. Tsots ic'opoj, jech laj yal: “Li boch'o chich' ta muc' li jti'vanej bolome xchi'uc li sloc'obale, me ta xich'beic smarcail ta sti'baic, o me ta sc'obique,

Apocalipsis 15:2

Oy c'usi yan laj quil noxtoc, xco'laj xchi'uc jun nab pasbil ta nen capal ta c'oc'. Li boch'o ivu' yu'unic stsalel li jti'vanej bolom xchi'uc li sloc'obale, ti muc xich'beic li snumeroal sbie, te va'ajtic scotolic ta nab, yich'anojic arpa yu'un Dios.

Apocalipsis 16:13

Ts'acal laj quil iloc' jujun chopol pucujetic ta yeic li dragone, xchi'uc li jti'vanej bolome, xchi'uc li jlo'lavanej j'alc'op yu'une. Xco'laj xchi'uc xpococ yilel ti iloc'an ta yeique.

Apocalipsis 16:2

Jech iloc' batel li sba j'almantale, bat smal ta banamil li sbel stazae. Jech ilic ep c'a'al chin ta sbec'talic scotol li boch'otic yich'ojbeic smarcail li jti'vanej bolome, xchi'uc ti yich'ojbeic ta muc' li sloc'obale. Li chine toj chopol, xchi'uc toj c'ux.

Apocalipsis 18:23

Mu'yuc xa bu xojoban candiletic te ta atojol, xchi'uc mu'yuc bu chich' pasel q'uin nupinel noxtoc, ac'o me ech'em to'ox xu' yu'unic li' ta banamil li jmanulajeletic, li jchonolajeletic avu'une. Yu'un ep laj alo'la cristianoetic ta jujun banamil ta scoj ti ep c'usi achanoj spasele”, xi li j'almantale.

Apocalipsis 19:20

Li jti'vanej bolome co'ol itsacatic xchi'uc li jlo'lavanej j'alc'op yu'un ti la spas ep sq'uelubil stsatsal te ta stojole, ti la slo'la o scotol li boch'otic yich'ojbeic smarcail li ba'yuc jti'vanej bolome, xchi'uc ti laj yich'beic ta muc' sloc'obale. Xchibalic cuxul ijipatic ochel ta muc'ta c'oc' tsanbil ta azufre.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 20:10

Ja' no'ox jech ec li banquilal pucuj ti la slo'la scotol cristianoetique, ijipat ochel ta muc'ta c'oc' tsanbil ta azufre, ja' te yo' bu jipbilic ochel li ba'yuc jti'vanej bolome xchi'uc li jlo'lavanej j'alc'op yu'une. Jech ta c'ac'al ta ac'ubal te chich'ic o vocol sbatel osil.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.