Apocalipsis 10:5 - Bible in Tzotzil de Chenalhó with Deuterocanon

⁵ Li j'almantal ti stec'oj nab xchi'uc banamile la stoy sbats'ic'ob ta vinajel.

Tzotzil Zinacantan

⁵ Li anjel stecꞌanoj yoc ta mare, ti stecꞌanoj yoc ta balamile, istoy li sbatsꞌicꞌobe.

Bible in Tzotzil de Chamula

⁵ Ti ánjel laj quil ti teq'uel yoc ta nabe, ta banomile, laj stoy muyel sbats'i c'ob ta vinajel.

Tzotzil San Andres

⁵ Li chꞌul ángel li stecꞌanoj yoc ta nab schiꞌuc ta balumile la stoy sbatsꞌicꞌob.

Tzotzil de Huixtán

⁵ Ti ch'ul abate ti te sjamoj ti yacane stec'oj ti nabe xchi'uc ti balumile, laj stoy sc'ob, ja' ti sbats'ic'obe.

Apocalipsis 10:5 Iomraidhean Croise

Génesis 14:22

Li Abrame jech la stac': —Laj xa cal ta jamal ta stojol Muc'ul Dios ta vinajel, ja' li boch'o la spas li vinajel banamile,

Nehemías 9:6

Jech lic yalic: “Muc'ul Dios, vo'ot no'ox atuc Diosot, mu'yuc boch'o yan. Vo'ot laj apas li vinajel xchi'uc li jayc'ol ta ven toyol oye, xchi'uc li c'usitic te oye. Vo'ot laj apas li banamile xchi'uc scotol li c'usitic te oye. Vo'ot laj apas li nabetique xchi'uc scotol c'usitic te oye. Vo'ot laj avac' ayinuc scotol li c'usitic oye. Scotol li c'usitic oy ta vinajele chayich'icot ta muc'.

Salmos 146:5

Xcuxet no'ox yo'nton li boch'o ja' jcoltavanej yu'un li Dios yu'un Jacobe, ti ja' spatoj o yo'nton yu'un li Muc'ul Dios yu'une.

Éxodo 20:11

Yu'un ta vaquib no'ox c'ac'al la jpas li vinajel banamile, li nabe, xchi'uc scotol li c'usitic oye. Yan ta svucubal c'ac'ale la jcux co'nton. Ja' yu'un li jun c'ac'ale ts'u'iltasbil cu'un; ja' ch'ul c'ac'al comen ta aventaic.

Éxodo 6:8

Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Ezequiel 20:15

‘Te ta xocol banamil la jtoy jc'ob ta stojolic noxtoc. Laj calbeic ta jamal ti mu'yuc ta xcac' ochicuc o ta banamil ti bu sc'oplal chcac'beique, ja' li banamil ti bu chloc' ep ya'lel chu' vacax xchi'uc pome, ti ja' no'ox stuc toj c'upil sba ta scotole.

Ezequiel 20:23

Jech te la jtoy jc'ob ta xocol banamil; laj calbeic ta jamal ti ta jpuquic batel ta yantic lume, ti ta jtaniic batel ta yantic banamile.

Ezequiel 20:28

C'alal la jtiq'uic ochel ta banamil ti bu calojbeic ono'ox ta jamal chcac'beique, laj yilic ti oy lec bic'tal vitsetic, ti oy lec te'etic lec pimic sc'obc'obe; ja' te lic yaq'uic chic'bil matanaletic xchi'uc yantic matanaletic ti ep chisa'bun sc'ac'al co'ntone. Te la xchiq'uic pom noxtoc ti lec muic yiq'ue, xchi'uc te laj yaq'uic ya'lel ts'usubetic noxtoc.

Ezequiel 20:42

‘C'alal me la jtsoboxuc tal yan velta ta yosilal Israele, ja' li banamil ti jtoyoj jc'ob laj calbeic ta jamal amoltot ayame'ic ti chcac'beique, chlic ana'ic ti vu'un Muc'ul Diosune.

Ezequiel 20:5

jech xavalbe: ‘Jech chal li Muc'ul Diose, ja' li Cajvaltique: C'alal la jt'uj li Israele, ja' li Jacobe, jtoyoj jc'ob c'alal oy c'usi laj calbe ta jamal li smomnich'nabtaque. Laj cac' jba ta otquinel ta stojolic te ta Egipto; jtoyoj jc'ob jech laj calbeic: Vu'un Muc'ul Diosun avu'unic, xcut.

Ezequiel 36:7

Ja' yu'un chacalboxuc ava'yic vu'un li Muc'ul Diosune: Ta xcal ta jamal ti ta to xyalic ta tsots q'uexlal li yantic banamil ats'aquinojan aba achi'uquique.

Ezequiel 47:14

Yu'un c'alal laj calbe amoltotic ta vo'one ti ja' chcac'beic li banamil li'i, jtoyoj jc'ob laj calbeic ta jamal. Ja' yu'un li banamil li'i ja' avu'unic; co'ol xapasbe abaic ta jujuchopoxuc.

Daniel 12:7

Li boch'o te va'al ta ba uc'ume la stoy muyel xchibal sc'ob ta vinajel, jech laj yal ta jamal ta stojol li Dios ti cuxul o sbatel osile: ‘Ta o'lol xchanibal jabil, ja'o c'alal chlaj sc'oplalic ta tsatsal uts'intael li yu'untac Diose, ja'o ta xc'ot ta pasel scotol’, xi.

Hechos 14:15

—Viniquetic, ¿c'u yu'un jech chapasic? yu'un co'ol cristianoutic. Ti litalcutic li'i, ja' tal calcutic ava'yic ti tsc'an chacomtsanic yich'el ta muc' li c'usi mu'yuc stue. Tsc'an ja' chatalic ta stojol li cuxul Dios ti la spas vinajel banamile, xchi'uc li nabe, xchi'uc scotol li c'usitic oye.

Hechos 17:23

Yu'un c'alal lixanov li' ta alumalique, laj quil ti ep c'usitic chavich'ic ta muq'ue. Laj quil noxtoc jun scajleb matanal, jech ts'ibabil chac li'i: ‘JA' SCAJLEB SMOTON LI DIOS TI MU XCOTQUINTIQUE’, xi ts'ibabil. Li Dios ti chavac'beic smoton ti mu xavotquinique, ja' chacalboxuc ava'yic sc'oplal li vu'une.

Romanos 1:20

Yu'un ja'o no'ox c'alal imeltsaj banamil laj yac' ta ilel li c'usi mu'yuc to'ox yac'oj ta ilele, ja' li svu'el ti mu'yuc slajebe, ti ja' ch'ul Dios stuque. Ta sventa c'usitic spasoj, jech ivinaj ti ja' Diose. Jech mu'yuc c'usi xu' tspoj sbaic o li cristianoetique.

Deuteronomio 32:40

Ta jtoy jc'ob ta vinajel; chcal ta jamal ti vu'un cuxulun o sbatel osile.

Hebreos 6:13

Yu'un c'alal laj yal Dios ti oy c'usi chac'be li Abrahame, mu'yuc boch'o yan la st'abbe sbi, yu'un mu'yuc boch'o yan ech'em smuc'ul; stuc la sva'an sba ta testigo.

Apocalipsis 1:18

Vu'un ti jtalel cuxulun oe. Licham, pero licha'cuxi; cuxulun o sbatel osil. Vu'un jventainoj scotol. Vu'un oy ta jc'ob sllavial li lajele xchi'uc li yavil animaetique.

Apocalipsis 10:2

Stsacoj ta sc'ob jun biq'uit balbil vun, mu'yuc pac'bil. Ta sbats'i-acane ja' la stec' o nab. Ta sts'et acane ja' la stec' o banamil.

Apocalipsis 14:7

Tsots ic'opoj jech laj yal: “Xi'anic me yu'un li Diose; albeic slequilal. Yu'un laj xa sta yorail chchapanvan. Ich'ic me ta muc', yu'un ja' la spas li vinajel banamile, xchi'uc li nabetique, xchi'uc scotol li nio'etique”, xi.

Apocalipsis 16:17

Li svucubal j'almantale la smal ta ic' li sbel stazae, jech oy boch'o tsots ic'opoj ta ch'ulna ta vinajel, jech laj yal: “Pasbil xa scotol”, xi.

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.