Apocalipsis 1:8 - Bible in Tzotzil de Chenalhó with Deuterocanon

⁸ Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Tzotzil Zinacantan

⁸ Ti Rioxe stuc noꞌox oy syuꞌel, jaꞌ scuentainoj scotol. Tey onox ti cꞌalal ipas li vinajel balamile, cuxul lavie, cuxul ta sbatel osil. “Voꞌon ijliques scotol, voꞌon chquilbe slajeb noxtoc”, xi.

Bible in Tzotzil de Chamula

⁸ Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Tzotzil San Andres

⁸ Li Dios ti oy sjuꞌel ti jaꞌ sventainoj scotole, jaꞌ li te onoꞌox oy cꞌalal muꞌyuc toꞌox vinajel balumile, schiꞌuc li te oy cꞌalal tana, schiꞌuc li te oy o sbatel osile, jech chal: “Joꞌon la jliques scotol, jaꞌ yuꞌun joꞌon ta jneles scotol”, xi.

Tzotzil de Huixtán

⁸ Hech chal ti Cajvaltic Diose: “Ho'on laj jliques scotol. Ho'on ti hu'tes scotol”, xchi ti Cajvaltic Diose ti stalel oye, ja' ti oy ti vo'onee c'alal mu to chmeltsaj ti balumile, ja' ti oy uc ti ora to xchi'uc ti oy sbatel osile. Ja' ti jelaven sp'ijile ti scotol sventainoje.

Apocalipsis 1:8 Iomraidhean Croise

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 43:14

Ja' chascoltaoxuc li Dios ti ech'em stsatsale, yu'un ac'o stijbe yo'nton li ajvalile jech xu' tscolta sutel tal li Simeón te chucul icome, xchi'uc mu me c'usi spasbe noxtoc li Benjamine. Me mu'yuc jnich'on chicom li vu'une, jechuc —xi.

Génesis 48:3

Jech laj yalbe li Josee: —Li Dios ti ech'em stsatsale laj yac' sba ta ilel ta jtojol te ta Canaán banamil ta jun lum, Luz sbi. Te laj yac'bun bendición. Jech laj yalbun:

Génesis 49:25

Coliyal ti chascoltaot li Dios yu'un atote, ti chayac'bot bendición li Dios ti ech'em stsatsale. Ja' li bendición chlic tal ta toyole. Ja' li bendición chlic tal ta yutil nabe. Ja' li bendición ti chbol anich'nab xchi'uc ats'unub-avovole.

Éxodo 3:14

Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

Éxodo 6:3

laj cac' jba ta otquinel ta stojol Abraham, Isaac, xchi'uc Jacob vu'un ti “Ech'em Stsatsal”, xi jbie. Pero mu'yuc laj cac'be yotquinic ti ta melel ja' Muc'ul Dios jbie.

Isaías 41:4

¿Boch'o la spas li abtel le'e? ¿Boch'o ti ta sliquebal ono'ox oy c'usi laj yac' c'otuc tal ta pasel ta jujuc'ol cristianoetique? Vu'un li Muc'ul Diose, vu'un te oyun ta sliqueb, vu'un te oyun ta slajeb noxtoc.

Isaías 43:10

Li Muc'ul Diose jech chal: “Vo'oxuc testigooxuc cu'un, vo'oxuc cajtuneloxuc, vu'un la jt'ujoxuc yu'un jech ac'o ana'ic, ac'o ach'unic. Ac'o c'otuc ta avo'ntonic ti vu'un ono'ox te oyun oe, ti mu'yuc yan dios ba'yuc ilic cu'une, ti mu'yuc yan Dios ta to xtale.

Isaías 44:6

Li Muc'ul Dios, ja' li Ajvalil yu'un Israele, ja' li Jpojvanej yu'un ti ech'em svu'ele, jech chal: “Vu'un te oyun o ta sliquebal xchi'uc ta slajebal; mu'yuc yan dios jech chac c'u cha'al vu'un.

Isaías 48:12

“Israeletic, vo'oxuc li smomnich'naboxuc Jacob ti t'ujbil cu'une, a'yic c'usi ta xcal: Vu'un no'ox jtuc Diosun; vu'un sliquebun, vu'un slajebun.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Números 24:4

c'alal ja'o yalem ta lum sventa cha'ay c'usi ch-albat yu'un Diose, lec viq'uil li sate, chil scotol. Ja'o cha'ay tal li c'usi xu' chale, xchi'uc oy c'usi lec ch-ac'bat yil yu'un li Dios ti ech'em stsatsale.

2 Corintios 6:18

Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Apocalipsis 1:4

Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Apocalipsis 11:17

Jech laj yalic: “Colaval, Cajvaltic Dios, vo'ot ti ech'em avu'ele, vo'ot ti te ono'ox oyot ta vo'onee ti li' oyot o ta orae. Colaval ti vo'ot no'ox oy avu'el atuque, ti vo'ot xa chlic apas mantal atuque.

Apocalipsis 15:3

Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Apocalipsis 16:14

Li pucujetic iloc'an ta yeique xu' yu'un tspasic sq'uelubil stsatsalic. Ja' chbat stsobic tal scotol ajvaliletic ta sbejel banamil sventa ac'o spasic muc'ta pleito ta sc'ac'alil yu'un li Dios ti ech'em svu'ele.

Apocalipsis 16:7

Laj ca'ay oy boch'o chc'opoj noxtoc te ta scajleb smoton li Diose, jech laj yal: “Cajval Dios, vo'ot ti ech'em avu'ele, tuc' chachapanvan, melel scotol li c'usitic chavale”, xi.

Apocalipsis 19:15

Li C'ope chloc' espada ta ye. Li espadae lec juxbil ye. Ja' sventa tsmil o li cristianoetic ta jujun banamile. Ja' tslilin o ta svaston ti pasbil ta tsatsal taq'uine. Ja' tstec' noxtoc li yavil spits'ubil ya'lel ts'usub ti nojem ta tsots sc'ac'al yo'nton li Dios ti ech'em svu'ele.

Apocalipsis 19:6

Laj ca'ay oy c'usi chbac', xco'laj xchi'uc chc'opoj epal cristianoetic, xco'laj xchi'uc chbac' yalem vo', xco'laj xchi'uc chbac' chauc, jech laj yalic: “Coliyal li Diose, yu'un ja' xa chlic spas mantal stuc li Cajvaltique, ja' li Dios cu'untic ti ech'em svu'ele.

Apocalipsis 2:8

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Esmirnae: ‘Li Boch'o te oy ta sliqueb xchi'uc ta slajebe, ja' ti icham xchi'uc ti icha'cuxie, jech chayalboxuc:

Apocalipsis 21:22

Te ta lume mu'yuc xa ch'ulna yu'unic laj quil, yu'un ja' xa ch'ulna c'otem o stuc li Cajvaltic Dios ti ech'em svu'ele, xchi'uc li Ch'ium Chije.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:13

Vu'un sliquebun, vu'un slajebun., Vu'un la jliques, vu'un ta jvu'es. Te oyun ta sliqueb; te oyun o c'alal ta slajeb”, xi.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.