Apocalipsis 12:1 - Bible in Tzotzil de Chenalhó with Deuterocanon

¹ Laj quil noxtoc jun tsots senyail ta vinajel. Ja' jun ants ti slapoj li c'ac'ale; ja' stec'oj li ue. Oy scoronail sjol yich'oj lajcha'bej c'analetic.

Tzotzil Zinacantan

¹ Iquil jun mucꞌta seña ta vinajel, tsots tajmec scꞌoplal. Iquil jun ants oy xojobal, coꞌol xchiꞌuc xojobal cꞌacꞌal. Jaꞌ slapoj yilel li cꞌacꞌale. Jaꞌ stecꞌobinoj li jchꞌulmeꞌtique. Slapoj scorona. Li scoronae oy lajchapꞌej cꞌanal.

Bible in Tzotzil de Chamula

¹ Xi s'elan vinaj jun muc' ta senyail ta vinajel: oy jun ants sc'u'inoj ti c'ac'ale, xchi'uc stec'obinoj ti ue, ti slapoj sronail sjol ti yich'oj lajcha'bej c'anale.

Tzotzil San Andres

¹ Te iquil jun mucꞌta senyail ta vinajel ti toj tsots scꞌoplale. Jaꞌ jun ants ti oy xojobal jech chac cꞌu chaꞌal li cꞌacꞌale, coꞌol schiꞌuc jaꞌ slapoj yilel li cꞌacꞌale. Jaꞌ stecꞌanoj o yoc li ue. Oy scoronail sjol. Li ta scoronail sjole oy lajchapꞌej cꞌanaletic.

Tzotzil de Huixtán

¹ Te ivinaj ti vinajel señail ti tsots sc'opilale. Te ivinaj jun ants. Ja' sc'u' ti c'ac'ale, stec'oj ti ue. Ti scoronae ti te ti sjole ja' lajcheb c'analetic.

Apocalipsis 12:1 Iomraidhean Croise

2 Crónicas 32:31

Li banquilaletic ta Babiloniae la stac tal jayibuc svinictac sventa tal svu'lanic li Ezequiase, xchi'uc tal sjaq'uic c'u x'elan li senyail stsatsal la spas Muc'ul Dios te ta yosilalique. Li Diose la scomtsan stuc li Ezequiase, yu'un tsc'an tsq'uel c'usi snopoj, c'usi oy ta yo'nton.

Salmos 104:2

Pixilot o ta sac osil jech chac c'u cha'al c'usi pixil ta saquil poc'; vo'ot laj alich'an jech chac c'u cha'al poc' li vinajele.

Salmos 84:11

Yu'un li Muc'ul Diose ja' xa te xojoban o ta jtojol, ja' jmacubbail c'otem; puru utsilal, puru c'uxubinel xa chiyac'bun. Li boch'otic tuc' yo'ntonique mu'yuc chjalanbatic o li c'usitic leque.

Cantares 6:10

Boch'o le'e ti xco'laj xchi'uc yibel vinajel c'alal chacpojan xae, ti lec c'upil sba jech chac c'u cha'al u, ti xojoban no'ox jech chac c'u cha'al c'ac'ale, xchi'uc ti chch'ay co'ntontic yu'un jech chac c'u cha'al soldadoetic ti c'alal lec jmoj chchan yacanique.

Isaías 61:10

Toj xcuxet no'ox co'nton ta stojol li Muc'ul Diose; toj jun no'ox co'nton ta stojol li Dios cu'une, yu'un laj yac'bun li coltael yu'une, laj yac'bun jpas ta canal scotol. La smeltsanun lec jech chac c'u cha'al jun querem ti ta xa xnupine; la sc'ac'ubtasun lec jech chac c'u cha'al jun tseb ti sc'ac'ubtasoj xa lec sba xchi'uc c'usitic oy yu'une.

Isaías 62:3

Ta stojol li Dios avu'une ja' jech chac'ot jech chac c'u cha'al corona sventa muc'ta ajvalil ti toj c'upil sbae.

Zacarías 9:16

Me la sta li sc'ac'alil le'e, li Muc'ul Dios cu'untique ta xlic scolta li steclumal ti ja' jechic jech chac c'u cha'al jtsob chijetique; xojobanic no'ox liquel ta yosilal stuquic li steclumale, ja' jechic liquel jech chac c'u cha'al lequil tonetic ti ac'bil ta coronae.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 12:38

Te itac'ovic jayibuc fariseoetic xchi'uc jchanubtasvanejetic yu'unic. Jech laj yalbeic li Jesuse: —Jchanubtasvanej, chac jq'uel ca'icutic sq'uelubil li avu'ele —xutic.

San Mateo 24:30

Ja'o ta xvinaj tal senyail ta vinajel ti chital, vu'un ti Xnic'on cristiano lic'ote. Scotol jaychop cristianoetic ta sbejel banamil ta x'oq'uic ta scoj xi'el. Ta xilic chiyal tal ta toc ta vinajel xchi'uc ep jtsatsal xchi'uc tsots jxojobal, vu'un ti Xnich'on cristiano lic'ote.

Marcos 13:25

Ta xbajan yalel tal li c'analetique; ta xnic scotol li c'usitic oy svu'elic ta toyole.

San Lucas 21:11

Ta xjelov tsots niqueletic. Ta to xtal tsots vi'nal xchi'uc chamel ta buticuc banamilal. Ta to xtal ep xi'el, xchi'uc muc'tic sq'uelubil stsatsal Dios ta vinajel.

San Lucas 21:25

“Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

San Juan 3:29

Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

Hechos 2:19

Ta xcac' ta ilel muc'tic sq'uelubiltac ta vinajel, ta xcac' tsots senyailtac ta banamil; ja' ch'ich' xchi'uc c'oc', xchi'uc epal ch'ayil.

Romanos 13:14

Ja' ac'o vinajuc stalel Cajvaltic Jesucristo ta atojolic; mu me ja'uc oy ta avo'ntonic spasel li c'usitic tsc'an abec'talique.

Romanos 3:22

Ti c'u x'elan tuc' co'ntontic chijyilutic Diose ja' no'ox ta sventa ta jch'untic li Jesucristoe. Boch'ouc no'ox mu'yuc smul ch-ilatic yu'un Dios me jech ta xch'unique.

2 Corintios 11:2

Ti jech toj juteb co'nton ta atojolique ja' ta sventa li Diose. Yu'un jun no'ox vinic laj cac' amalinic ya'yel, ja' yu'un tsots sc'oplal chca'ay ti chc'ot jva'anoxuc ta stojol Cristo jech chac c'u cha'al jun tojol tsebe.

Gálatas 3:27

Yu'un ti c'u avepalic laj avich'ic vo' ta sventa ti jun lac'otic xchi'uc Cristoe, ja' laj alapbeic o stalel li Cristoe.

Gálatas 4:26

Yan li lum Jerusalén ta toyole mu'yuc ochem ta mozoil; ja' jme'tic c'otem li vu'utique.

Gálatas 6:14

Pero li vu'une mu ja'uc tsots sc'oplal chca'ay ti ac'o ich'atcun ta muq'ue. Ja' tsots sc'oplal chca'ay ti ac'o ich'atuc ta muc' li Cajvaltic Jesucristo ti icham ta cruze. Yu'un ja' ta sventa ti chamen xa ic'ot ta jventa li c'usitic oy li' ta banamile, jech chamenun xa lic'ot ta sventa ec.

Efesios 5:32

Le'e toj muc' smelol. Pero vu'un chcal ti ja' smelol c'u x'elan tspas ta sventa steclumal li Cristoe.

Apocalipsis 1:20

Li vucub c'anal jtsacoj ta jbats'ic'ob laj avile xchi'uc li vucub candelero pasbil ta c'anal taq'uine, ja' jech smelol chac li'i: Li vucub c'anale ja' li j'almantal ta jujutsob jch'unolajeletic ta vucub lume. Li vucub candeleroe ja' li vuctsob jch'unolajeletique”, xiyutun li Cajvaltique.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 12:3

Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Apocalipsis 15:1

Ts'acal laj quil yan tsots senyail ta vinajel, toj labal sba. Oy vucub j'almantaletic yich'ojic vucchop tsatsal vocol, ja' li slajeb stojol mulil chac' Diose, yu'un ja' xa te chc'ot ta ts'aquiel o scotol li sc'ac'al yo'ntone.

Apocalipsis 21:14

Li coraltone oy lajcha'coj snacleb. Ta jujucoje te ts'ibabil sbi jujun li lajchab yajtacbolaltac Ch'ium Chije.

Apocalipsis 21:23

Li lume mu xa xtun yu'un xojobal c'ac'al, xchi'uc xojobal u, yu'un ja' xa te oy xojobal stuc li Diose. Ja' xa sluzic c'otem o li Ch'ium Chije.