Apocalipsis 13:11 - Bible in Tzotzil de Chenalhó with Deuterocanon

¹¹ Ts'acal laj quil yan jti'vanej bolom iloc' tal ta yut banamil. Oy chib xulub jech chac c'u cha'al ch'ium chij, pero co'ol chc'opoj jech chac c'u cha'al dragón.

Tzotzil Zinacantan

¹¹ Tsꞌacal to iquil ilocꞌ tal ta yut balamil otro jcot chon. Chib xulub coꞌol xchiꞌuc xulub chij. Jaꞌ yech icꞌopoj chac cꞌu chaꞌal li tsajal chone.

Bible in Tzotzil de Chamula

¹¹ Ts'acal to un, laj quil yan jti'oval chon ti loc' muyel tal ta banomile. Oy chib xulub co'ol s'elan xulub uni tot chij. Ti sc'opojele co'ol s'elan sc'opojel ti muc' ta tsajal jti'oval chone.

Tzotzil San Andres

¹¹ Tsꞌacal iquil ilocꞌ talel ta yut balumil otro jcot jtiꞌaval bolom. Chib xulub jech chac cꞌu chaꞌal chij. Tstoy sba eꞌuc jech chac cꞌu chaꞌal li tsajal chone.

Tzotzil de Huixtán

¹¹ Patil laj jq'uel iloc' tal ti balumil yan jcot jti'vanej bolom. Chijxi' yu'un uc. Chib ti xulube ja' hech chaj c'u che'el xulub carnero. Ti c'alal ic'opoje, ja' hech chaj c'u che'el sc'op ti dragone.

Apocalipsis 13:11 Iomraidhean Croise

Daniel 7:8

“C'alal te jq'uelojbe li xulube, laj quil iloc' yan biq'uit xulub ta o'lol li yantic xulube. Li yantic ba'yuc xulub ta sts'el ti bu iloc' tal li biq'uite laj yich' c'oquel loq'uel oxib. Li xulub ts'acal iloq'ue oy sat jech chac c'u cha'al sat cristiano, xchi'uc oy ye toj ven tsotsic c'usi chal.

Daniel 8:3

C'alal lic jtoy sate, laj quil te oy ta ti' uc'um jcot tot chij, oy chib natic xulub. Li jun xulube xjelov snatil, pero ja' ts'acal ich'i.

San Mateo 7:15

“Q'uelo me abaic ta sventa li jlo'lavanej j'alc'opetique. Yu'un xco'laj xchi'uc chijetic yilel ti c'alal te chtal ta atojolique, pero li yut yo'ntonique ja' jech chac c'u cha'al jti'vanej bolom.

Romanos 16:18

Yu'un li boch'otic jech tspasique ma'uc yabtel Cajvaltic Jesucristo tspasbeic. Ja' no'ox tspasic c'usi tsc'an yo'nton stuquic. Jech tslo'laic ta sventa sc'opic li boch'otic mu'yuc to stsatsal yo'ntonique, yu'un toj lec ya'yel li c'usitic chalique.

2 Tesalonicenses 2:4

Li vinic chcale ta stoy sba, chlic scontrain li Diose xchi'uc scotol li c'usitic yich'ojic ta muc' cristianoetique. Ta scuy sba ta Dios stuc. Ta x'och chotluc ta yut ch'ulna yu'un Dios; chal ti ja' Dios stuque.

Apocalipsis 11:7

C'alal me ilaj yo'ntonic ta xcholel li c'usi albilic yu'un Diose, ja'o chloc' tal ta xab li jti'vanej bolome. Ja' chlic spasic c'op xchi'uc li chibique; tsalbil chcomic, jech chmilatic o.

Apocalipsis 12:17

Ja' yu'un li dragone bats'i tsots i'ilin ta stojol li antse, jech bat spas pleito xchi'uc li yantic yalabtaque. Ja' li boch'otic xch'unojbeic smantaltac Diose xchi'uc ti jamal chalic ti xch'unojic li Jesucristoe.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 13:17

Ja' no'ox xu' chmanulajic, xu' chchonolajic li boch'otic yich'ojbeic smarcail sbi, o me snumeroal sbi li ba'yuc jti'vanej bolome.

Apocalipsis 13:4

Xchi'uc la squejan sbaic ta stojol li dragón ta sventa ti ja' laj yac'be tsots svu'el li jti'vanej bolome, xchi'uc la squejan sbaic ta stojol ec li jti'vanej bolome. Jech laj yalic: “Mu'yuc boch'o yan jech tsots svu'el jech chac c'u cha'al li jti'vanej bolome. Mu'yuc boch'o xu' tstsal”, xiic.

Apocalipsis 16:13

Ts'acal laj quil iloc' jujun chopol pucujetic ta yeic li dragone, xchi'uc li jti'vanej bolome, xchi'uc li jlo'lavanej j'alc'op yu'une. Xco'laj xchi'uc xpococ yilel ti iloc'an ta yeique.

Apocalipsis 17:6

Li antse laj quil ti yacuben ta sventa xch'ich'al li boch'o voc'bilic yu'un Diose, xchi'uc ta xch'ich'al li boch'otic imilatic ta sventa ti jamal laj yalbeic sc'oplal li Jesuse. C'alal jech laj quile, toj labal sba laj quil; ich'ay co'nton yu'un.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.