Apocalipsis 11:19 - Bible in Tzotzil de Chenalhó with Deuterocanon

¹⁹ Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Tzotzil Zinacantan

¹⁹ Jaꞌo ijam iquil li stemplo Riox ta vinajele. Iquil li scaxail smantal Riox ta yut temploe. Iquil sactsevul. Oy cꞌusi tsots xjumumet. Iꞌavan tajmec chavuc. Iꞌechꞌ tsots niquel. Tsots iyacꞌ mucꞌtic bot.

Bible in Tzotzil de Chamula

¹⁹ Va'i un, jam xch'ulna ti Dios oy ta vinajele. Ti ta ch'ulnae, xvinaj xcaxail ti tratee. Ta jech to yepal xjaplajet liquel ti sac tsele, ti yech'omal eile, ti xvo'o'et no'ox liquele, ti xc'avlajet no'ox liquel ti chauque, ti lic tsots niquele, ti mu no'ox albajuc tal ti bote.

Tzotzil San Andres

¹⁹ Ta ora iquil ijam li chꞌulna yuꞌun Dios li ta vinajele. Iquil li scaxail smantal Dios li te oy ta yut li chꞌulnae. Schiꞌuc xleblajet noꞌox chauc. Schiꞌuc oy cꞌustic yan tsots inic. Schiꞌuc iꞌavan chauc. Schiꞌuc tsots inic scotol li cꞌustic oye. Schiꞌuc ital ep mucꞌtic bot.

Tzotzil de Huixtán

¹⁹ Ti ora ijam ti templo yu'un ti Diose te ti vinajel laj quil. Te ivinaj ti yut templo ti arca yu'un ti tratoe. Chleblej tselov. Oy c'usi tsots chc'opoj. Ch-avan chavuc. Inic scotol. Ep muc'ta bot ital.

Apocalipsis 11:19 Iomraidhean Croise

Salmos 105:32

Mu x'ac'batic yalel tal vo', puru bot i'ac'batic, xchi'uc ta puru chauc ilaj li yosilalique.

Salmos 18:12

Oy c'usi xleblej loq'uel ta stojol jech chac c'u cha'al sacsevul; iloc' tal ep bot ta toquetic xchi'uc iloc' tsanajtic ac'aletic.

Isaías 28:2

Pero li Muc'ul Diose tstac tal jun boch'o ech'em xu' yu'un. Ja' jech yip jech chac c'u cha'al c'alal chtal epal bot; ja' jech chac c'u cha'al sutub ic' ti ep c'usi tsoquese; ja' jech chac c'u cha'al yip tsatsal chauquil vo' ti chmuc banamil yu'une. Ta sc'ob no'ox chjach'u ta banamil.

Isaías 30:30

Li Muc'ul Diose chac' ta a'yel li sc'op ti toj ech'em stsatsale, xchi'uc ta sc'ac'al yo'nton, ta yat c'oc', ta epal chauc, ta muc'ta sutub ic', ta chauquil vo', xchi'uc ta muc'tic bot chac' ta ilel li smuc'ul stsatsale.

Isaías 32:19

Ac'o me ch-ul ta bot li muc'tic te'e, ac'o me lilijem chcom li jlumale,

Ezequiel 13:11

Li boch'o tsbon ta tan li spac'benal nae, albo ti ta ono'ox xvuc' yalele, yu'un ta xtal tsots ic'al vo'; ta jtac tal bot jech chac c'u cha'al ton; ta x'ech' vuq'uesatuc ta muc'ta tsatsal ic'.

Ezequiel 13:13

Yu'un jech caloj vu'un li Muc'ul Diosune: Ta jvuq'ues ta sc'ac'al co'nton, ta jvuq'ues ta tsatsal chauquil vo'. Ta jtac tal tsots ic'al vo', xchi'uc muc'tic bot jech chac c'u cha'al ton; ta slomes o scotol.

Ezequiel 38:22

Vu'un ta xcac'be stoj smulic ta tsatsal chamel xchi'uc ta milel. Jech noxtoc ta jcocanbeic yalel tal muc'tic bot, xchi'uc c'oc', xchi'uc azufre. Ja' jech chvul ta stojolic jech chac c'u cha'al tsatsal ic'al vo'. Cht'ab scotol li epal soldadoetique xchi'uc li epal cristianoetic liquemic tal ta epal lum te xchi'inoj batele.

Números 10:33

Jech itotsic batel te ta vits yu'un Muc'ul Dios; oxib c'ac'al ixanovic batel. Li xcaxail smantal Diose ja' ba'yucbe ibat yu'unic. Te la sa'ilanic batel bu banamilal xu' ta xcux yo'ntonic, yu'un jech xu' te ta spas scarpanaic.

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 4:5

C'alal me oy chc'ot yorail chanovic batel yan velta li achi'iltaque, li Aarón xchi'uc xnich'nabe ja' tsloq'uesic li velo ti macbil o li bats'i lequil ch'ul cuartoe. Ja' ta xpixic o li xcaxail jmantale.

Josué 10:11

C'alal ja'o chjatovic batel ta anil yu'un israeletic te ta yalubaltic Bet-horone, li Muc'ul Diose la sjipbe yalel tal muc'tic bot ta sbaic xco'laj xchi'uc muc'tic ton. Ja' to toj ep ichamic; ja' mu sta jech yepal la smilic ta espada li israeletique.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 12:1

Laj quil noxtoc jun tsots senyail ta vinajel. Ja' jun ants ti slapoj li c'ac'ale; ja' stec'oj li ue. Oy scoronail sjol yich'oj lajcha'bej c'analetic.

Apocalipsis 16:1

Laj ca'ay oy boch'o tsots chc'opoj tal ta ch'ulna ta vinajel, jech laj yalbe li vucub j'almantaletique: “Bat malic ta banamil sbel li vucub taza avich'ojique, ja' li sc'ac'al yo'nton Diose”, x'utatic.

Apocalipsis 16:18

Jech iloc' ep sacsevul, xchi'uc oy c'usi tsots ibac', xchi'uc ibac' ep chauc, xchi'uc tsots inic sbejel banamil. Mu'yuc ono'ox baq'uin jech stsatsal xnic banamil ti c'alal lic ayinuc li cristianoetique.

Apocalipsis 16:21

Xchi'uc ital muc'tic bot ta stojol li cristianoetique, ech'em ta cha'vinic (40) kilo yalal jujubej. Li cristianoetique ep ichopolc'opojic ta stojol Dios ta sventa ti ital li muc'tic bote. Yu'un toj ech'em tsots li stojol smul i'ac'batique.

Apocalipsis 19:11

Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.

Apocalipsis 4:5

Ta muc'ta chotlebale te chloc' sacsevuletic, xchi'uc xc'ulet no'ox chauquetic. Ta yeloval li chotlebale oy vucub candil te tsanajtic; le'e ja' li vucub espíritu yu'un Diose.

Apocalipsis 7:15

“Ja' yu'un li' xa oyic o ta stojol li Dios li' chotol ta chotlebale. Ta c'ac'al ta ac'ubal li' chtunic yu'un Dios ta xch'ulna. Li Dios li' chotol ta xchotlebe smacoj batel ta xyaxinal scotolic.

Apocalipsis 8:5

Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.