Apocalipsis 11:8 - Bible in Tzotzil de Chenalhó with Deuterocanon

⁸ Li sbec'talique te no'ox telajtic chcom ta xoralil li Muc'ta lum yo' bu la smilic Cajvaltique, ja' li lum ti xco'laj xchi'uc Sodoma xchi'uc Egiptoe.

Tzotzil Zinacantan

⁸ Tey telajtic chcomic ta mucꞌta caya ta Jerusalén ti chaꞌvoꞌe, jaꞌ li jteclum yoꞌ bu imile li yajvalique, jaꞌ ti Jesuse. Li crixchanoetic tey nacajtique, chopol ch-ileic yuꞌun Riox chac cꞌu chaꞌal chopol iꞌileic ti crixchanoetic ta Sodomae xchiꞌuc ta Egipto ti voꞌnee yuꞌun coꞌol chopol cꞌusi tspasic.

Bible in Tzotzil de Chamula

⁸ Telel ta xcom sbec'tal stacopalic ta calle ta muc' ta jteclum ti bu laj yich' jipanel ta curus ti Cajvaltique, ja' ti jteclum ti xco'olaj xchi'uc ti jteclum Sodoma ma le' une, mi ja' ti muc' ta lum Egiptoe.

Tzotzil San Andres

⁸ Li sbecꞌtal stacupalique te telel chcomic ta scayail Jerusalén, jaꞌ li jteclum li bu imile li yajvalique, jaꞌ li Jesuse. Li jchiꞌiltactic li te nacalique, chopol ta xꞌileic yuꞌun Dios jech chac cꞌu chaꞌal li crixchanoetic ta Sodoma schiꞌuc ta Egipto ta voꞌonee, yuꞌun coꞌol naca chopol li cꞌusi tspasique.

Tzotzil de Huixtán

⁸ Ti cha'vo'ique te chcom sbec'talic te ti calle te ti Jerusalén yo' bu imilat ti cruz ti Cajvaltique. Ti sventa ti Ch'ul Espíritue ti jna'tic ti co'ol yo'ntonic ti jchi'iltac ti te nacajtique xchi'uc ti much'utic nacajtic ti Sodoma xchi'uc ti Egipto ti vo'one chil ti Diose.

Apocalipsis 11:8 Iomraidhean Croise

Génesis 13:13

ja' ti bu nacalic li cristianoetic ti toj chopolique, ti puru jpasmuliletic ta stojol Muc'ul Diose.

Génesis 19:24

Li Muc'ul Diose laj yac' tal c'oc' xchi'uc azufre te ta lum Sodoma xchi'uc ta lum Gomorra. Ja' jech iyal tal jech chac c'u cha'al chac' vo'.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 3:7

pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Isaías 3:9

Lec xvinaj ta satic ti oy smulique, mu xa xu' tsnaq'uic; ja' jechic jech chac c'u cha'al Sodoma ti vinajem ta scotol cristianoetic ti oy smulique. Toj abul sbaic, yu'un ja' no'ox tstsob li svocol stuquique.

Jeremías 23:14

Li j'alc'opetic ta Jerusalene chquil noxtoc ti toj ven chopol c'usitic tspasique; yu'un ta xmulivajic, puru epalc'op tspasic, yo'to tstsatsubtasbeic yo'nton li boch'o chopolique, yu'un jech mu me scomtsanic li smulique. Ja' xa jech chquilic scotolic c'alal ta jnaclumetic jech chac c'u cha'al lum Sodoma xchi'uc lum Gomorra.

Jeremías 26:23

Ja' ay yiq'uic sutel tal li Uriase; te vul yac'beic ta sc'ob li ajvalil Joacime. Li Joacime la smil; te no'ox bat yac' ta muquel ta coman muquinaltic yu'unic”, xiic li moletique.

Ezequiel 16:46

Li sba avixe ja' li Samaria te oy ta stuq'uil nortee xchi'uc scotol li yalabtaque; li muquil avixe ja' li Sodoma te oy ta stuq'uil sure xchi'uc scotol li yalabtaque.

Ezequiel 16:49

Li avix Sodoma xchi'uc li yalabtac ta spat xocone ja' jech li smul la sa'e: Jtoyba, epal ve'lil oy yu'un, xcuxet no'ox yo'nton ta sventa ti ep c'usitic oy yu'une, pero mu'yuc la xc'uxubin li me'onetique xchi'uc li boch'otic oy svocolique.

Ezequiel 23:19

Solel toj ech'em ibat spasel yu'un li mulile; ja' la svules ta sjol ti c'u ono'ox x'elan la spas ta stsebal te ta Egiptoe,

Ezequiel 23:27

Ta jpajes li c'usi tsc'an abec'tale xchi'uc li muliletic laj apas te ta Egiptoe, jech mu'yuc xa bu chlic t'abuc batel ta avo'nton; mu'yuc xa bu chana' batel yan velta li Egiptoe.

Ezequiel 23:3

Li chib antsetic le'e imulivajic te ta Egipto, ta stsebalic ono'ox jech la spasic tal. Te laj yich'ic volilanbel xchu'ic; te ich'ay o stsebalic.

Ezequiel 23:8

Muc scomtsan li mulivajel ti laj ono'ox spas te ta Egiptoe, yu'un ta stsebal ono'ox laj yac' sba. Lec laj yac' ta c'upinel li xchu'e; solel laj yac' sbec'tal o ta mulivajel.

Ezequiel 37:11

Jech lic yalbun li Muc'ul Diose: “Xnich'on cristiano, li taqui-baquetic le'e, ja' li jun lum Israele. Jech chalic: ‘Itaquijan xa o li jbaquiltique; ich'ay xa batel li smuc'ul co'ntontique, lajemutic o jcotoltic’, xiic.

Amós 4:11

“Laj cac'boxuc tsots vocol jech chac c'u cha'al la jpasbe li lum Sodoma xchi'uc Gomorrae. Ja' xa jech lacomic jech chac c'u cha'al xupetc'oc' ti loq'uesbil ta c'oq'ue, pero muc ono'ox xasutic o tal ta jtojol”, xi li Muc'ul Diose.

San Mateo 10:15

Melel li c'usi chacalboxuque, c'alal tsta yorail chac' stojol mulil li Diose, ja' ech'em tsots stojol smul ta xich' li lum le'e. Ja' jutuc no'ox stojol smul ta xich'ic li lum Sodoma xchi'uc li lum Gomorra ta vo'onee.,

Hechos 9:4

Iyal ta lum. Te laj ya'ay ic'opanat: “Saulo, Saulo, ¿c'u yu'un chavuts'intaun?”, x'utat.

Hebreos 13:12

Ja' no'ox jech ec li Jesuse, c'alal la xch'aybe smul ta xch'ich'al li steclumale, ta pat lum to ay yich' milel.

Hebreos 6:6

me chlic yalicuc ta lume, mu xa xu' tsutic tal ta stojol Dios yan velta. Yu'un xco'laj xchi'uc chaq'uic ta joc'anel ta cruz yan velta li Xnich'on Diose, xchi'uc chaq'uic ta labanel noxtoc.

2 Pedro 2:6

Jech noxtoc li Diose laj yac'be stoj smul li cristianoetic te ta lum Sodoma xchi'uc ta lum Gomorrae. La xchic' ta c'oc'; stanil xa icomic o. Ja' sq'uelubil icom ta sventa li boch'o toj chopol c'usitic ta spasique.

Judas 1:7

Ja' jech ipasbatic noxtoc li cristianoetic ta lum Sodoma xchi'uc ta lum Gomorrae xchi'uc ta lumetic ti te nopolique, yu'un solel laj yac' sbaic o ta spasel c'usi tsc'an sbec'talic ti mu xa jechuc sc'oplal ta pasele. Ja' yu'un te xa tstoj smulic o ta c'oc' sbatel osil. Ja' bijubtasel icom ta sventa scotol li yantique.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 11:9

Li chibique o'lol xchanibal c'ac'al te chq'uelbat sbec'talic yu'un scotol cristianoetic ta jujun lum, ta jujuchop sts'unubalic, ta jujuchop sc'opic, xchi'uc ta jujun banamil. Mu xaq'uic ti ac'o mucbatuc li sbec'talique.

Apocalipsis 14:20

Laj yich' pech'el ta teq'uel te ta pat lum, pero puru ch'ich' iloc'. La sta c'alal to ta sfreno li ca'etique. Oxib ciento (300) kilómetro ixanov batel ta banamil li ch'ich'e.

Apocalipsis 14:8

Ital chi'inatuc yu'un xchibal j'almantal, jech c'ot yal: “Ilom xa, ilom xa li Babiloniae, ja' li muc'ta lume. Ja' ti laj yac'be yuch' pox scotol cristianoetic ta jujun banamile, ja' li c'usitic chopol tsc'an sbec'tal ti chac' licuc sc'ac'al yo'nton Diose”, xi.

Apocalipsis 16:19

Li muc'ta lume ijav ta oxvoc'. Li muc'tic lumetic ta jujun banamile iloman noxtoc. Li Diose muc xch'ay ta yo'nton li muc'ta lum Babilonia ti tsc'an chac'be yuch' li bis ti nojem ta sc'ac'al yo'ntone.

Apocalipsis 17:1

Ital sc'opanun jun li vucub j'almantaletic yich'oj jujun stazaique, jech laj yalbun: “La', chacac'bot avil c'u x'elan tstoj smul li me' jmulavil ants te chotol ta sba epal vo'e.

Apocalipsis 17:18

Li ants laj avile ja' senyail li muc'ta lum ti tspas ta mantal scotol ajvaliletic ta banamile”, xiyutun li j'almantale.

Apocalipsis 17:5

Ts'ibabil jun biil ta sti'ba ti mu xca'ibetic smelole, jech chal: “Vu'un muc'ta lum Babiloniaun, vu'un sme'un li jmulavil antsetique, xchi'uc scotol li c'usitic toj chopol chil Dios li' ta banamile”, xi ts'ibabil.

Apocalipsis 18:10

Ta nom xa no'ox va'al tsq'uelic tal ta scoj xi'elal li stsatsal svocole, jech chalic: “¡Ay, ay! ¡Lalaj xa un, muc'ta lum! Vo'ot li muc'ta lum Babiloniaot ti toj ech'em xu' avu'une, ta jun no'ox ora ital lajel chamel ta atojol”, xiic.

Apocalipsis 18:18

X'avetic no'ox ta scoj ti bats'i yan sba xch'ayilal chc'ac' li muc'ta lume, jech chalic: “Mu'yuc yan lum jech chac c'u cha'al li muc'ta lume”, xiic.

Apocalipsis 18:2

Tsots i'avan, jech laj yal: “Ivuc' xa, ivuc' xa li muc'ta lum Babiloniae. Ic'ataj xa ta sna pucujetic li slumale. Ja' xa te tstsob sbaic batel li pucujetic ti toj chopolique; ja' yavilic chc'ot li pucujil mutetic chalique.

Apocalipsis 18:21

Oy jun j'almantal ech'em svu'el la stam jbej ton. Ja' jech smuc'ul jech chac c'u cha'al muc'ta cho'. Yipal la sjip ochel ta nab, jech laj yal: “Ja' jech yipal chavich' jipel batel, vo'ot muc'ta lum Babilonia, j'ech'el mu'yuc xa bu boch'o chayilot o.

Apocalipsis 18:24

Ta lum le'e ja' te laj yich' tabel xch'ich'al li j'alc'opetique, li boch'otic voc'bilic yu'un Diose, xchi'uc scotol li boch'otic laj yich'ic milel li' ta banamile.