Apocalipsis 11:5 - Bible in Tzotzil de Chenalhó with Deuterocanon

⁵ Me oy boch'o tsc'an chuts'intaic li chibique, chloc' c'oc' ta yeic, ta xchic' li yajcontraique. Me oy boch'o tsc'an c'usi chopol tspasbeique, persa ta xchamic noxtoc.

Tzotzil Zinacantan

⁵ Mi oy bu tstaic ilbajinel li chaꞌvoꞌe, ta xlocꞌ tal cꞌocꞌ ta yeic. Jaꞌ ta xchicꞌ o li muchꞌutic ta xꞌilbajinvane, tey ta xchamic ta ora.

Bible in Tzotzil de Chamula

⁵ Mi oy c'usi chopol sc'an ta spasbat yu'un ti jnaclejetic ta banomile, ta sloq'uesic c'oc' ta yeic yo' ta xc'aq'uic ta j'ech'el yu'un ti scontrae. Jech ta xchamic ti buch'utic oy c'usi chopol ta sc'an ta spasbeic ya'iique.

Tzotzil San Andres

⁵ Mi oy buchꞌu ta scꞌan ta xꞌilbajinatic li chaꞌvoꞌique, ta xlocꞌ cꞌocꞌ ta yeic jech xuꞌ yuꞌunic ta schiqꞌuic li yajcontraique. Te noꞌox chlajic ta ora li buchꞌutic ta xꞌilbajinvanique.

Tzotzil de Huixtán

⁵ Mi oy much'u sc'an chilbajin ti cha'vo'ique, chloc' c'oc' ti yeic. Hech tsmilic ti yajcontraique. Hech tsmilic ti much'u sc'an ch-ilbajinat yu'une.

Apocalipsis 11:5 Iomraidhean Croise

Salmos 18:8

Yu'un xco'laj xchi'uc iloc' ch'ayil ta sni'; ja'o iloc' c'oc' ta ye ti chchic'vane, ja'o iloc' tsanajtic ac'al ta ye.

Isaías 11:4

Tuc' ta xchapan li boch'otic mu sna' spoj sbaique; ja' chal c'u x'elan lec chcom li boch'otic abul sbaique. Ta stsatsal sc'op no'ox chac'be stoj smul li cristianoetic ta banamile; ta yic'al ye no'ox tsmil li boch'o chopolique.

Jeremías 1:10

Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Jeremías 5:14

Ja' yu'un jech chal li Muc'ul Dios ti tspas ta mantal scotol te ta vinajele: “Ta sventa ti jech chc'opojic ta jtojole, ta xcac'bot ta ave li jc'ope; ja' jech chc'ot jech chac c'u cha'al c'oc'. Li achi'iltaque ja' jech chc'otic jech chac c'u cha'al si'; ja' ta xchic'atic o yu'un li c'oq'ue”, xi.

Ezequiel 43:3

Ti c'u x'elan laj quile ja' co'ol jech chac c'u cha'al laj quil ono'ox ta jch'ulel c'alal laj cal ti chich' jinesel li Jerusalene. Xchi'uc ja' co'ol jech chac c'u cha'al laj quil ta ti' uc'um Quebare. Jech la jquejan jpatan jba ta banamil.

Oseas 6:5

Ja' yu'un biq'uitic la jlilinoxuc ya'yel ta sventa c'usi laj yal li j'alc'opetic cu'une, la jmiloxuc ta sventa li c'usi laj cale. Li chapanel cu'une xleblej no'ox tal ta atojolic jech chac c'u cha'al sacsevul.

Zacarías 1:6

Pero li jc'op xchi'uc li jmantaltac laj calbeic li cajtuneltac, ja' li j'alc'opetique, ic'ot ono'ox ta stojol li amoltot ayame'ique, jech isutic tal ta jtojol. La sna'ic ti vu'un Muc'ul Diosune, ti ja' jech la jpasbeic jech chac c'u cha'al stojol tsc'an li yabtelique xchi'uc li c'usitic la spasique’, uto”, xi li Muc'ul Diose.

Zacarías 2:8

Li Muc'ul Dios ti tspas ta mantal scotol te ta vinajele la stacun tal ta sventa tal calbe c'usi chc'ot ta pasel ta stojolic li muc'tic lum ti la spojboxuc c'usitic oy avu'unique, jech chal li Muc'ul Diose: “Boch'ouc no'ox ta xuts'inta li jteclumale, ja' ta xuts'intabun o li yuninal jsate. Ja' yu'un vu'un jtuc ta xcac' jc'ob ta stojol li jujun banamil le'e, jech smozo xa no'ox stuquic ta xpojbat c'usitic oy yu'unic”, xi. Xchi'uc jech chana'ic o ti ja' la stacun tal li Muc'ul Dios ti tspas ta mantal scotol te ta vinajele.

Apocalipsis 13:13

Jech noxtoc la spas muc'tic sq'uelubiltac. Xchi'uc ivu' yu'un laj yac' yaluc tal c'oc' ta vinajel te ta sat li cristianoetique.

Apocalipsis 9:17

Li ca'etique xchi'uc li boch'otic cajajtic laj quil ta jch'ulele oy smac yo'ntonic, tsoj jech chac c'u cha'al c'oc'. Ja' jech sbon jech chac c'u cha'al zafiro ton xchi'uc azufre. Li sjol sca'ique xco'laj xchi'uc sjol león. Chloc' c'oc' xchi'uc ch'ayil xchi'uc azufre ta yeic.