Apocalipsis 12:5 - Bible in Tzotzil de Chenalhó with Deuterocanon

⁵ Li antse la svoq'ues jun querem. Ja' yabtel tsventain scotol cristianoetic ta jujun banamil xchi'uc li svaston pasbil ta tsatsal taq'uine. Li olole ta ora i'ic'at muyel ta vinajel ta stojol Dios ti te chotol ta muc'ta chotlebale.

Tzotzil Zinacantan

⁵ Iꞌayan yol li antse, crem. Jaꞌ ta xꞌacꞌbat spas ta mantal scotol crixchanoetic ta sjunlej balamil, chꞌunbil smantal. Li unene ora iꞌiqꞌue muyel ta vinajel yoꞌ bu chotol ta smucꞌta chotleb ti Rioxe.

Bible in Tzotzil de Chamula

⁵ Ti antse laj svoq'ues jun squerem ti ta xc'ot ta sventa ti co'ol s'elan tsatsal taq'uin jbel xc'opoj ta spas ta mantal scotol ti jnaclejetic oyic ta jujun lume. Ti yol une poje batel, iq'ue muyel ta vinajel ta stojol Dios ti chotol ta muc' ta chotlebale.

Tzotzil San Andres

⁵ Ivocꞌ li yol li antse, querem. Jaꞌ ta xꞌacꞌbat spas ta mantal scotol crixchanoetic ta spꞌejel balumil, ta xchꞌunbat o smantal. Li unene ta ora iꞌiqꞌue muyel ta vinajel ta stojol Dios li te chotol ta mucꞌta chotlebale.

Tzotzil de Huixtán

⁵ I'an yol ti antse. Querem laj yac'. Ti yole ja' ac'bil yabtel yu'un tspas ti mantal scotol crixchanoetic. Persa chch'umbat smantal. Ti yol ti antse ti ora i'ic'at muel ti stojol ti Diose ti te nacal ti muc'ta naclebale.

Apocalipsis 12:5 Iomraidhean Croise

Isaías 66:7

“Li lum Sione mu'yuc to'ox xch'ut, pero ta ora no'ox i'alaj; mu'yuc to'ox chlic xc'uxul cha'ay, pero ivoc' xa'ox squerem.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Miqueas 5:3

Li' ta orae li Diose yictaoj comel li yu'untaque, pero ja' no'ox ti c'u sjalil sc'an xvoc' yol li ants ti sc'oplal tsvoq'ues jun olole. Jech chlic stsob sbaic tal yo' bu comen xchi'iltaquic li israeletic ti chucbilic batel ta yan banamile.

San Mateo 1:25

Pero mu'yuc to la xchi'in, ja' to c'alal ivoc' li yole. Li olole Jesús laj yac'be sbi.

Marcos 16:19

C'alal ilaj yo'nton ta sc'opanel yajchanc'optac li Cajvaltic Jesuse, i'ic'at muyel ta vinajel. Te c'ot chotluc ta sbats'ic'ob Dios.

2 Corintios 12:2

Oy xa ta xchanlajunebal (14) jabil xcotquin lec ti oy jun vinic yich'oj ta muc' Cristoe, i'ic'at muyel ta mero yutil vinajel. Mu jna' me i'ic'at muyel xchi'uc sbec'tal, o me mo'oj. Ja' sna' stuc li Diose.

Apocalipsis 11:12

Laj ya'yic oy boch'o tsots chc'opoj ta vinajel jech i'albatic: “Muyanic tal li'i”, x'utatic. Jech imuyic batel, macbil ta toc ibatic. Li yajcontraique laj yil scotolic.

Apocalipsis 12:13

C'alal laj yil ti j'ech'el ijipat o yalel tal ta banamil li dragone, lic yuts'inta li ants ti querem ivoc' yole.

Apocalipsis 12:2

Li antse oy xch'ut, jech x'avet no'ox ta scoj li xc'uxule, yu'un yorail xa chcux.

Apocalipsis 19:15

Li C'ope chloc' espada ta ye. Li espadae lec juxbil ye. Ja' sventa tsmil o li cristianoetic ta jujun banamile. Ja' tslilin o ta svaston ti pasbil ta tsatsal taq'uine. Ja' tstec' noxtoc li yavil spits'ubil ya'lel ts'usub ti nojem ta tsots sc'ac'al yo'nton li Dios ti ech'em svu'ele.