Apocalipsis 1:18 - Bible in Tzotzil de Chenalhó with Deuterocanon

¹⁸ Vu'un ti jtalel cuxulun oe. Licham, pero licha'cuxi; cuxulun o sbatel osil. Vu'un jventainoj scotol. Vu'un oy ta jc'ob sllavial li lajele xchi'uc li yavil animaetique.

Tzotzil Zinacantan

¹⁸ Voꞌon ti cuxulon ta sbatel osile. Licham pero lichaꞌcuxi. Lavie cuxulon ta sbatel osil. Voꞌon jcuentainoj scotol. Voꞌon chcal ti muchꞌu ta xchame. Voꞌon chcal ti bu ta xbat li xchꞌulelique.

Bible in Tzotzil de Chamula

¹⁸ Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Tzotzil San Andres

¹⁸ Joꞌon ti jtalel cuxulun oe. Licham pero lichaꞌcuxi nojtoc. Jech cuxulun o sbatel osil. Joꞌon jventainoj scotol. Joꞌon chcal li buchꞌutic ta xchamique. Joꞌon chcal nojtoc li buchꞌutic ta xcolique schiꞌuc li buchꞌutic ta xchꞌayic o sbatel osile.

Tzotzil de Huixtán

¹⁸ Ho'on jtalel cuxulun. Ho'on ti nichame, nicha'cuxi xa. Cuxulun sbatel osil. Ho'on jventainoj scotolic mi ichamic xae. Ho'on chcal ti much'utic chcolique xchi'uc ti much'utic ch'ayel chbatique.

Apocalipsis 1:18 Iomraidhean Croise

Job 19:25

Jna'oj ti cuxul li Jpojvanej cu'une; ta slajeb ja' chlic sva'an sba cu'un li' ta banamil.

Job 38:17

¿Me oy ac'bilot aq'uel bu oy sti' li yavil lajele? ¿Me oy avilojbe sti' li yavil ch'ulelaletique?

Salmos 18:46

Toj lec li Muc'ul Diose. Ich'biluc ta muc' yu'un ja' jnac'ubbail. Ac'o muq'uibuc sc'oplal li Diose, ja' li jcoltavanej cu'une.

Salmos 68:20

Li Dios cu'untique ja' no'ox jun Dios ti chcoltavane, xchi'uc ja' xu' yu'un chiscoltautic ta sventa lajel.

Isaías 22:22

Li muc'ta llavi ti toj ole ja' ta jcajanbe ta snecub li smomnich'on Davide. C'alal tsjame, mu'yuc boch'o yan xu' tsmac; C'alal tsmaque, mu'yuc boch'o yan xu' tsjam.

San Mateo 11:23

Li vo'ote Capernaum, ¿me chacuy ti chatoy batel c'alal ta vinajele? Mu'yuc. C'alal to ta yavil animaetic chavich' jipel yalel. Lajuc yilic la jpas sq'uelubil jtsatsal ta stojolic ec li lum Sodoma jech chac c'u cha'al laj yich' pasel te ta atojole, te to oy o tana li lum Sodoma ti jechuque.

San Mateo 16:19

Vo'ot chacac'bot sllavial li ventainel yu'un Dios ta vinajele. Scotol li boch'o chachuc li' ta banamile chucul chc'ot c'alal ta vinajel. Scotol li boch'o chacolta li' ta banamile colem chc'ot c'alal ta vinajel —x'utat yu'un li Jesuse.

San Lucas 24:5

Toj xi'el ic'otic li antsetique, la snijan sbaic ta banamil. Jech i'albatic: —¿C'u yu'un tal asa'ic li' ta muquinal li Boch'o cuxul oe?

San Juan 11:25

Li Jesuse jech laj yalbe: —Vu'un jcha'cuxesvanejun, xchi'uc vu'un j'ac'cuxlejalun. Li boch'o ta xch'un ti vu'un Jcoltavanejune, ac'o me ta xcham, pero ta xcuxiic sbatel osil.

San Juan 14:19

Mu xa jaluc li' oyun. Li cristianoetic li' ta banamile mu'yuc xa bu chiyilicun o. Pero li vo'oxuque ta to xavilicun, yu'un li vu'une cuxulun o; ja' no'ox jech chacuxiic ec li vo'oxuque.

Romanos 6:9

Yu'un ta jna'tic ti mu xa xcham yan velta li Cristoe, yu'un icha'cuxesat xa. Mu'yuc xa stsatsal ta stojol li lajele.

2 Corintios 13:4

Ta melel mu'yuc stsatsal ti c'alal ijoc'anat ta cruze, pero tana cuxul ta sventa svu'el li Diose. Ja' no'ox jech ec li vu'uncutique mu'yuc jtsatsal chi'ilatcutic, pero ta sventa ti jun c'otemuncutic xchi'uque, co'ol cuxuluncutic ta sventa svu'el Dios ta atojolic.

Gálatas 2:20

Ja' yu'un co'ol lijoc'anat ta cruz jchi'uc Cristo ic'ot. Jech muc xa vu'ucun ti li' cuxulune. Ja' xa Cristo li' cuxul ta jtojol. Li jcuxlejal li' quich'oj ta jbec'tal ta orae, cuxul ta sventa xch'unojel co'nton ta stojol li Xnich'on Diose, ja' li Boch'o ep la sc'anune, ti laj yac' sba ta milel ta jcoje.

Colosenses 3:3

Yu'un chamenoxuc xa ya'yel. Ja' xa cuxuloxuc ta sventa li Cristo ti junic xchi'uc Diose. Ja' te nac'al ta stojol li acuxlejalique.

Hebreos 1:3

Ja' ta sventa ivinaj c'u x'elan slequil yutsil li Diose xchi'uc c'u x'elan stalel. Jech noxtoc ja' ta sventa sc'op, ta sventa svu'el lec oy scotol li c'usitic oye. C'alal ilaj yabtel sventa la xch'aybutic jmultique, ibat chotluc ta sbats'ic'ob Dios ta toyol.

Hebreos 12:2

Ja' te ac'o cac' batel jsatic ta stojol li Jesuse, ja' li boch'o chac' xch'unojel co'ntontique, xchi'uc li boch'o tsvu'ese. Ja' li boch'o laj yich' vocol ta cruze, ti mu'yuc sc'oplal laj ya'ay li q'uexlale, yu'un la sna' ti xcuxet no'ox yo'nton ta ts'acale. Jech ibat chotluc ta sbats'ic'ob Dios yo' bu tspas mantale.

Hebreos 7:16

Muc xa ja'uc jech laj yich' va'anel jech chac c'u cha'al chal li mantaletic ta sventa boch'otic sc'oplal ja' ch-ochilanic ta paleale. Ja' jech yabtel laj yich' jech chac c'u cha'al xu' yu'un ta sventa svu'ele, xchi'uc ta sventa ti mu'yuc slajeb xcuxlejale.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

Apocalipsis 10:6

Jech laj yal ta sbi li Boch'o cuxul o sbatel osile, ja' li Boch'o la spas vinajel xchi'uc scotol c'usitic te oye. Ja' li Boch'o la spas banamil xchi'uc scotol c'usitic te oye, xchi'uc ti la spas nabetic xchi'uc scotol c'usitic te oye. Jech laj yal: “Mu'yuc xa ep c'ac'al sc'an xc'ot ta pasel.

Apocalipsis 15:7

Li chanib c'usi cuxajtic te oyic ta stojol Diose, oy jun yu'unic ja' laj yac'be jujun taza li vucub j'almantaletique. Li tazaetique pasbilic ta c'anal taq'uin, nojemic ta sc'ac'al yo'nton li Dios ti cuxul o sbatel osile.

Apocalipsis 2:8

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Esmirnae: ‘Li Boch'o te oy ta sliqueb xchi'uc ta slajebe, ja' ti icham xchi'uc ti icha'cuxie, jech chayalboxuc:

Apocalipsis 20:13

Yu'un li nabe laj yac' ta c'abal scotol li boch'otic te ichamic ta yute. Li lajel xchi'uc li yavil animaetique laj yaq'uic ta c'abal ec ti c'u yepal te snac'ojique. Jech scotolic lic yich'ic chapanel ta sventa ti c'u x'elan yabtelique.

Apocalipsis 20:14

Ja' no'ox jech ec li lajel xchi'uc yavil animaetique ijipatic ochel ta muc'ta c'oc'. Le'e ja' li xchibal velta lajele.

Apocalipsis 3:7

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Apocalipsis 4:9

C'alal ja'o chalbeic slequilal, ja'o chich'ic ta muc', xchi'uc tstojbeic ta vocol li Boch'o te chotol ta chotlebale, ja' li Boch'o cuxul o sbatel osile.

Apocalipsis 5:14

Li chanib c'usi cuxajtique jech laj yalic ec: “Jechuc”, xiic. Li chanib xcha'vinic (24) banquilaletique la spatan sbaic ta banamil; laj yich'ic ta muc' li Boch'o cuxul o sbatel osile.

Apocalipsis 6:8

La jq'uel, ja' to laj quil te oy jcot ca', sacvayan sc'anal. Li boch'o scajlebinoje ja' Lajel sbi. Ja' te nabal batel yu'un li Yavil Animaetic sbie. I'ac'bat svu'el sventa ch-och ta sc'ob o'lol jvoc' li cristianoetic ta banamile, yu'un jech ac'o chamicuc ta espada, ta vi'nal, ta tsatsal chamel, xchi'uc ac'o lajicuc ta ti'el ta chonbolometic.

Apocalipsis 9:1

C'alal la sjupan yoq'ues li yo'bal j'almantale, laj quil bajem tal ta banamil jbej c'anal. Ja' i'ac'bat sllavial li natil xabe.

1 Samuel 2:6

Li Muc'ul Diose ja' chac' chijcham; ja' chac' chijcuxi. Ja' chac' chijyal ta yavil animaetic; ja' chisloq'uesutic tal noxtoc.