Apocalipsis 10:7 - Bible in Tzotzil de Chenalhó with Deuterocanon

⁷ Ja' xa no'ox me lic c'opojuc li svucubal j'almantale, me la sjupan li yoq'uese, chc'ot ta pasel ta ora li c'usi snopoj ono'ox tspas Dios ta vo'one ti muc sna'ic li cristianoetique, ja' ti laj ono'ox yalbe li yajtuneltaque, ja' li yaj'alc'optaque”, xi.

Tzotzil Zinacantan

⁷ Ti cꞌalal xlic yoqꞌuesin scorneta li svucvaꞌal jchiꞌile, jaꞌ xa o chcꞌot li cꞌusi voꞌne snopoj li Rioxe ti muc xaꞌibeic smelol li crixchanoetique, jaꞌ ti iꞌalbatic onox ti yajꞌalcꞌoptac Riox ti ta voꞌnee ―xi.

Bible in Tzotzil de Chamula

⁷ Yu'un ti c'alal sta yorail ta xoq'uisan yoq'ues ti yucubal anjele, c'ajomal xa no'ox ta xc'ot ta pasel ti oy c'usi smucoj ti Dios jech c'u cha'al laj yalbe ti yajtuneltac ti ja' yaj'alc'optaque.”

Tzotzil de Huixtán

⁷ Hech c'alal chlic yoq'uesan scorneta ti sucva'al ti jchi'ile te chvinaj ti c'u che'el snopoj ono'ox ti yo'nton ti Diose ti mu to cha'ibeic sjam ti crixchanoetique, ja' ti c'u che'el icholbat ti j'alc'opetique ti vo'one, ja' ti laj yac' sbaic ti abatinel yu'une ―xchi ti totil ch'ul abate.

Apocalipsis 10:7 Iomraidhean Croise

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.

Hechos 3:21

Li Jesucristoe te chcom o ta vinajel, ja' to ta xtal c'alal tsta sc'ac'alil tslecubtas yan velta scotol c'usitic oy li Diose jech chac c'u cha'al laj ono'ox yal c'alal ic'opojic li ch'ul j'alc'opetic yu'un ta vo'one.

Romanos 11:25

Quermanotac, ta jc'an chana'ic c'usi chapal yu'un Dios ti mu'yuc to'ox boch'o la sna'e, yu'un jech mu xanopic ti lec xana'ique. Li' ta orae tsatsuben yo'ntonic li israeletique, pero ja' no'ox me its'aqui ti c'u yepal sc'oplal ch-ic'atic li yanlum cristianoetique,

Romanos 16:25

Ac'o ich'atuc ta muc' li Dios ti ech'em stsatsale, ti xu' yu'un ta stsatsubtasboxuc avo'ntonic jech chac c'u cha'al chal li Lequil A'yej ta jchole, ja' li sc'oplal Cajvaltic Jesucristoe. Yu'un jech ono'ox chapal yu'un Dios ta sliquebal ti mu'yuc to'ox boch'o la sna'e.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Apocalipsis 17:17

Yu'un li Diose ja' chac'be ta yo'ntonic spasel li c'usi snopoj ono'ox stuque. Jmoj tsnopic chac'beic ta sc'ob jti'vanej bolom li svu'elic sventa ajvalile, ja' to me ic'ot ta pasel scotol c'usitic yaloj li Diose.