Apocalipsis 1:15 - Bible in Tzotzil de Chenalhó with Deuterocanon

¹⁵ Li yacane sts'ayayet jech chac c'u cha'al bronce taq'uin c'alal chic'bil ta horno scotol li yic'ubale. C'alal chc'opoje, ja' jech chac c'u cha'al nojelal uc'um.

Tzotzil Zinacantan

¹⁵ Li yoque stsꞌaytsꞌon tajmec, coꞌol xchiꞌuc covre yilel cꞌalal cꞌaqꞌuem xa scotol li yicꞌubale. Tsots tajmec chcꞌopoj, coꞌol xchiꞌuc bu xpomomet mucꞌta ucꞌum.

Bible in Tzotzil de Chamula

¹⁵ Ti yoque xojobin no'ox yutsil jech c'u cha'al ti ch'ulbil tsatsal c'anal taq'uin ti laj yich' ch'ulel ta c'oq'ue. Ti sc'opojel xtoque co'ol s'elan yech'omal epal uc'umetic.

Tzotzil San Andres

¹⁵ Li yoque stsꞌaytsꞌun tajmec jech chac cꞌu chaꞌal li cꞌanal taqꞌuin mi cꞌaqꞌuem xa li yicꞌubale. Cꞌalal chcꞌopoje, jaꞌ jech chac cꞌu chaꞌal mucꞌtic yalemoꞌ ti xpomomet tajmec chyal li ucꞌume.

Tzotzil de Huixtán

¹⁵ Ti yacane chquevan hech chaj c'u che'el chquevan cobre taq'uin yu'un ti ilecubtasat xa yu'un ti c'oq'ue. Ti sc'ope ja' hech chaj c'u che'el x'i'et no'ox ti uc'ume mi inoje.

Apocalipsis 1:15 Iomraidhean Croise

Salmos 93:4

Pero vo'ot ti te oyot ta toyole toj ven ech'em avu'el, x'ech' to jech chac c'u cha'al yip c'alal tsyuc' sba li nabetique, x'ech' to jech chac c'u cha'al stsatsal chbac' li muc'tiquil nabe.

Isaías 17:13

Pero c'alal tsots chich' c'opanel yu'un Diose, chjatovic batel ta anil ta nom, jech chac c'u cha'al jobel ti cuchbil batel ta vitsetic yu'un muc'ta iq'ue, jech chac c'u cha'al pucuc ti ts'otbil batel ta sutub iq'ue.

Ezequiel 1:24

Ti c'alal chanovique, laj ca'ay chbac' li xiq'uique. Ja' jech chbac' jech chac c'u cha'al nojelal uc'um, jech chac c'u cha'al sc'op li Boch'o ech'em svu'ele, jech chac c'u cha'al xvochet epal cristianoetic, xchi'uc jech chac c'u cha'al epal soldadoetic. C'alal chpajic ta xanubale, tsyales li xiq'uique.

Ezequiel 1:7

Li yacanique tuc' telajtic. Li xpoch'omal yacanique cha'xol jech chac c'u cha'al yacan bic'tal vacax. Xlebte-lebteic ta q'uelel jech chac c'u cha'al bronce ti lec juxbile.

Ezequiel 40:3

Ja' te laj yic'un batel li Diose, jech te laj quil jun vinic va'al ta ti'na xco'laj xchi'uc bronce taq'uin; stsacoj jlic xch'ojon pasbil ta lino no, xchi'uc jch'ix aj sventa oy c'usi tsbis o.

Ezequiel 43:2

Laj quil iloc' tal ta sloq'ueb c'ac'al xojobal li Muc'ul Dios yu'un Israele. Laj ca'ay bats'i tsots xvo'et jech chac c'u cha'al nojelal uc'um. Li banamile isacub ta xojobal.

Daniel 10:6

Li sbec'tale sts'ayayet jech chac c'u cha'al topacio ton. Li sate xojoban jech chac c'u cha'al sacsevul. Li sbec' sate xpulpun jech chac c'u cha'al toj. Li yoc' sc'obe sts'ayayet jech chac c'u cha'al bronce ti lecubtasbil xa ta c'oq'ue. Li sc'opojele ja' jech chac c'u cha'al yech'al ye epal cristiano.

Apocalipsis 10:1

Laj quil iyal tal ta banamil yan j'almantal ech'em stsatsal. Pixil ta toc iyal tal, xchi'uc oy vacnabal ta sjol. Li sate oy xojobal jech chac c'u cha'al xojobal c'ac'al. Li yacane ja' jech chac c'u cha'al natiquil yat c'oc'.

Apocalipsis 14:2

Laj ca'ay oy c'usi tsots chbac' ta vinajel, xco'laj xchi'uc xbac' nojelal uc'um, xco'laj xchi'uc yech'al tsatsal chauc, xco'laj xchi'uc chich' tijel epal arpaetic.

Apocalipsis 19:6

Laj ca'ay oy c'usi chbac', xco'laj xchi'uc chc'opoj epal cristianoetic, xco'laj xchi'uc chbac' yalem vo', xco'laj xchi'uc chbac' chauc, jech laj yalic: “Coliyal li Diose, yu'un ja' xa chlic spas mantal stuc li Cajvaltique, ja' li Dios cu'untic ti ech'em svu'ele.

Apocalipsis 2:18

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Tiatirae: ‘Li Xnich'on Dios ti xpulpun no'ox jujubej sat jech chac c'u cha'al yat c'oq'ue, xchi'uc ti sts'ayayet yacan jech chac c'u cha'al bronce taq'uin c'alal me ch'ulbil xa leque, jech chayalboxuc: