Apocalipsis 1:4 - Bible in Tzotzil de Chenalhó with Deuterocanon

⁴ Vu'un Juanun, ta jc'opanoxuc tal ta carta, vo'oxuc li jch'unolajeloxuc ta vucub lum te ta Asia banamile. Ac'o xc'uxubinoxuc, ac'o spasboxuc ta jun avo'ntonic li Boch'o te ono'ox oy oe, xchi'uc ti te oy o c'alal to tanae, xchi'uc ti te oy o sbatel osile. Ti jech chavich'ic c'uxubinel, xchi'uc chavich'ic pasbel ta jun avo'ntonique, ja' ta sventa noxtoc li vucub espíritu te oy yo' bu chotol li Diose,

Tzotzil Zinacantan

⁴ Voꞌon Juanon, chajcꞌoponic tal ta vun voꞌoxuc ti achꞌunojic scꞌop Riox tey ta vucub jteclum ta estado Asiae. Acꞌu yacꞌboxuc crasia ti Jtotic Riox ta vinajele ti tey onox ti cꞌalal ipas li vinajel balamile, cuxul lavie, cuxul ta sbatel osil. Junuc me avoꞌonic, mu me cꞌusi xal avoꞌonic. Acꞌu yacꞌboxuc crasia, acꞌu spas ta jun avoꞌonic ti Chꞌul Espíritu uque ti coꞌol xchiꞌuc vucub cꞌocꞌ iquil yoꞌ bu chotol ti Rioxe.

Bible in Tzotzil de Chamula

⁴ Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Tzotzil San Andres

⁴ Joꞌon Juanun, chajcꞌoponic batel ta carta, joꞌoxuc li chavichꞌic ta mucꞌ Cajvaltic li te ta jucub jteclum ta Asia balumile. Acꞌo yacꞌboxuc slequilal yutsilal li Jtotic Dios li te onoꞌox oy cꞌalal muꞌyuc toꞌox li vinajel balumile, schiꞌuc li te oy cꞌalal tanae, schiꞌuc li te oy o sbatel osile. Acꞌo spasboxuc ta jun avoꞌonic li jujunoxuque. Ti jech chaꞌacꞌbatic slequilal yutsilale, jaꞌ ta sventa eꞌuc li Chꞌul Espíritu li te oy ta stojol li Dios li coꞌol schiꞌuc jucub cantil iquile.

Tzotzil de Huixtán

⁴ Ho'on Juanun, chajc'oponoxuc ti carta ho'oxuc ti hucchopoxuc ti ach'unojbeic sc'op ti Diose te ti hucub jteclum te ti slumal Asiae. Ac'o yac'boxuc yutsil avo'ntonic, ac'o yac'boxuc jun avo'ntonic ti Diose ti stalel oye, ja' ti oy ti vo'onee c'alal mu to chmeltsaj ti balumile, ja' ti oy uc ti ora to xchi'uc ti oy sbatel osile. Ti cha'ac'batic yutsil avo'ntonic jun avo'ntonic, ja' ti sventa uc ti Ch'ul Espíritue ja' ti huctos yich'oj sbae hech yu'un jelaven yutsil. Ti Ch'ul Espíritue te oy uc ti stojol ti Diose.

Apocalipsis 1:4 Iomraidhean Croise

Salmos 90:2

Ta vo'one c'alal mu'yuc to'ox ch-ayin li vitsetique, c'alal mu'yuc to'ox ch-ayin li banamil xchi'uc li c'usitic oye, vo'ot ono'ox Diosot o; sbatel osil te oyot o.

Éxodo 3:14

Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

Isaías 11:2

Te ta xcom o ta stojol li Espíritu yu'un Muc'ul Diose, ja' ta x'ac'bat lec sbijil, ta xjambat lec sat; ta x'ac'bat lec sna' c'u x'elan chtojobtasvan; ta x'ac'bat lec stsatsal; ta x'ac'bat lec yotquin c'usi tsc'an tspas, xchi'uc c'u x'elan lec chich' ta muc' li Muc'ul Diose.

Isaías 41:4

¿Boch'o la spas li abtel le'e? ¿Boch'o ti ta sliquebal ono'ox oy c'usi laj yac' c'otuc tal ta pasel ta jujuc'ol cristianoetique? Vu'un li Muc'ul Diose, vu'un te oyun ta sliqueb, vu'un te oyun ta slajeb noxtoc.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

Zacarías 3:9

Josué, li' ta asat laj cac' jbej ton. Li ton le'e ja' no'ox stuc oy vucbej sat; vu'un jtuc oy c'usi te ta jts'iba. Ts'acal to, ta jun no'ox c'ac'al ta jch'aybe smul li banamil li'i.

Zacarías 4:10

Li boch'otic mu'yuc stu laj yilic li yunin liqueb yabtel Zorobabele, xcuxet no'ox yo'ntonic ta ts'acal ti c'alal chilic tstsuts xa batel li abtele”, xi li Diose. Li j'almantale jech laj yalbun: “Li vucub candiletic laj avile ja' senyail sat li Muc'ul Diose yu'un sq'ueloj o scotol li banamile”, xiyutun.

Zacarías 6:5

Jech la stac'bun: “Le'e ja' senyail li ic' ta xchanjotal xchiquin vinajel ti te chloc' tal ta stojol li Yajval sbejel banamile.

San Juan 1:1

Ta sliquebal banamile, te ono'ox oy o li C'ope. Li C'ope te xchi'inoj sbaic xchi'uc li Diose. Ja' ono'ox Dios stuc.

Hechos 19:10

Chib jabil jech la spas, jech ep cristianoetic te ta Asia banamil laj ya'ibeic sc'op li Cajvaltique. Te oy li judioetique xchi'uc li greciaetique.

Hechos 2:9

Yu'un oy liquemutic tal ta Partia banamil, ta Media banamil, ta Elam banamil, xchi'uc oy te liquemutic tal ta Mesopotamia banamil, xchi'uc li' ta Judea banamil, xchi'uc ta Capadocia banamil, ta Ponto banamil, ta Asia banamil,

Romanos 1:7

vo'oxuc ti te nacaloxuc ta Roma ti c'anbiloxuc yu'un Diose, ti laj yic'oxuc yu'un jech voc'bil chacomic yu'une. Ac'o xc'uxubinoxuc, ac'o yac'boxuc jun avo'ntonic li Jtotic Diose xchi'uc li Cajvaltic Jesucristoe.

1 Corintios 1:3

Ac'o xc'uxubinoxuc, ac'o yac'boxuc jun avo'ntonic li Diose, ja' li Jtotique xchi'uc li Cajvaltic Jesucristoe.

2 Corintios 1:2

Ac'o xc'uxubinoxuc, ac'o spasboxuc ta jun avo'ntonic li Diose, ja' li Jtotique, xchi'uc li Cajvaltic Jesucristoe.

Hebreos 13:8

Li Jesucristoe mu sna' xjel o. Ja'o volje, ja'o li' ta ora; ja'o c'alal ta sbatel osil.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 1:11

Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Apocalipsis 1:20

Li vucub c'anal jtsacoj ta jbats'ic'ob laj avile xchi'uc li vucub candelero pasbil ta c'anal taq'uine, ja' jech smelol chac li'i: Li vucub c'anale ja' li j'almantal ta jujutsob jch'unolajeletic ta vucub lume. Li vucub candeleroe ja' li vuctsob jch'unolajeletique”, xiyutun li Cajvaltique.

Apocalipsis 1:8

Jech chal li Cajvaltic Diose: “Vu'un sliquebun, vu'un slajebun”,, xi. Ja' li Boch'o te ono'ox oy oe, xchi'uc ti te oy o c'alal to tanae xchi'uc ti te oy o sbatel osile, ti ech'em svu'ele.

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 16:5

Laj ca'ay ic'opoj li j'almantal ti sventainoj vo'etique, jech laj yal: “Li vo'ote toj tuc' c'usi chapas, vo'ot ti cuxulot oe, ti te ono'ox oyot o ta vo'onee, vo'ot Ch'ul Diosot. Tuc' lachapanvan, laj xa avac'be stojol li mulile.

Apocalipsis 2:12

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Pergamoe: ‘Li boch'o yich'oj espada ti lec ts'ubts'ub sni', xchi'uc ti lec juxbil xcha'jotal yee, jech chayalboxuc:

Apocalipsis 2:18

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Tiatirae: ‘Li Xnich'on Dios ti xpulpun no'ox jujubej sat jech chac c'u cha'al yat c'oq'ue, xchi'uc ti sts'ayayet yacan jech chac c'u cha'al bronce taq'uin c'alal me ch'ulbil xa leque, jech chayalboxuc:

Apocalipsis 2:8

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Esmirnae: ‘Li Boch'o te oy ta sliqueb xchi'uc ta slajebe, ja' ti icham xchi'uc ti icha'cuxie, jech chayalboxuc:

Apocalipsis 22:16

“Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.

Apocalipsis 22:8

Vu'un li Juanune, laj ca'ay, laj quil scotol. C'alal laj ca'ay, laj quil scotole, la jquejan jba ta stojol li j'almantal ti laj yac'bun quil scotole, yu'un chquich' ta muc'.

Apocalipsis 3:1

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Sardise: ‘Li boch'o te oy ta stojol li vucub espíritu yu'un Diose xchi'uc li vucbej c'analetique, jech chayalboxuc: Li vu'une xcotquin li avabtelique. Lec cuxuloxuc ta alel, pero chamenoxuc.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye:

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Apocalipsis 4:5

Ta muc'ta chotlebale te chloc' sacsevuletic, xchi'uc xc'ulet no'ox chauquetic. Ta yeloval li chotlebale oy vucub candil te tsanajtic; le'e ja' li vucub espíritu yu'un Diose.

Apocalipsis 4:8

Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Apocalipsis 5:6

C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.

Apocalipsis 8:2

Laj quil i'ac'bat yoq'uesic li vucub j'almantaletic te va'ajtic o ta stojol Diose.