Apocalipsis 11:3 - Bible in Tzotzil de Chenalhó with Deuterocanon

³ Pero ta jtac batel chib testigo cu'un; chbat xcholic jc'op o'lol xchanibal jabil. Ja' tslapic li c'u'il ti c'ux ta lapele”, xiyutun.

Tzotzil Zinacantan

³ Jaꞌo ta jtac echꞌel chaꞌvoꞌ ti chba yalic li cꞌusi ta xcalbeique. Oxib jabil xchiꞌuc oꞌlol tey ch-albat lachiꞌiltac ta israelale. Li chaꞌvoꞌ ta jtac echꞌele jalbil tsatsal chivo scꞌuꞌic ti chꞌixaltic ta lapele. Jaꞌ seña ti chat o yoꞌonic li cꞌusitic chopol ta spas lachiꞌiltac ta israelale ―xiyut.

Bible in Tzotzil de Chamula

³ Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”

Tzotzil San Andres

³ Jaꞌ o ta jtac ba chaꞌvoꞌ, jaꞌ chba yalic li cꞌusi ta xcalbeique. Oꞌlol schanibal jabil te ch‐albatic la achiꞌiltac ta israelale. Li chaꞌvoꞌ li ta jtac batele jalbil tsotsil tentsun ta slapic ti chꞌixaltic ta lapele. Jaꞌ svinajeb ti acꞌo yictaic li cꞌustic chopol ta spasic la achiꞌiltac ta israelale ―xiyut.

Tzotzil de Huixtán

³ Ti jtac batel cha'vo'ic. Te chc'otic ti Jerusalén yu'un chc'o yalbe ti achi'iltaque, ho'oxuc ti judiooxuque, ti c'usi jc'an xcalbee. Slapojic ic'al poc' chanavic batel, ja' señail ti ac'o sutes yo'ntonic yu'un ti smulique ti achi'iltaque. Ti cha'vo'ique hal chchol ti jc'ope. Ja' chchol o'lol xchanibal habil ―xiyutun.

Apocalipsis 11:3 Iomraidhean Croise

Génesis 37:34

Jech te la sli' sc'u' li Jacobe; la slap c'u'il sventa me'nal ti ch'ixlajan ta lapele. Ep c'ac'al laj yoc'ta, laj yat yo'nton ta sventa ti icham li xnich'one.

2 Samuel 3:31

Li Davide jech lic yalbe li Joabe xchi'uc scotol li israeletic te xchi'inoje: “Li'o ac'u'ic, lapic c'u'il sventa me'nal ti ch'ixlajan ta lapele; ato avo'ntonic ta sventa ti icham li Abnere”, xut. Li ajvalil Davide ja' te nabal batel ta scajonal li Abnere,

1 Reyes 21:27

C'alal laj ya'ay li Acabe, la sli' sc'u', lic slap c'u'il sventa at-o'nton ti ch'ixlajan ta lapele; laj yicta yixim noxtoc. Ja' jech slapoj o ivay; bats'i toj biq'uit laj yac' sba.

2 Reyes 19:1

C'alal laj ya'ay li ajvalil Ezequiase, la sli' sc'u', yu'un toj vocol laj ya'ay. Lic slap c'u'il sventa at-o'nton ti ch'ixlajan ta lapele; te ibat ta xch'ulna Muc'ul Dios.

1 Crónicas 21:16

C'alal la stoy sat li Davide, laj yil ti te oy ta o'lol vinajel li j'almantale, stsacoj jun espada loq'uem xa ta sna; te xbechoj batel ta sba li lum Jerusalene yu'un ja' tsmil o. Ja' yu'un li David xchi'uc banquilaletique la spatan sbaic ta banamil, slapojic c'u'il sventa at-o'nton ti ch'ixlajan ta lapele.

Nehemías 9:1

Ta chanib xcha'vinic (24) c'ac'al yochel li svucubal ue, la stsob sba scotol li israeletique; laj yictaic ixim; la slapic c'u'il sventa at-o'nton, xchi'uc laj yac' ts'u'ilum ta sjolic.

Job 16:15

“Toj c'ux jvocol laj ca'ay, la jlap c'u'il ti ch'ixlajan ta lapele; la jmuc ta pucuctic li jole.

Salmos 69:11

La jlap c'u'il sventa vocol ti ch'ixlajan ta lapele, pero ja' no'ox xvochetic ta jtse'intael.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Jeremías 1:10

Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Lamentaciones 2:10

Li banquilaletic ta Sione ch'an xi te chotajtic ta banamil; chaq'uic ts'u'ilum ta sjolic, tslapic c'u'il sventa at-o'nton. Li stsebetic te ta Jerusalene tsnijan sbaic yalel c'alal ta banamil.

Ezequiel 4:6

C'alal tsts'aqui jech yepal c'ac'ale, xlic amochan aba ta bats'ic'ob. Yu'un vo'ot chacuchbe smul noxtoc li achi'iltac te ta Judae. Ja' cha'vinic (40) c'ac'al ta tojel; jun c'ac'al sventa jujun jabil noxtoc.

Daniel 12:7

Li boch'o te va'al ta ba uc'ume la stoy muyel xchibal sc'ob ta vinajel, jech laj yal ta jamal ta stojol li Dios ti cuxul o sbatel osile: ‘Ta o'lol xchanibal jabil, ja'o c'alal chlaj sc'oplalic ta tsatsal uts'intael li yu'untac Diose, ja'o ta xc'ot ta pasel scotol’, xi.

Daniel 7:25

Chlic chopolc'opojuc ta stojol li Boch'o te oy ta vinajele; ta xlic yac'be svocol li xnich'nabtac Diose. Tsc'an ta sjel li mantaletic yu'un Diose xchi'uc li c'usitic ora chcux yo'ntonic sventa chich'ic ta muc' Diose. Li xnich'nabtac Diose ta x'och ta sc'ob o'lol xchanibal jabil.

Daniel 8:14

Jech la stac' li yane: ‘Ja' to me la sta cha'mil xchi'uc oxib ciento (2,300) c'ac'ale. Jech lecubtasbil xa chcom o li ch'ulnae’, xi.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Jonás 3:5

Li cristianoetic ta lum Ninivee la xch'unic c'usi laj yal li Diose, jech lic yictaic ixim ta sjunul slumalic, xchi'uc la slapic c'u'il sventa at-o'nton ti c'ux ta lapele. C'alal ta biq'uit ta muc' la slapic.

Jonás 3:8

Ja' xa no'ox ac'o jlaptic c'u'il sventa at-o'nton ti c'ux ta lapele; c'alal ta jts'unub covoltic tsots xa'oq'uic ta stojol li Diose. Comtsanic li chopol be atamojic jujunoxuque xchi'uc scotol li tsatsal uts'intael chapasique.

Números 11:26

Oy chib viniquetic laj yich'ic t'ujel loq'uel ta stojol li lajuneb xchanvinique (70). Ja' Eldad sbi li june. Li yane ja' Medad sbi. Li chibic le'e muc xbatic te ta ch'ulna pasbil ta nucul, te no'ox icom ta scarpanaic. Pero ac'o me te no'ox icomic, laj ono'ox yich'ic ec li espiritue, jech lic c'opojicuc jech chac c'u cha'al j'alc'opetic te ta scarpanaic ec.

San Mateo 11:21

“¡Toj abul aba, lum Corazín! ¡Toj abul aba, lum Betsaida! Ti lajuc yilic la jpas sq'uelubil jtsatsal ec li yanlum cristianoetic te nacajtic ta lum Tiro xchi'uc ta lum Sidón ta vo'one jech chac c'u cha'al laj avilic la jpas li' ta atojolic li vo'oxuque, la sutes yo'ntonic yu'un smulic, la slapic c'u'il sventa at-o'nton, xchi'uc la sbon sbaic ta tanil c'oc' ti jechuque.

San Mateo 18:16

Yan me mu sc'an xa'ibot ac'ope, ic'o batel jun chibuc achi'il, yu'un ja' testigo chc'otic ta sventa li c'usi chavalique.

San Lucas 10:13

“¡Toj abul aba, lum Corazín! ¡Toj abul aba lum Betsaida! Ti lajuc yilic la jpas sq'uelubil jtsatsal ec li yanlum cristianoetic ta lum Tiro xchi'uc ta lum Sidón jech chac c'u cha'al laj avilic li vo'oxuque, la slapic ch'ixlajan c'u'il sventa at-o'ntonal, xchi'uc la xchotan sbaic ta tantic, la sutes yo'nton yu'un smulic ti jechuque.

San Lucas 24:48

Vo'oxuc testigooxuc chacomic ta sventa scotol le'e.

San Juan 15:27

Jech ec li vo'oxuque chavalbicun jc'oplal, yu'un laj achi'inicun tal c'alal to ta sliqueb.

San Juan 3:27

Itac'ov li Juane: —Mu xu' chich' yabtel jun cristiano me muc ac'biluc yu'un li boch'o oy ta toyole.

Hechos 1:8

Pero c'alal me laj avich'ic li Ch'ul Espiritue, chavich'ic avu'el atsatsalic. Jech vo'oxuc chavalic batel li' ta lum Jerusalén, xchi'uc ta yosilal Judea, xchi'uc ta Samaria banamil, xchi'uc ta sbejel banamil li c'usi laj avilic ta jventae —xi li Jesuse.

Hechos 13:31

Ep c'ac'al laj yac' sba ta ilel ta stojol li boch'otic la xchi'inic totsel ta Galilea c'alal ta Jerusalene. Ja' yu'un li' ta orae ja' xa testigoetic ic'otic ta stojol li jchi'iltactique.

Hechos 2:32

Le'e ja' sc'oplal li Jesús ti icha'cuxesat yu'un Diose; vu'uncutic laj quilcutic jcotolcutic.

Hechos 3:15

Ja' laj amilic li J'ac'cuxlejale. Pero icha'cuxesat loq'uel ta smuquinal yu'un Dios. Vu'uncutic laj quil jtuccutic ti ja' melele.

1 Corintios 12:28

Ja' yu'un ta jujutsob jch'unolajeletique li Diose la sva'an boch'o chtun ta stojolic. Li sbae ja' li yajtacbolaltac Jesuse. Li xchibale ja' li boch'otic chalic c'usi ch-ac'bat sna'ic yu'un Diose. Li yoxibale ja' li jchanubtasvanejetique. Ja'o te xtal li boch'otic tspasbeic sq'uelubil stsatsal Diose, xchi'uc li boch'otic tscoltaic jchameletique, xchi'uc li boch'otic chcoltavanic ta c'usiuc no'ox tsc'an pasele, xchi'uc li boch'otic chventainvanique, xchi'uc li boch'otic ja' smotonic chc'opojic ta yantic c'ope.

2 Corintios 13:1

Li'i ja' xa yoxibal velta ti chtal jq'ueloxuque. Li c'op tsc'an chapanele, ta chib oxib testigo no'ox xu' chchapaj.

Efesios 4:11

Ja' laj yac'be yabtel jujun li xnich'nabe. Oy laj yac'be yabtel sventa chc'ot ta yajtacbolal, oy la stic' ta j'alc'opetic, oy laj yac'be yabtel sventa tspuquic batel sc'op Dios, oy la stic' ta jchabivanejetic, xchi'uc ta jchanubtasvanejetic.

Deuteronomio 17:6

“Ja' to xu' chich' milel ta ton jun cristiano me oy chib oxib testigoe. Yan me jun no'ox testigoe, mu xu' chich' aq'uel ta milel.

Deuteronomio 19:15

“Me jun no'ox testigo chal ti oy smul jun xchi'ile, mu xu' o, yu'un mu xvinaj lec me melel oy smul li boch'o tstic'be smule. Ja' to xu' chich' ch'unel me oy chib oxib testigo chtal yalique.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 11:2

Yan li yamaq'uil ta spate mu me xatsac ta bisel, yu'un cac'ojbe xa ta sc'ob yanlum cristianoetic. O'lol xchanibal jabil chtal xpech'ilanic ta teq'uel li ch'ul lume.

Apocalipsis 11:6

Li chibique ac'bil svu'elic sventa tsmaquic li vinajele, yu'un jech mu xac' vo' ti c'alal ja'o chcholic c'usi albilic yu'un Diose. Xchi'uc oy svu'elic sventa tsc'atajesic ta ch'ich' li vo'etique, xchi'uc xu' yu'unic ta xac' tsaqueicuc ta tsatsal chamel li cristianoetic ta banamile, ja' ti jayib velta tsc'an tspasic jeche.

Apocalipsis 12:6

Yan li antse ijatov batel ta xocol banamil yo' bu chapanbil yavil yu'un Diose. Te chich' mac'linel o'lol xchanibal jabil.

Apocalipsis 13:5

Jech noxtoc ijambat ye yu'un ac'o yal c'usitic toj tsotsic, xchi'uc ac'o chopol c'opojuc ta stojol Dios. Xchi'uc i'ac'bat yabtel yu'un ac'o spas mantal o'lol xchanibal jabil.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.