Apocalipsis 12:3 - Bible in Tzotzil de Chenalhó with Deuterocanon

³ Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Tzotzil Zinacantan

³ Ora ivinaj otro jun seña ta vinajel. Tey cotol jcot mucꞌta tsajal chon, vucpꞌej sjol, lajuneb xulub. Oy scoronail jupꞌej sjol.

Bible in Tzotzil de Chamula

³ Laj taj une, xi s'elan vinaj yan senyail xtoc ta vinajel: jcot muc' ta tsajal jti'oval chon ti yich'oj vucub sjole, xchi'uc lajuneb xulub, oy sronail sjol ta jujun.

Tzotzil San Andres

³ Ta ora ivinaj yan senyail nojtoc ta vinajel. Te cotol jcot tsajal chon, jucpꞌej sjol, lajuneb xulub. Oy scoronail sjucpꞌejel li sjole.

Tzotzil de Huixtán

³ Oy yan señail ivinaj uc te ti vinajel. Te oy jcot chon jun to iguana x'elan pero más muc'. Dragón sbi ti chone. Tsoj ti dragone. Hucp'ej ti sjole. Lajunch'ix ti xulube. Oy scorona ti jujup'ej sjole.

Apocalipsis 12:3 Iomraidhean Croise

Isaías 27:1

Li Muc'ul Diose ja'o yorail chac'be svocol li Leviatane,, ja' li chon ti xquilet chanov ta anile, ti xotoj sba ta banamile. Ja' ta smil o ta yespada ti toj xi'bal sbae, ti toj muq'ue, xchi'uc ti toj tsotse. Ta smil noxtoc li dragón te oy ta nabe.

Isaías 51:9

Muc'ul Dios, julovan me, lican me achi'uc li atsatsal avu'ele; paso jech chac c'u cha'al laj apas ta vo'onee. Yu'un vo'ot ono'ox laj alilin li Rahabe; vo'ot ono'ox laj amil li dragón ta vo'onee.

Isaías 9:15

(Li sjole ja' smelol li moletic xchi'uc li banquilaletic yu'unique; li snee ja' smelol li j'alc'opetic ti puru epalc'op c'usi chalique.)

Daniel 2:41

“Li xpoch'omal yacan, xchi'uc li sbic'tal yacan ti j'o'lol patbil ta lum, j'o'lol pasbil ta tsatsal taq'uine, ja' smelol chib ajvaliletic ti scontra chil sbaique. Ac'o me oy to jutuc stsatsal li taq'uine, pero laj avil ti capbil ta lum chic'bil ta c'oq'ue.

Daniel 2:42

Li yacan ti j'o'lol pasbil ta tsatsal taq'uin xchi'uc ti j'o'lol patbil ta lum laj avile, ja' smelol ti jliquel xa no'ox oy stsatsal, jliquel xa mu'yuc stsatsal li ajvalile.

Daniel 7:20

Jech noxtoc la jac'be lec smelol li lajuneb xulube xchi'uc li yan xulub ts'acal iloc' tal ti bu laj yich' c'oquel loq'uel li yan oxib xulube, ti oy sate, ti oy yee, ti toj tsotsic c'usi laj yale, ti xco'laj xchi'uc ja' toj muc' ic'ot ta scotol li yantic xulube.

Daniel 7:24

Li lajuneb xulube ja' smelol ti ta to xlic lajuneb ajvaliletic ti c'alal ja'o yorail tiq'uil ta yabtel li jun ajvalil le'e. Ta ts'acal chlic jun ajvalil noxtoc, ti mu xco'laj jech chac c'u cha'al li lajuneb ajvaliletique; li ajvaliletic le'e tstsal oxib ajvaliletic.

Apocalipsis 12:1

Laj quil noxtoc jun tsots senyail ta vinajel. Ja' jun ants ti slapoj li c'ac'ale; ja' stec'oj li ue. Oy scoronail sjol yich'oj lajcha'bej c'analetic.

Apocalipsis 12:13

C'alal laj yil ti j'ech'el ijipat o yalel tal ta banamil li dragone, lic yuts'inta li ants ti querem ivoc' yole.

Apocalipsis 12:17

Ja' yu'un li dragone bats'i tsots i'ilin ta stojol li antse, jech bat spas pleito xchi'uc li yantic yalabtaque. Ja' li boch'otic xch'unojbeic smantaltac Diose xchi'uc ti jamal chalic ti xch'unojic li Jesucristoe.

Apocalipsis 12:4

Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.

Apocalipsis 12:7

Ts'acal laj quil muc'ta pleito ta vinajel. Li banquilal j'almantal Miguele xchi'uc li j'almantaletic yu'une la spasic pleito xchi'uquic li dragone. Li dragone tsots la spasic xchi'uc li j'almantaletic yu'une.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 13:2

Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.

Apocalipsis 13:4

Xchi'uc la squejan sbaic ta stojol li dragón ta sventa ti ja' laj yac'be tsots svu'el li jti'vanej bolome, xchi'uc la squejan sbaic ta stojol ec li jti'vanej bolome. Jech laj yalic: “Mu'yuc boch'o yan jech tsots svu'el jech chac c'u cha'al li jti'vanej bolome. Mu'yuc boch'o xu' tstsal”, xiic.

Apocalipsis 15:1

Ts'acal laj quil yan tsots senyail ta vinajel, toj labal sba. Oy vucub j'almantaletic yich'ojic vucchop tsatsal vocol, ja' li slajeb stojol mulil chac' Diose, yu'un ja' xa te chc'ot ta ts'aquiel o scotol li sc'ac'al yo'ntone.

Apocalipsis 16:13

Ts'acal laj quil iloc' jujun chopol pucujetic ta yeic li dragone, xchi'uc li jti'vanej bolome, xchi'uc li jlo'lavanej j'alc'op yu'une. Xco'laj xchi'uc xpococ yilel ti iloc'an ta yeique.

Apocalipsis 17:12

“Li lajuneb xulub laj avile ja' senyail lajuneb ajvaliletic, pero mu'yuc to ch-ochic ta pasmantal. Ts'acal co'ol ta xich' yabtelic ta ajvalilal xchi'uc li jti'vanej bolome, pero jun no'ox hora chich' yabtelic.

Apocalipsis 17:16

Li lajuneb xulub jti'vanej bolom laj avile, ja' chlic scontrainic li jmulavil antse. Solel stuc chcom yu'unic o, tst'ananic comel ta jyalel. Ta sti'beic li sbec'tale ja'o chlic xchiq'uic ta c'oc'.

Apocalipsis 17:7

Li j'almantale jech la sjac'bun: “¿C'u yu'un ti chch'ay avo'ntone? Vu'un chacalbot c'usi smelol li ants le'e xchi'uc li jti'vanej bolom scajlebinoj ti vucbej sjole, ti lajuneb xulube.

Apocalipsis 19:12

Li jujubej sate xpulpun no'ox jech chac c'u cha'al c'oc'. Oy ep scoronail sjol. Xchi'uc ts'ibabil sbi, pero mu'yuc boch'o sna' c'usi chal. Ja' no'ox sna' stuc.

Apocalipsis 20:2

Bat stsac li dragone, ja' li chon ta vo'onee, ja' li pucuje, ja' li Satanase. La xchuc ta cadena jmil (1,000) jabil.