Apocalipsis 10:1 - Bible in Tzotzil de Chenalhó with Deuterocanon

¹ Laj quil iyal tal ta banamil yan j'almantal ech'em stsatsal. Pixil ta toc iyal tal, xchi'uc oy vacnabal ta sjol. Li sate oy xojobal jech chac c'u cha'al xojobal c'ac'al. Li yacane ja' jech chac c'u cha'al natiquil yat c'oc'.

Tzotzil Zinacantan

¹ Iquil iyal tal ta balamil otro jun anjel ti oy tajmec yipe. Volbil ta toc iyal tal, xchiꞌuc meꞌqꞌuinubal ta sjol. Oy xojobal sjunlej sat coꞌol xchiꞌuc xojobal cꞌacꞌal. Li yoque chtil coꞌol xchiꞌuc cꞌocꞌ.

Bible in Tzotzil de Chamula

¹ Laj quil yan tsatsal ánjel xtoc, ti volibil ta toc yal talel ta vinajele, ti cotol talel vacnac'obal ta sjole, ti xojobin sat jech c'u cha'al ti sat c'ac'ale, ti co'ol s'elan junuc leb c'oc' volibil ti yacane.

Tzotzil San Andres

¹ Iquil iyal talel ta balumil otro jun chꞌul ángel ti oy stsatsale. Volbil ta toc iyal talel, schiꞌuc oy vacnebal ta sjol. Schiꞌuc oy xojobal sat jech chac cꞌu chaꞌal xojobal li cꞌacꞌale. Li yoque chtil jech chac cꞌu chaꞌal cꞌocꞌ.

Tzotzil de Huixtán

¹ Ni'ac'bat jq'uel uc iyal ti balumil totil ch'ul abat. Pixbil ti toc iyal. Oy me'q'uinobal ti sba sjol. Oy squeval sat hech chaj c'u che'el squeval ti c'ac'ale. Ti yacane chtil hech chaj c'u che'el c'oc'.

Apocalipsis 10:1 Iomraidhean Croise

Salmos 104:3

Laj anacan ta sba yac'ol toc li anae. Ja' acareta c'otem ya'yel li toquetique; ja' axic' c'otem ya'yel li iq'ue sventa buyuc no'ox chabat.

Salmos 97:2

Joyibtabil ta pimil ic'al toc; ja' snacleb smuc'ta chotleb c'otem li c'usi tuc', li c'usi melele.

Éxodo 16:10

C'alal ja'o te chchi'in ta lo'il scotol xchi'iltac li Aarone, scotolic la sq'uelic batel ta xocol banamil; te laj yilbeic xojobal ta jvol toc li Muc'ul Diose.

Cantares 5:15

Li yacane ja' jech chac c'u cha'al oyetic pasbil ta mármol ton ti nacanbil lec ta bats'i c'anal taq'uine; ti c'u x'elan yutsil ta q'uelele ja' jech chac c'u cha'al ch'ut te'etic ta Líbano ti lec t'ujbile.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Isaías 54:9

“Jech chac c'u cha'al laj cal ta jamal ta stojol Noé ti mu'yuc xa ta xcac' yan velta pulel ta vo' ta banamile, ja' jech ta xcal ta jamal ta atojol ec ti mu'yuc xa bu chi'ilin o ta atojole; mu'yuc xa bu chcac'bot avocol yan velta.

Lamentaciones 3:44

Laj apix aba lec ta toc, yu'un jech mu xava'ay ti xivocoletcutic to ta atojole.

Ezequiel 1:28

Ja' jech ta q'uelel jech chac c'u cha'al vacnabal ti chvinaj ta toc c'alal chac' vo'e. Ja' jech laj quilbe yutsilal slequilal ta jch'ulel li Muc'ul Diose. C'alal laj quile, la jpatan jba ta banamil; laj ca'ay oy boch'o te chc'opoj tal.

Daniel 10:6

Li sbec'tale sts'ayayet jech chac c'u cha'al topacio ton. Li sate xojoban jech chac c'u cha'al sacsevul. Li sbec' sate xpulpun jech chac c'u cha'al toj. Li yoc' sc'obe sts'ayayet jech chac c'u cha'al bronce ti lecubtasbil xa ta c'oq'ue. Li sc'opojele ja' jech chac c'u cha'al yech'al ye epal cristiano.

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Levítico 16:2

Jech i'albat: “Albo abanquil Aarón ti mu me c'usiuc no'ox ora ch-och ta yut ch'ulna pasbil ta nucul te ta xcha'c'olal ta spat yo' bu joc'ol li poc' te ta yeloval smac caxae yu'un jech mu xcham. Yu'un li vu'une te chtal cac' jba ta ilel ta jun toc ta sba smac li caxae.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

San Lucas 21:27

Ja'o ta xilic chiyal tal ta toc, vu'un ti Xnich'on cristiano lic'ote. Ep jtsatsal xchi'uc tsots jxojobal chital.

Hechos 26:13

Ajvalil Agripa, ta o'lol c'ac'al c'alal oyun batel ta bee, laj quil jun tsatsal luz ta vinajel. Bats'i tsots xojobal ivul ta jtojol; ja' jutuc xojobal icom li c'ac'ale. Joyibtabilun lic'otcutic jchi'uc li jchi'iltac ta xanubale.

Apocalipsis 1:7

A'yo ava'yic, li Cristoe ta xyal tal ta toc. Scotol cristianoetic ta xil ta satic, xchi'uc ta xilic ec li boch'otic la smilique. Scotol jnaclumetic ta banamil ta x'oq'uic yu'un. Ta melel jech chc'ot ta pasel. Jechuc.

Apocalipsis 18:1

C'alal jech laj quile, ts'acal laj quil iyal tal ta vinajel jun j'almantal, bats'i tsots svu'el. Toj sacubel ivul banamil yu'un li xojobale.

Apocalipsis 18:21

Oy jun j'almantal ech'em svu'el la stam jbej ton. Ja' jech smuc'ul jech chac c'u cha'al muc'ta cho'. Yipal la sjip ochel ta nab, jech laj yal: “Ja' jech yipal chavich' jipel batel, vo'ot muc'ta lum Babilonia, j'ech'el mu'yuc xa bu boch'o chayilot o.

Apocalipsis 20:1

Ts'acal laj quil iyal tal ta vinajel jun j'almantal, yich'ojbe tal sllavial li natil xabe, xchi'uc yich'oj tal jlic muc'ta cadena.

Apocalipsis 4:3

Li boch'o te chotole oy xojobal jech chac c'u cha'al xojobal jaspe ton xchi'uc cornalina ton. Ta muc'ta chotlebale te oy jun vacnabal. Ja' jech ta q'uelel jech chac c'u cha'al esmeralda ton.

Apocalipsis 5:2

Laj quil noxtoc jun j'almantal ech'em stsatsal, tsots i'avan, jech laj yal: “¿Boch'o puru lec c'usi spasoj ti xu' yu'un ta sjam li vune xchi'uc ti xu' yu'un ta xtuch'be spaq'ue?”, xi.

Apocalipsis 8:13

C'alal te jq'ueloje, ja' to laj quil te xvilet ta o'lol vinajel jun xic. Tsots i'avan, jech laj yal: “¡Ay, ay, ay! Toj abul sbaic li boch'otic te nacajtic ta banamil c'alal tsjupan yoq'uesic li yan oxib j'almantaletic ti quechel toe”, xi.