Apocalipsis 10:6 - Bible in Tzotzil de Chenalhó with Deuterocanon

⁶ Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.

Tzotzil Zinacantan

⁶ Jaꞌ yech iyal chac liꞌi: ―Li Riox cuxul ta sbatel osile, jaꞌ ti ispas vinajele xchiꞌuc li cꞌusitic oy teyoꞌe, jaꞌ ti ispas balamile xchiꞌuc li cꞌusitic oy liꞌtoe, jaꞌ ti ispas mare xchiꞌuc li cꞌusitic oy liꞌtoe, iyal ti mu xa jaluc liꞌ li balamile.

Bible in Tzotzil de Chamula

⁶ Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Tzotzil San Andres

^6-7 Jech laj yal ta stojol li cuxul Diose, jaꞌ li la spas vinajel balumile, schiꞌuc nab, schiꞌuc scotol li cꞌustic oye: ―Cꞌalal chlic sjupan yoqꞌues li sjucvaꞌal jchiꞌile, jaꞌ chcꞌot ta pasel ta ora li cꞌusi snopoj onoꞌox Dios ta voꞌone ti muc snaꞌic li crixchanoetique, jaꞌ li iyalbe onoꞌox li yajtuneltaque, jaꞌ li buchꞌutic iyalic scꞌop Dios ta voꞌonee ―xi.

Tzotzil de Huixtán

⁶ Laj sva'an ti rextico ti Diose, ja' ti cuxul sbatel osile, ja' ti laj spas ti vinajele xchi'uc scotol ti c'utic te oye, ja' ti laj spas ti balumile xchi'uc scotol ti c'utic li'oye, ja' ti laj spas ti nabe xchi'uc scotol ti c'utic te oye. Hech laj yal: ―Laj xa sta yorail.

Apocalipsis 10:6 Iomraidhean Croise

Génesis 14:22

Li Abrame jech la stac': —Laj xa cal ta jamal ta stojol Muc'ul Dios ta vinajel, ja' li boch'o la spas li vinajel banamile,

Éxodo 20:11

Yu'un ta vaquib no'ox c'ac'al la jpas li vinajel banamile, li nabe, xchi'uc scotol li c'usitic oye. Yan ta svucubal c'ac'ale la jcux co'nton. Ja' yu'un li jun c'ac'ale ts'u'iltasbil cu'un; ja' ch'ul c'ac'al comen ta aventaic.

Éxodo 6:8

Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Ezequiel 20:5

jech xavalbe: ‘Jech chal li Muc'ul Diose, ja' li Cajvaltique: C'alal la jt'uj li Israele, ja' li Jacobe, jtoyoj jc'ob c'alal oy c'usi laj calbe ta jamal li smomnich'nabtaque. Laj cac' jba ta otquinel ta stojolic te ta Egipto; jtoyoj jc'ob jech laj calbeic: Vu'un Muc'ul Diosun avu'unic, xcut.

Daniel 12:7

Li boch'o te va'al ta ba uc'ume la stoy muyel xchibal sc'ob ta vinajel, jech laj yal ta jamal ta stojol li Dios ti cuxul o sbatel osile: ‘Ta o'lol xchanibal jabil, ja'o c'alal chlaj sc'oplalic ta tsatsal uts'intael li yu'untac Diose, ja'o ta xc'ot ta pasel scotol’, xi.

Números 14:30

Ja' no'ox chcomic li Caleb xchi'uc Josuee. Li vo'oxuque me junuc mu'yuc cha'ochic batel ta banamil ti bu laj calboxuc chbat cac' naclanique.

Apocalipsis 1:18

Vu'un ti jtalel cuxulun oe. Licham, pero licha'cuxi; cuxulun o sbatel osil. Vu'un jventainoj scotol. Vu'un oy ta jc'ob sllavial li lajele xchi'uc li yavil animaetique.

Apocalipsis 12:12

Ja' yu'un cuxetuc no'ox avo'nton, vinajel, xchi'uc vo'oxuc ti te oyoxuque. Ja' toj abul abaic vo'oxuc ti te to nacaloxuc ta banamil xchi'uc ta nabe, yu'un iyal o tal ta atojolic li banquilal pucuje. Ilinem ta ora, yu'un sna' ti mu xa jaluc ch-abteje”, xi.

Apocalipsis 16:17

Li svucubal j'almantale la smal ta ic' li sbel stazae, jech oy boch'o tsots ic'opoj ta ch'ulna ta vinajel, jech laj yal: “Pasbil xa scotol”, xi.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 4:10

Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic:

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.

Apocalipsis 6:11

Jech te i'ac'bat sac sc'u'ic, jech i'albatic: “Malaic to jutuc, ja' to me its'aqui ti c'u yepal chmilat achi'iltaquic ti chtunic cu'un jech chac c'u cha'al vo'oxuque”, x'utatic.