Apocalipsis 10:11 - Bible in Tzotzil de Chenalhó with Deuterocanon

¹¹ Jech laj yalbun: “Tsots sc'oplal tsc'an chaval yan velta c'usi chc'ot ta pasel ta stojol li epal lumetique, li jujun banamile, li jujuchop c'ope, xchi'uc li ajvaliletique”, xiyutun.

Tzotzil Zinacantan

¹¹ Liꞌalbat noxtoc: ―Li vun aloꞌe jaꞌ seña ti chavalbe to ti ta xichꞌic tsots castico li crixchanoetic ta sjunlej balamile, ti jaylajuntos stsꞌunbalique, ti jaylajuntos scꞌopique, xchiꞌuc li preserenteetique ―xiyut.

Bible in Tzotzil de Chamula

¹¹ Va'i un, oy buch'utic xi laj yalbeicune: “Tsots sc'oplal ta xlic ava'an aba ta scaj'alel ti c'usi ta xac' ta na'el ti Dios ta stojol ti epal jnaclejetic oyic ta jujun lume, ti jujun muc'tiquil lume, ti jujutos sc'opojelique, ta stojol ti jujun ajvaliletique.”

Tzotzil San Andres

¹¹ Jech liꞌalbat: ―Li jun li abiqꞌue jaꞌ svinajeb ti chaval ti ta xichꞌic ep vocol scotol li crixchanoetic li ta spꞌejel balumile schiꞌuc li ajvaliletic yuꞌunique ―xiyut.

Tzotzil de Huixtán

¹¹ Hech ni'albat: ―Ti hune ti laj abiq'ue, ja' señail ti ta to me xats'ibabe sc'opilal yan ep vocol ti chich'ic ti crixchanoetique ti jaylajuntos ti oyic ti balumile xchi'uc ti ajvaliletic yu'unique ―xiyutun.

Apocalipsis 10:11 Iomraidhean Croise

Jeremías 25:13

‘Ta xcac' c'otuc ta stojolic ta sjunul yosilalic scotol li c'usi caloj ta sventaic ti ts'ibabil ta vune: ja' li c'usi laj yal li j'alc'op Jeremías ta sventa scontrainel jujun banamile.

Ezequiel 37:4

Jech laj yalbun: “Jech xavalbe ta jbi li taqui-baquetic le'e: ‘Taqui-baquetic, a'yo ava'yic, jech chal li Muc'ul Diose:

Ezequiel 37:9

Jech laj yalbun li Muc'ul Diose: “C'opano li iq'uetique, jech xavalbe: ‘Iq'uetic, jech chal li Muc'ul Diose: Totsanic tal ta xchanjotal xchiquin banamil; la' juch'taic li animaetic li'i, yu'un jech ac'o cuxiicuc, xi li Diose’, uto”, xiyutun.

Apocalipsis 10:10

Jech laj quich' li biq'uit vun stsacoj j'almantale; la jbic'. Ta melel chi' laj ca'ay jech chac c'u cha'al spom muc'ta pom. Pero ts'acal ich'aub ta yut jch'ut.

Apocalipsis 11:1

Jech li'ac'bat jch'ix aj xco'laj xchi'uc metro. Jech li'albat: “Batan, bat biso c'u smuc'ul li ch'ulna yu'un Dios te ta Jerusalene xchi'uc li scajleb smotone. Ato noxtoc ti jayib te chich'ic ta muq'ue.

Apocalipsis 11:9

Li chibique o'lol xchanibal c'ac'al te chq'uelbat sbec'talic yu'un scotol cristianoetic ta jujun lum, ta jujuchop sts'unubalic, ta jujuchop sc'opic, xchi'uc ta jujun banamil. Mu xaq'uic ti ac'o mucbatuc li sbec'talique.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Apocalipsis 17:10

Ja' smelol noxtoc vucub ajvaliletic. Li vo'obique iyalic xa ta lum. Li june ja' to te oy. Li yane mu'yuc to chtal. C'alal chvul ta loq'uele, mu xa jaluc tspas mantal.

Apocalipsis 17:12

“Li lajuneb xulub laj avile ja' senyail lajuneb ajvaliletic, pero mu'yuc to ch-ochic ta pasmantal. Ts'acal co'ol ta xich' yabtelic ta ajvalilal xchi'uc li jti'vanej bolome, pero jun no'ox hora chich' yabtelic.

Apocalipsis 17:15

Jech laj yalbun noxtoc: “Li epal vo' yo' bu chotol jmulavil ants laj avile ja' senyail epal cristianoetic ta jujun lum, ta jujun banamil, xchi'uc ta jujuchop c'op.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.