Apocalipsis 1:16 - Bible in Tzotzil de Chenalhó with Deuterocanon

¹⁶ Stsacoj ta sbats'ic'ob vucbej c'anal, xchi'uc chloc' espada ta ye. Li espadae lec ts'ubts'ub sni', xchi'uc lec juxbil xcha'jotal ye. Li sate xojoban jech chac c'u cha'al c'alal toj c'ux li c'ac'ale.

Tzotzil Zinacantan

¹⁶ Stomoj ta sbatsꞌicꞌob vucpꞌej cꞌanal yilel. Chlocꞌ tal espada ta ye yilel. Lec juxbil xchaꞌjotol ye li espadae. Sjunlej li sate oy xojobal, coꞌol xchiꞌuc xojobal cꞌacꞌal yilel.

Bible in Tzotzil de Chamula

¹⁶ Ti ta sbats'i c'obe stsacoj vucbej c'anal. Ja' jech xtoc co'ol s'elan jich'il espada yich'oj cha'jot ye ta xloc' talel ta ye. Sjunul ti sate co'ol s'elan xojobal c'ac'al ti c'alal tsots xnobet ti xojobale.

Tzotzil San Andres

¹⁶ Te stsacoj ta sbatsꞌicꞌob jucpꞌej cꞌanal schiꞌuc ta xlocꞌ machita ta ye. Chaꞌjot ye pasbil li machitae, lec juxbil schaꞌjotol. Li sate xojobian tajmec jech chac cꞌu chaꞌal li cꞌacꞌale.

Tzotzil de Huixtán

¹⁶ Stsacoj ti sbats'ic'ob hucub c'analetic. Ja' chloc' ti ye uc espada. Chib ye ti espadae. Lec ti yee. Sjunul ti sate chquevan hech chaj c'u che'el chquevan tal c'ac'al hech chaj c'u che'el staoj o'lol c'ac'ale.

Apocalipsis 1:16 Iomraidhean Croise

Job 38:7

c'alal ja'o chq'uejinic li c'analetic ta sacubbale, ti c'alal xcuxet no'ox yo'nton scotol li j'almantaletic cu'un ta vinajele?

Salmos 45:3

Chuquino lec avespada, vo'ot ti lec tsots avo'ntone; ja' at'ujumal, axi'elal ac'o c'otuc.

Cantares 6:10

Boch'o le'e ti xco'laj xchi'uc yibel vinajel c'alal chacpojan xae, ti lec c'upil sba jech chac c'u cha'al u, ti xojoban no'ox jech chac c'u cha'al c'ac'ale, xchi'uc ti chch'ay co'ntontic yu'un jech chac c'u cha'al soldadoetic ti c'alal lec jmoj chchan yacanique.

Isaías 11:4

Tuc' ta xchapan li boch'otic mu sna' spoj sbaique; ja' chal c'u x'elan lec chcom li boch'otic abul sbaique. Ta stsatsal sc'op no'ox chac'be stoj smul li cristianoetic ta banamile; ta yic'al ye no'ox tsmil li boch'o chopolique.

Isaías 24:23

C'alal chlic abtejuc jech chac c'u cha'al muc'ta ajvalil te ta vits Sión ta Jerusalén li Muc'ul Dios ti ech'em svu'ele, chlic macuc xojobal li u xchi'uc c'ac'ale; li banquilaletic te ta lum yu'une ta xilbeic slequilal yutsilal li Muc'ul Diose.

Isaías 49:2

Li quee la sc'atajesbun jech chac c'u cha'al espada ti lec juxbil yee; la smacun lec ta xyaxinal sc'ob; la sc'atajesun jech chac c'u cha'al flecha ti lec ts'ubts'ub sni'e; la snac'un lec ta scajonal yabtejeb.

Daniel 12:3

Li boch'otic bijique sacmesanic no'ox jech chac c'u cha'al vinajel; li boch'otic la xchanubtasic, la sbijubtasic ep cristianoetique sbatel osil ja' jechic o jech chac c'u cha'al c'analetic.

Daniel 8:10

Solel imuq'uib batel; ic'ot c'alal to yo' bu oy li yu'untac Diose. La sjip ta lum jayibuc li c'analetique; la xpech' ta teq'uel.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

Hechos 26:13

Ajvalil Agripa, ta o'lol c'ac'al c'alal oyun batel ta bee, laj quil jun tsatsal luz ta vinajel. Bats'i tsots xojobal ivul ta jtojol; ja' jutuc xojobal icom li c'ac'ale. Joyibtabilun lic'otcutic jchi'uc li jchi'iltac ta xanubale.

Efesios 6:17

Aq'uic me li smac ajolique, ja' ti ach'unoj ti chacolique. Tsaquic me li avespadaic chayac'boxuc Ch'ul Espiritue, ja' li sc'op Diose.

Hebreos 4:12

Yu'un li sc'op Diose cuxul, oy stsatsal, ech'em to jech chtuch' jelovel yu'un jech chac c'u cha'al espada ti cha'jot lec yee. Ch-och c'alal to ta yut jol co'ntontic. Tsli' jelovel c'alal to ta jts'acaliltic, c'alal to ta jch'uxuviltic. Xchi'uc sna' c'usi oy ta co'ntontic, xchi'uc c'usitic ta jnoptic.

Apocalipsis 1:20

Li vucub c'anal jtsacoj ta jbats'ic'ob laj avile xchi'uc li vucub candelero pasbil ta c'anal taq'uine, ja' jech smelol chac li'i: Li vucub c'anale ja' li j'almantal ta jujutsob jch'unolajeletic ta vucub lume. Li vucub candeleroe ja' li vuctsob jch'unolajeletique”, xiyutun li Cajvaltique.

Apocalipsis 10:1

Laj quil iyal tal ta banamil yan j'almantal ech'em stsatsal. Pixil ta toc iyal tal, xchi'uc oy vacnabal ta sjol. Li sate oy xojobal jech chac c'u cha'al xojobal c'ac'al. Li yacane ja' jech chac c'u cha'al natiquil yat c'oc'.

Apocalipsis 12:1

Laj quil noxtoc jun tsots senyail ta vinajel. Ja' jun ants ti slapoj li c'ac'ale; ja' stec'oj li ue. Oy scoronail sjol yich'oj lajcha'bej c'analetic.

Apocalipsis 19:15

Li C'ope chloc' espada ta ye. Li espadae lec juxbil ye. Ja' sventa tsmil o li cristianoetic ta jujun banamile. Ja' tslilin o ta svaston ti pasbil ta tsatsal taq'uine. Ja' tstec' noxtoc li yavil spits'ubil ya'lel ts'usub ti nojem ta tsots sc'ac'al yo'nton li Dios ti ech'em svu'ele.

Apocalipsis 19:21

Scotol li yantique imilatic ta espada ti chloc' ta ye li boch'o cajal ta ca'e. Jech ital ti'batuc sbec'talic yu'un li xulemetique; solel x'ech'et xa yo'ntonic ta sti'el.

Apocalipsis 2:1

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Efesoe: ‘Li Boch'o stsacoj ta sbats'ic'ob vucub c'anale xchi'uc ti te chanov ta o'lol li vucub candeleroe, jech chayalboxuc:

Apocalipsis 2:12

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Pergamoe: ‘Li boch'o yich'oj espada ti lec ts'ubts'ub sni', xchi'uc ti lec juxbil xcha'jotal yee, jech chayalboxuc:

Apocalipsis 2:16

Ja' yu'un suteso me avo'ntonic. Me mu xasutes avo'ntonique, chital ta ora ta atojolic; vu'un jtuc chtal jcontrain xchi'uc li espada chloc' ta quee.

Apocalipsis 3:1

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Sardise: ‘Li boch'o te oy ta stojol li vucub espíritu yu'un Diose xchi'uc li vucbej c'analetique, jech chayalboxuc: Li vu'une xcotquin li avabtelique. Lec cuxuloxuc ta alel, pero chamenoxuc.

Jueces 3:16

Li Aode oy spasoj jun espada lec cha'jot ye, jutuc mu sta o'lol metro snatil; la xch'ic batel ta xch'ut ta yut sc'u' ta stuq'uil sbats'ic'ob.

Jueces 5:31

“Ja' jech chavules scotol avajcontra, vo'ot li Muc'ul Diosote. Pero li boch'o chasc'anote ac'o yac' xojobal jech chac c'u cha'al lec xojoban li c'ac'ale”, xi li sq'ueojique. C'alal i'ech' scotol le'e, cha'vinic (40) jabil ipaj pleito te ta yosilalic.