Apocalipsis 11:13 - Bible in Tzotzil de Chenalhó with Deuterocanon

¹³ C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Tzotzil Zinacantan

¹³ Jaꞌo iꞌechꞌ tsots niquel, ep ilom naetic ta Jerusalene. Mi oy lajunmil naetique, ilom jmil, balunmil icom. Icham vucmil crixchanoetic. Ti muchꞌutic muc xchame ixiꞌic tajmec. “Tsots syuꞌel ti Riox ta vinajele”, xiic.

Bible in Tzotzil de Chamula

¹³ Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Tzotzil San Andres

¹³ Ta ora tsots inic li balumile. Ep ilom li naetic ta Jerusalene. Mi oy lajunmil ta pꞌej li naetique, jmil ta pꞌej ilom, balunmil icom. Li crixchanoetique jucmil ichamic ta scoj li niquele. Li yan ti muc bu xchamique ixiꞌic tajmec, laj yalic ti echꞌem schꞌuljuꞌel li Dios ta vinajele.

Tzotzil de Huixtán

¹³ Ti ora tsots inic ti balumile. Ja' ijin ti naetic te ti jteclum Jerusalén. Mi oy jmil ti naetique, ijin cien. Baluneb ciento lec icom. Hucmil ti vo' ichamic ti crixchanoetique c'alal inic ti balumile. Ti yantique toj xi'el ic'otic. Laj yalbeic vocol ti stojol ti Diose ti te nacal ti vinajele.

Apocalipsis 11:13 Iomraidhean Croise

Génesis 6:4

Ja'o te ilic sts'unubal muc'tic cristianoetic ta banamil ti c'alal laj yic' sbaic xchi'uc xnich'nabtac Dios li stsebetic cristianoetique, yu'un i'ayin yalab xnich'nabic xchi'uquic. Ja' ti ven tsatsal cristianoetic ibatic ta ts'acale, ti puquem sc'oplalic ta buyuc no'ox ta vo'onee.

Jeremías 13:16

Ich'ic ta muc' li Muc'ul Diose, ja' li Dios avu'unique, yu'un yo'to mu'yuc chac' taluc ic' osil ta atojolic, yo'to mu'yuc chabosi avacanic ta ic'al osil te ta vitsetic, xchi'uc yo'to mu'yuc ta sc'atajes ta ven ic'al osil li sac osil amalaojic chtale.

Malaquías 2:2

Me mu xach'unique, me mu'yuc tsots sc'oplal chava'yic ti tsc'an ich'bil o ta muc' li jbie, j'ech'el chopol chacomic o. Li alequilal ataojique ta jc'atajes ta chopol ta scoj ti mu xanopic leque.

San Juan 9:24

Jech laj yiq'uic yan velta li vinic ti ma'sat to'oxe. Jech laj yalbeic: —Na'o ti cha'ay Dios li c'usi chavale. Yu'un li vu'uncutique jna'ojcutic lec ti ja' jpasmulil li vinic chavale —xutic.

Hechos 1:15

C'alal jech orae, te lic sva'an sba ta o'lol jch'unolajeletic li Pedroe. Oy van vacvinicuc (120) ta scotolic ti te tsobolique. Te lic c'opojuc li Pedroe, jech laj yal:

Josué 7:19

Li Josuee jech laj yalbe li Acane: —Quits'in Acán, ac'o ta ich'el ta muc' li Muc'ul Dios cu'untic, vu'utic li israelutique. Ac'o vinajuc slequilal avu'un. Jamal xavalbun li c'usi laj apase; mu me xamuc ta avo'nton —xut.

Apocalipsis 11:11

C'alal its'aqui li o'lol xchanibal c'ac'ale, i'ac'bat yich'ic ic' yan velta yu'un Dios. Jech icuxiic, itotsic. Scotol li boch'otic laj yilique ixi'ic ta jyalel.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 19:7

Junuc no'ox co'ntontic, cuxetuc no'ox co'ntontic calbetic slequilal, yu'un laj xa sta yorail q'uin nupinel yu'un li Ch'ium Chije; lec xa smeltsanoj sba li yajnile.

Apocalipsis 3:4

Pero oy to jayibuc te achi'uquic ta Sardis ti mu'yuc yic'ubtasoj sc'u'ique. Le'e oy ta sventa chixchi'inicun ta xanubal xchi'uc li saquil-c'u'ique.

Apocalipsis 6:12

C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Apocalipsis 8:5

Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.

1 Samuel 6:5

Pasbeic sloc'obal li apunetic xchi'uc li ch'oetic ti la soquesic cosilaltique, xchi'uc albeic slequilal li Dios yu'un israeletique. Oy yic'al ja' to jech chacolic o ta stojel amulic, xchi'uc li dios avu'unique, xchi'uc li avosilalique.