Apocalipsis 11:15 - Bible in Tzotzil de Chenalhó with Deuterocanon

¹⁵ Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Tzotzil Zinacantan

¹⁵ Li svucvaꞌal anjele iyoqꞌuesin scorneta uc. Cꞌalal iyoqꞌuesine, oy muchꞌutic iꞌavanic ta vinajel. Ista xa yora chlocꞌ ta yabtelic li preserenteetic ta balamile. Jaꞌ xa tspas mantal li Rioxe xchiꞌuc li muchꞌu stꞌujoje ti scꞌoplal onox ta spas mantale. Jaꞌ ta spas mantal ta sbatel osil, xiic.

Bible in Tzotzil de Chamula

¹⁵ C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Tzotzil San Andres

¹⁵ Li sjucvaꞌal chꞌul ángele la sjupan eꞌuc li yoqꞌuese. Cꞌalal la sjupane, oy buchꞌutic tsots icꞌopojic ta vinajel. Jech laj yalic: Icꞌot xa scꞌacꞌalil chloqꞌuic ta pasmantal li mucꞌtic ajvaliletic ta balumile. Jaꞌ xa ch‐och ta pasmantal li Diose schiꞌuc li buchꞌu tꞌujbil yuꞌun ti albil onoꞌox scꞌoplal ti chventainvane. Jaꞌ ta spas mantal sbatel osil, xiic.

Tzotzil de Huixtán

¹⁵ Ti sucubal ch'ul abate lic yoq'uesan uc ti scornetae. Oy tsots ic'opojic ti vinajel. Hech laj yalic: Laj xa sta yorail ti ilaj xa yabtel ti totil ajvaliletic te ti balumile. Lic xa spas mantal ti balumil ti Diose xchi'uc ti much'u t'ujbil yu'une, ja' ti Cristoe. Ja' tspas mantal sbatel osil, xchiic.

Apocalipsis 11:15 Iomraidhean Croise

Salmos 110:4

Li c'usi laj yal ta jamal Muc'ul Diose, mu xa sutes sc'op o, jech laj yal: “Vo'ot cha'och ta paleal sbatel osil; ja' jech avabtel chavich' jech chac c'u cha'al li Melquisedeque”, xi.

Salmos 146:10

Sbatel osil ja' Ajvalil o stuc li Muc'ul Diose. Vo'ote Sión, li Dios avu'une ja' tspas mantal o ti jayc'ol cristianoetic chjelovic li' ta banamile. Coliyal Dios.

Salmos 2:2

Li ajvaliletic xchi'uc banquilaletic li' ta banamile tstoy sbaic; jmoj tsnopic ti tscontrainic li Muc'ul Diose xchi'uc li ajvalil st'ujoje.

Salmos 72:11

Ac'o squejan sbaic ta stojol scotol li yantic ajvaliletique; ac'o abtejicuc yu'un scotol li cristianoetic ta yantic banamile.

Salmos 82:8

Dios cu'un, la' me, la' chapano li cristianoetique, yu'un vo'ot avu'un scotol li muc'tiquil lumetique.

Salmos 86:9

Scotol li yajvaltac jujun muc'tiquil lum laj apase ta xlic talicuc ta atojol; chayich'icot ta muc', ta xalic alequilal, Cajval.

Éxodo 15:18

Li Muc'ul Diose ja' tspas mantal sbatel osil”, xi li q'ueoj la sq'uejintaique.

Isaías 27:13

Ja'o yorail chich' jupanel li muc'ta oq'uese, jech chlic talicuc scotol li boch'otic spucoj sbaic batel ta yosilal Asiriae, xchi'uc li boch'otic chucbilic batel ta Egipto banamile. Te chvul yich'ic ta muc' ta ch'ul vits li Muc'ul Diose, ja' li Jerusalene.

Isaías 44:23

Vinajel, avanan ta xcuxetel avo'nton ta sventa ti toj lec c'usi la spas li Muc'ul Diose; yutil banamil, avanan ta xcuxetel avo'nton. Muc'tic vitsetic, toyolal te'tic, xchi'uc yantic te'etic, cuxetuc no'ox avo'ntonic, albeic slequilal. Yu'un li Muc'ul Diose laj xa yac' ta ilel yutsilal slequilal; yu'un laj xa xcha'poj loq'uel tal li Jacobe, laj xa yac' ta ich'el ta muc' li Israele.

Isaías 55:5

A'yo ava'yic, vo'ot oy ta aventa chaviq'uic tal ep cristianoetic ti mu xavotquinique; ep cristianoetic mu xayotquinoxuc ch-anilajic tal ta atojolic. Ti jech chc'ot ta pasele, vu'un ta jventa, vu'un li Muc'ul Diosun avu'une; vu'un li Ch'ul Diosun yu'un Israele, yu'un chacac'ot ta ich'el ta muc'”, xi li Muc'ul Diose.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Jeremías 16:19

Muc'ul Dios, vo'ot jtsatsalot, vo'ot jchabivanejot cu'un; vo'ot jnac'ubbailot ti c'alal oy c'usi toj xi'bal sbae. Ta xtalic ta atojol scotol li yantic cristianoetic ta jujujot sti'il banamile, jech chayalboxuc: “Ta melel epalc'op no'ox c'usi la xch'unic li jmoltotaccutique; li diosetique altic no'ox, mu'yuc c'usi stu o.

Ezequiel 37:25

Te chlic naquiicuc o ta yosilalic ti bu laj ono'ox cac'be li cajtunel Jacob ta vo'onee, ja' ti bu inaquiic li amoltot ayame'ique. Te chlic naquiicuc o xchi'uc xnich'nabic xchi'uc smomnich'nabtaquic. Ja' banquilal chc'ot o yu'unic li smomnich'on cajtunel Davide.

Ezequiel 47:5

La sbis batel yan vo'ob cien (500) metro noxtoc. Li vo'e ipas xa'ox ta jun muc'ta uc'um; mu xa xtuch' cu'un. Yu'un inatub ta jyalel, mu xa stac' tuch'el; ja' xa no'ox xu' chich' tuch'el ta nux.

Daniel 7:14

Laj yich' ac'bel tsots yabtel; laj yich' ac'bel svu'el, xchi'uc laj yich' ac'bel spas mantal. Li cristianoetic ta jujun lum, ta jujun banamil, ta jujuchop c'ope te chtunic ta stojol. Li yabtel i'ac'bate mu xlaj sc'oplal o; li yabtel ta ajvalilale mu xu' chich' tuch'bel o.

Daniel 7:18

Ts'acal to chlic yich' yabtelic ta pasmantal xch'ul nich'nabtac li Boch'o te oy ta vinajele. Sbatel osil mu xlaj sc'oplal o li yabtelique; j'ech'el te chcom o ta stojolic’, xiyutun.

Daniel 7:22

Ja' to ti c'alal ital li Boch'o mu sna' xlaj yoraile, la scolta li xch'ul nich'nabtac Diose, yu'un ic'ot xa yorail ti ja' chlic spasic mantal li xch'ul nich'nabtac Dios ta vinajele.

Daniel 7:27

Li yabtelic ta ajvalilal, ta pasmantale, li svu'el stsatsalic ajvaliletic li' ta banamile, ja' ch-ac'bat ta sc'obic li steclumal Boch'o te oy ta vinajele. Sbatel osil ja' tspasic o mantal; scotol li cristianoetic li' ta banamile ta xich'ic ta muc', te chtunic o ta stojolic’, xi.

Oseas 2:23

Ta jts'un lec ta banamil, ja' cu'untac chc'otic o; ta xlic jc'uxubin li Lo-ruhamae. Li Lo-ammie jech chlic calbe: ‘Vo'ot jteclumalot’, xcut. Jech chiyalbun ec: ‘Vo'ot Diosot cu'un’, xiyutun”, xi li Muc'ul Diose.

Abdías 1:21

Li boch'o tspasic canale ta xmuyic batel ta vits Sión sventa chalic c'u x'elan stojol smul chich' li boch'otic te oyic ta vitsetic yu'un Esaue. Ja' xa ventainvanuc stuc li Muc'ul Diose.

Miqueas 4:7

Li coxoetique ja' xa scomelal Israel ta xc'otic; li boch'o nom chucbil ibatique ta xcac' pasuc ta jun muc'ta tsatsal lum. Vu'un li Muc'ul Diosune te ta jpas mantal o ta stojolic ta vits Sión li' ta ora xchi'uc c'alal to ta sbatel osil.

Zacarías 14:9

Li Muc'ul Diose ja' Ajvalil chc'ot ta scotol banamil. Chlic yich' otquinel ti ja' no'ox stuc Ajvalil oe, ti mu'yuc boch'o yan jech sbie.

Zacarías 2:11

Me la sta li sc'ac'alil le'e, ep cristianoetic ta yantic banamil ta stsob sbaic tal ta stojol li Muc'ul Diose. Jech chal: “Ja' jteclumal chc'otic o, te chinaqui o ta stojolic”, xi. Jech chana'ic o ti ja' la stacun tal ta atojol li Muc'ul Dios ti tspas ta mantal scotol te ta vinajele.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

San Lucas 1:33

J'ech'el chlic sventainbe o scotol li smomnich'nab Jacobe. Mu'yuc slajeb li yabtel chich'e —xi li j'almantale.

San Lucas 15:10

Chacalboxuc, ja' no'ox jech ec li Diose, xcuxet no'ox yo'nton xchi'uc yaj'almantaltac c'alal me ta sutes yo'nton jun jpasmulile”, xi li Jesuse.

San Lucas 15:6

C'alal chvul ta snae, ta stsob scotol li yuts' yalaltaque xchi'uc li boch'otic noch' nacalic xchi'uque, jech ta xalbe: ‘Cuxetuc me avo'ntonic ec, yu'un laj xa jta li jcot jchij ich'aye’, xut.

Hechos 4:26

Jmoj ta stsob sbaic li ajvaliletic li' ta banamile, xchi'uc li jpasmantaletique co'ol ta xchapanic ti tscontrainic li Diose xchi'uc li boch'o t'ujbil yu'une, ja' li Cristoe’, xi ono'ox.

Hebreos 1:8

Yan li Xnich'on Diose jech ts'ibabil sc'oplal: “Dios cu'un, li avabtel sventa ajvalilale ja' sventa sbatel osil. Li avaston avich'oje ja' vaston sventa tuq'uil chapanel.

Apocalipsis 10:7

Ja' xa no'ox me lic c'opojuc li svucubal j'almantale, me la sjupan li yoq'uese, chc'ot ta pasel ta ora li c'usi snopoj ono'ox tspas Dios ta vo'one ti muc sna'ic li cristianoetique, ja' ti laj ono'ox yalbe li yajtuneltaque, ja' li yaj'alc'optaque”, xi.

Apocalipsis 12:10

Laj ca'ay oy boch'o tsots chc'opoj ta vinajel, jech laj yal: “Li' xa oy li coltael yu'un Dios cu'untique. Ivinaj xa li svu'ele, xchi'uc ti ja' tspas mantal stuque. Jech noxtoc laj xa yich' tsots svu'el li Cristoe, yu'un ijipat xa yalel li jtic'mulil yu'un jch'unolajeletic te ta banamile ti ta c'ac'al ta ac'ubal tstiq'uilanbe smul ta stojol li Dios cu'untique.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 16:17

Li svucubal j'almantale la smal ta ic' li sbel stazae, jech oy boch'o tsots ic'opoj ta ch'ulna ta vinajel, jech laj yal: “Pasbil xa scotol”, xi.

Apocalipsis 17:14

Jech chlic spasic pleito xchi'uquic li Ch'ium Chije. Pero li Ch'ium Chije ja' tspas canal. Yu'un li stuque ja' Jpasmantal yu'un scotol jpasmantaletic, ja' muc'ta Ajvalil yu'un scotol muc'tic ajvaliletic. Co'ol tspasic canal xchi'uc li boch'otic te xchi'uc ti ic'bilic, ti t'ujbilic yu'un Diose, ti jun yo'ntonic o ta stojole”, xiyutun li j'almantale.

Apocalipsis 19:1

C'alal jech laj quile, ts'acal laj ca'ay tsots chc'opoj epal cristianoetic ta vinajel. Jech chalic: “Coliyal li Diose, yu'un ja' no'ox stuc chcoltavan, ech'em slequilal, ech'em svu'el.

Apocalipsis 19:6

Laj ca'ay oy c'usi chbac', xco'laj xchi'uc chc'opoj epal cristianoetic, xco'laj xchi'uc chbac' yalem vo', xco'laj xchi'uc chbac' chauc, jech laj yalic: “Coliyal li Diose, yu'un ja' xa chlic spas mantal stuc li Cajvaltique, ja' li Dios cu'untic ti ech'em svu'ele.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

Apocalipsis 8:12

C'alal la sjupan yoq'ues li xchanibal j'almantale, jutuc xa mu sta o'lol isoc li c'ac'ale, li ue, xchi'uc li c'analetique. Jutuc mu o'loluc imac xojobalic. Jutuc mu o'loluc imac li sac osil ta c'ac'altique. Ja' jech ta ac'ubaltic noxtoc.

Apocalipsis 9:1

C'alal la sjupan yoq'ues li yo'bal j'almantale, laj quil bajem tal ta banamil jbej c'anal. Ja' i'ac'bat sllavial li natil xabe.

Apocalipsis 9:13

Li svaquibal j'almantale la sjupan ec li yoq'uese. C'alal la sjupane, laj ca'ay oy boch'o chc'opoj te ta o'lol li chanib xulub scajleb smoton Dios pasbil ta c'anal taq'uin te oy ta stojol Diose.