Apocalipsis 12:12 - Bible in Tzotzil de Chenalhó with Deuterocanon

¹² Ja' yu'un cuxetuc no'ox avo'nton, vinajel, xchi'uc vo'oxuc ti te oyoxuque. Ja' toj abul abaic vo'oxuc ti te to nacaloxuc ta banamil xchi'uc ta nabe, yu'un iyal o tal ta atojolic li banquilal pucuje. Ilinem ta ora, yu'un sna' ti mu xa jaluc ch-abteje”, xi.

Tzotzil Zinacantan

¹² Yechꞌo un junuc coꞌontic ti cꞌu quepaltic liꞌotic ta vinajele. Jaꞌ abol sbaic li muchꞌutic teyic to ta sjunlej balamile yuꞌun jꞌechꞌel iyal echꞌel ta balamil li pucuje. Capem tajmec sjol yuꞌun snaꞌoj ti mu xa jaluc tspas cꞌu tspase ―xi li muchꞌu icꞌopoje.

Bible in Tzotzil de Chamula

¹² Muyubajan ec un, ch'ul vinajel xchi'uc ti vo'oxuc nacaloxuc ta stojole. Teque' xa no'ox xch'a un ma' ti buch'utic nacalic ta banomile, xchi'uc ti oyic ta muc' ta nabe, yu'un sna' lec ti pucuje, ti jutuc xa sc'an xc'ot yoraile, jech o xal un, yu'un capem xa yalel talel sjol ta atojolic.”

Tzotzil San Andres

¹² Jaꞌ yuꞌun muybajcutic noꞌox li cꞌu quepaltic liꞌ oyutic ta vinajele. Jaꞌ abol sbaic li crixchanoetic ta spꞌejel balumile yuꞌun ta jꞌechꞌel iyal o batel ta balumil li banquilal pucuje. Soquem sjol yuꞌun snaꞌoj ti mu xa jaluc ta xꞌabteje ―xi.

Tzotzil de Huixtán

¹² Hech yu'un nichim no'ox co'ntontic, ho'ucutic ti li'oyucutic ti vinajele. Ja' uts sbaic ti te nacajtic ti balumile xchi'uc ti mare, yu'un j'ech'el iyal xa batel ti totil pucuje. Liquem sjol ti ora to yu'un tsna' ti mu xa epuc c'ac'al xu' ch-abteje ―xchi.

Apocalipsis 12:12 Iomraidhean Croise

Isaías 44:23

Vinajel, avanan ta xcuxetel avo'nton ta sventa ti toj lec c'usi la spas li Muc'ul Diose; yutil banamil, avanan ta xcuxetel avo'nton. Muc'tic vitsetic, toyolal te'tic, xchi'uc yantic te'etic, cuxetuc no'ox avo'ntonic, albeic slequilal. Yu'un li Muc'ul Diose laj xa yac' ta ilel yutsilal slequilal; yu'un laj xa xcha'poj loq'uel tal li Jacobe, laj xa yac' ta ich'el ta muc' li Israele.

Isaías 49:13

Vinajel, q'uejintabo slequilal li Diose; banamil, cuxetuc no'ox avo'nton; vitsetic, avananic ta tse'ej. Yu'un li Muc'ul Diose laj xa smuq'uibtasbe yo'nton li steclumale; laj xa xc'uxubin li boch'o abul sbaic ta uts'intaele.

San Lucas 15:10

Chacalboxuc, ja' no'ox jech ec li Diose, xcuxet no'ox yo'nton xchi'uc yaj'almantaltac c'alal me ta sutes yo'nton jun jpasmulile”, xi li Jesuse.

San Lucas 2:14

“¡Ich'biluc ta muc' te ta vinajel li Diose! Ac'o sta jun yo'nton cristianoetic li' ta banamil ta sventa slequil yo'nton li Diose”, xiic.

Hebreos 10:37

Yu'un jutuc xa sc'an sta yorail. Jech ts'ibabil: “Li boch'o sc'oplal tsut tale ta ono'ox xtal, mu xa xjalij.

2 Pedro 3:8

Pero vo'oxuc ti lec jc'anojoxuque, mu me xch'ay ta avo'ntonic ti xco'laj no'ox xchi'uc jun c'ac'al cha'ay jmil jabil li Cajvaltique. Jech noxtoc, li jmil jabile xco'laj xchi'uc jun c'ac'al cha'ay.

Apocalipsis 10:6

Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.

Apocalipsis 11:10

Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.

Apocalipsis 11:14

Li xchibal velta vocole ijelov xa. Ta xa xtal noxtoc li yoxibal veltae.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:6

Jech lic c'opojuc. Yan xich' xal ta stojol li Diose. Solel la xchopolc'optabe li sbie, xchi'uc ti bu nacale, xchi'uc li boch'otic te oyic ta vinajele.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 8:13

C'alal te jq'ueloje, ja' to laj quil te xvilet ta o'lol vinajel jun xic. Tsots i'avan, jech laj yal: “¡Ay, ay, ay! Toj abul sbaic li boch'otic te nacajtic ta banamil c'alal tsjupan yoq'uesic li yan oxib j'almantaletic ti quechel toe”, xi.

Apocalipsis 9:12

Li sba velta vocole ijelov xa. Pero sc'an to yan chib velta.