Apocalipsis 11:4 - Bible in Tzotzil de Chenalhó with Deuterocanon

⁴ Li chib testigo le'e ja' jechic jech chac c'u cha'al cha'pets oliva, xchi'uc ja' jechic jech chac c'u cha'al chib candelero ti te oy ta stojol li Dios ti sventainoj sbejel banamile.

Tzotzil Zinacantan

⁴ Li chaꞌtecꞌ olivae xchiꞌuc li chib candeleroe ti tey ta yichon Riox ti scuentainoj sjunlej balamile, jaꞌ seña li chaꞌvoꞌ ti chalic cꞌusi iꞌalbatic yuꞌun ti Rioxe.

Bible in Tzotzil de Chamula

⁴ Ti cha'vo' rextico taje, ja' sc'oplal ti cha'tec' olivo te'e, xchi'uc ti chib yav cantila oy ta stojol ti Ch'ul Yajval banomile.

Tzotzil San Andres

⁴ Li chaꞌtecꞌ oliva schiꞌuc li chib cuxanobil cantela li te oy ta stojol li Diose ti jaꞌ sventainoj spꞌejel balumile, jaꞌ senyail li chaꞌvoꞌic ti chalic li cꞌusi albilic yuꞌun li Diose.

Tzotzil de Huixtán

⁴ Ti cha'vo'ique ja' hech chaj c'u che'el cha'tec' oliva-te', ja' hech chaj c'u che'el chib candelero ti te oyic ti stojol ti Diose, ja' ti Yajval scotol ti balumile.

Apocalipsis 11:4 Iomraidhean Croise

1 Reyes 17:1

Li j'alc'op Elías liquem ta Tisbe ta yosilal Galaade, jech laj yalbe li Acabe: “Chcal ta jamal ta stojol Muc'ul Dios, ja' li Dios yu'un Israel ti chitun yu'une, mu'yuc ta xac' vo', xchi'uc mu'yuc ta xyal job osil li jabil li'i, ja' to me laj cal ti chtale”, xut.

Salmos 52:8

Yan li vu'une ja' jechun jech chac c'u cha'al oliva te' te ta xch'ulna Dios ti lec yoxe; yu'un ja' no'ox la jpat co'nton o yu'un li slequil yo'nton Diose.

Éxodo 8:22

C'alal me ic'ot ta pasel le'e, ta jvoc' comel li yosilal Gosene, yu'un ja' te nacalic li jteclum cu'une. Me jcotuc xcoch mu'yuc chvinaj te, jech chana' o ti vu'un Muc'ul Diosun; li' oyun ta avosilalique.

Isaías 54:5

Li amalal c'oteme, ja' li Boch'o la spasote, ja' Muc'ul Dios ech'em svu'el xi sbi. Li Jpojvanej avu'une ja' Ch'ul Dios yu'un Israel, Dios yu'un sbejel banamil xi sbi.

Jeremías 11:16

Ja' to'ox jech sbi cu'un: Yaxal oliva, toj lec c'upil sba c'otem xchi'uc sat, xi to'ox sbi cu'un. Pero li' ta orae ta stsatsal chauc ta jchic'; ta jc'asanbe scotol li sc'obc'obe.

Miqueas 4:13

“Lum Sión, lican me, tec'o li trigo jech chac c'u cha'al tspas li vacaxe, yu'un li axulube ta xcac' c'otuc jech chac c'u cha'al tsatsal taq'uin; li avoye ta xcac' c'otuc jech chac c'u cha'al bronce, jech chlic aju' ta teq'uel ep lumetic. Li c'usitic chapoje chavoc' sventa chavac'bun ta jtojol, vu'un li Muc'ul Diosune; li sc'ulejalique ja' cu'un o chc'ot, vu'un li Ajvalilun ta sbejel banamile”, xi li Diose.

San Lucas 11:33

“Li boch'o ta stsan candile, mu'yuc ta snac', mu'yuc ta snujmaqui ta anmul. Ja' ta xvuchan lec ta xvuchanubil, yu'un jech chilic osil scotol li boch'otic ta x'ochic tale.

San Lucas 21:36

Viq'uiluc me asatic cha'e; c'anbeic vocol Dios scotol c'ac'al ti ac'o cuchuc avu'unic scotol c'alal chc'ot ta pasel jech chac le'e. Jech lec va'al chacomic ta jtojol vu'un ti Xnich'on cristiano lic'ote”, xi li Jesuse.

Romanos 11:17

Pero me oy ic'ot ta pasel laj yich' jecbel loq'uel jayjecuc sc'obe, me vo'ot te laj avich' nabanel ta yav, vo'ot li sc'obot te'tical olivae, me laj xa avibelin, me laj xa ats'ac aba achi'uque,

Deuteronomio 10:8

Ja'o yorail lic t'ujaticuc yu'un Dios li smomnich'nabtac Levie, yu'un ja' chich'beic batel li xcaxail smantal Muc'ul Diose, xchi'uc ja' te chcomic o ta stojol, ja' te chtunic o, xchi'uc ja' yabtel chaq'uic bendición ta sventa Muc'ul Dios cu'untic jech chac c'u cha'al tspasic li' ta orae.

Apocalipsis 1:20

Li vucub c'anal jtsacoj ta jbats'ic'ob laj avile xchi'uc li vucub candelero pasbil ta c'anal taq'uine, ja' jech smelol chac li'i: Li vucub c'anale ja' li j'almantal ta jujutsob jch'unolajeletic ta vucub lume. Li vucub candeleroe ja' li vuctsob jch'unolajeletique”, xiyutun li Cajvaltique.