Apocalipsis 11:10 - Bible in Tzotzil de Chenalhó with Deuterocanon

¹⁰ Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.

Tzotzil Zinacantan

¹⁰ Li crixchanoetic ta sjunlej balamile xmuyubajic xa tajmec ti cꞌalal icham iyilic li chaꞌvoꞌe, ispasic o qꞌuin. Iyacꞌbe sba smotonic scotolic. Yuꞌun chopol iyaꞌiic cꞌusi iyalic cꞌalal cuxulic toꞌox li chaꞌvoꞌe. Chopol iyaꞌiic cꞌalal iꞌipajique.

Bible in Tzotzil de Chamula

¹⁰ Ti jech cham lajique, xlaet to ta xa'i ma' ti jnaclejetic ta banomile. Mu'yuc xa c'usi x'ech' o ta xa'i ti muyubajele, ti xac'anbe xa sbaic matanal ta jujun ta scoj ti mu x'ech' xjelav svocolic laj ya'iic yu'un ti cha'vo' j'alc'opetique.

Tzotzil San Andres

¹⁰ Li crixchanoetic ta spꞌejel balumile xmuybajic xa cꞌalal chilic ti icham li chaꞌvoꞌique, jaꞌ yuꞌun ta spasbeic sqꞌuinal. Ta xacꞌbe sbaic matanal scotolic. Yuꞌun li cꞌalal cuxulic toꞌoxe, chopol iyaꞌiic li cꞌusi laj yalique, schiꞌuc chopol iyaꞌiic ti itsaqueic ta chamele.

Tzotzil de Huixtán

¹⁰ Ti much'utic oyic ti balumile nichim no'ox yo'ntonic yu'un ti imilatic xa ti cha'vo'ique. Tspasbeic sq'uinal. Chac'be sbaic smotonic yu'un ti icham xa ti cha'vo'ique yu'un ep itijbat yo'ntonic yu'unic c'alal cuxajtic toe.

Apocalipsis 11:10 Iomraidhean Croise

1 Reyes 18:17

C'alal laj yil Elías li Acabe, jech laj yalbe: —¿Me vo'ot ti chavac'be svocol li israeletique? —xut.

1 Reyes 21:20

C'alal laj yil Acab te ic'ot li Eliase, jech laj yalbe: —¿Me tal ataun, cajcontra? —xut. Itac'ov li Eliase: —Ta sventa ti tal jtaot ta c'opanele, yu'un solel avac'oj aba o ta spasel c'usi chopol ta stojol li Muc'ul Diose.

1 Reyes 22:18

Li ajvalil ta Israele jech laj yalbe li Josafate: —Laj ono'ox calbot ti mu'yuc baq'uin c'usi lec chiyalbun li vinic li'i; puru chopolic ono'ox c'usi chiyalbun —xut.

1 Reyes 22:8

Itac'ov li ajvalil ta Israele: —Oy to jun; xu' ta jac'betic c'usi tsc'an li Muc'ul Diose. Ja' Micaías, xnich'on Imla. Pero li vu'une stsoq'uet co'nton yu'un, yu'un mu'yuc ono'ox baq'uin xalbun c'usi lec chc'ot ta pasel. Puru chopolic c'usi chiyalbun —xi. Itac'ov li Josafate: —Ajvalil, mu xaval jech —xut.

Salmos 13:4

Mu me xavac' jech chlic yal li cajcontrae: “Laj xa jpas canal”, mu me xiuc. Me vu'un tsalbil lic'ote, stse'in xa me li cajcontrae.

Salmos 35:19

Mu me xcuxetuc xa yo'ntonic ta jtojol li cajcontrataque; mu me stse'inicuc xa ta jtojol li boch'o jech no'ox chopol chiyilicune.

Salmos 89:42

Laj xa avac' stoy sc'obic ta stojol li yajcontrataque; laj avac' ti xcuxet no'ox yo'ntonique.

Proverbios 24:17

C'alal chyal ta lum li avajcontrae, mu me xatse'inta; c'alal me tsbosi yacane, mu me xcuxetuc xa avo'nton.

Jeremías 38:4

C'alal jech laj ya'yic li banquilaletique, jech bat yalbeic li ajvalile: —Ac'o yich' milel li vinic li'i, yu'un ja' no'ox ta xchibajesbe yo'nton li soldadoetic cu'untic ti li' to chcomic ta lume, xchi'uc ja' no'ox ta sibtas scotol li jchi'iltactique. Yu'un muc ja'uc ta sa'be slequilal li jchi'iltactique, ja' no'ox ta sa'be svocolic —xutic.

Jeremías 50:11

“Caldeaetic, vo'oxuc ti xatse'inic no'oxe, ti xcuxet no'ox avo'ntonic laj avulesic li cu'untaque, ti ja' jechoxuc jech chac c'u cha'al jcot tsebal vacax ti xcuxet no'ox yo'nton ta slo' scotol li unin jobeltique, xchi'uc ti ja' jechoxuc jech chac c'u cha'al ca'etic ti sts'ijlajetic no'oxe.

Abdías 1:12

Mu lecuc ti te no'ox aq'ueloj c'alal yorail oy svocol li achi'il ta voq'uele. Mu lecuc ti xcuxet xa avo'nton c'alal yorail laj yich' jinesel li Judae. Mu lecuc ti ja' no'ox laj ana'le ti c'alal ja'o toj tsots svocolique.

Miqueas 7:8

Vo'ote, jcontrainvanej cu'uncutic, mu me xcuxetuc avo'nton ti oy jvocolcutic chavile. Ac'o me liyalcutic ta lum, pero ta jtam jbacutic totsel; ac'o me oyuncutic ta ic' osil, pero ja' saquil osil chc'ot cu'uncutic li Muc'ul Diose.

San Mateo 10:22

Scotol cristianoetic chopol chayiloxuc ta sventa ti acuchojbicun jbie. Pero li boch'o chcuch yu'un c'alal to ta slajebe, ja' ta xcol.

San Juan 16:20

Ja' melel li c'usi chacalboxuc ava'yique: Li vo'oxuque ta to xa'oq'uic; ta to xavat avo'ntonic. Yan li cristianoetic li' ta banamile xcuxet no'ox yo'ntonic. Pero ac'o me chavat avo'ntonic li vo'oxuque, chlic c'atajuc ta xcuxetel avo'ntonic.

San Juan 7:7

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

Hechos 5:33

C'alal laj ya'yic jech itac'batique, bats'i tsots i'ilinic; solel tsc'an ox ta smilic o.

1 Corintios 13:6

Mu xcuxetuc xa yo'nton me oy c'usi chopol chc'ot ta pasele. Ja' xcuxet yo'nton me ja' chich' pasel li c'usitic tuq'ue.

Apocalipsis 12:13

C'alal laj yil ti j'ech'el ijipat o yalel tal ta banamil li dragone, lic yuts'inta li ants ti querem ivoc' yole.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 16:10

Li yo'bal j'almantale bat smal yo' bu xchotleb jti'vanej bolom li sbel stazae, jech i'ic'ub osil ta scotol ti bu tspas mantale. Li cristianoetique te tsti'ilan yoq'uic ta scoj xc'uxul li chin ch'iem ta sbec'talique.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.