Apocalipsis 1:13 - Bible in Tzotzil de Chenalhó with Deuterocanon

¹³ Ta o'lol li vucub candeleroe oy boch'o te oy xco'laj xchi'uc cristiano yilel. Natil c'u'il slapoj, c'otem c'alal to ta snuc' yacan. Oy xchuc, chucul ta sna yo'nton pasbil ta c'anal taq'uin.

Tzotzil Zinacantan

¹³ Ta oꞌlol yoꞌ bu vuchajtic li vucub candeleroe iquil ti oy muchꞌu tey vaꞌale, coꞌol xchiꞌuc crixchano yilel. Nat scꞌuꞌ xtolet cꞌalal yoc. Oy cꞌusi chucul ta stiꞌ yoꞌon naca oro yilel.

Bible in Tzotzil de Chamula

¹³ Ta o'lol ti bu oy ti vucub yav cantilae, laj quil ti oy Buch'u va'al ti xco'olaj jech c'u cha'al xchi'uc vinic, c'otem c'alal to lumtic ti yoc sc'u' slapoje, xchi'uc c'otem ta sti' yo'nton ti oro chuquil xchuquinoje.

Tzotzil San Andres

¹³ Ta oꞌlol li jucub cuxanob cantelae iquil ti oy buchꞌu te vaꞌal coꞌol schiꞌuc crixchano yilel. Tolen cꞌuꞌil slapoj, schiꞌuc oy schuc coꞌol schiꞌuc cꞌanal taqꞌuin chucul ta stiꞌ yoꞌon.

Tzotzil de Huixtán

¹³ Cacal ti o'lol yo' bu oy ti hucub candeleroe oy much'u jun to crixchano x'elan. Ti sc'u' slapoje, nat. Oy xincha xchucoj ti sti' yo'nton. Pasbil ti c'anal taq'uin ti xinchae.

Apocalipsis 1:13 Iomraidhean Croise

Éxodo 39:5

Li xchuquilal mocan c'u'ile ja' co'ol laj yich' jalel, ja' ta c'anal taq'uin, ta yax'elan poc', ta ic'ic'tic sba stsajal, ta bats'i tsoj, xchi'uc ta lino no jech chac c'u cha'al i'albat yu'un Muc'ul Dios li Moisese.

Isaías 11:5

Puru tuc' c'usi oy ta yo'nton, puru melel scotol c'usi chal.

Daniel 10:16

Pero li boch'o xco'laj xchi'uc cristiano yilele la spicbun li quee, jech te lic c'opojcun, jech laj calbe li boch'o te oy ta jts'ele: ‘Cajval, li c'usi laj avac'bun quile chiyac'bun ep jvocol; solel la slajesbun jtsatsal chca'ay.

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Daniel 7:9

“Te jq'ueloj o c'alal laj yaq'uic lequil chotlebaletic. Te ichoti li Boch'o mu sna' xlaj yoraile. Li sc'u'e toj ven sac jech chac c'u cha'al tayo; li stsotsil sjole sac ta jyalel jech chac c'u cha'al saquil tsots. Li xchotlebe tsanal yilel jech chac c'u cha'al yat c'oc'; li yacantac xchotlebe xpulpun sc'ac'al yilel.

Levítico 8:7

Laj yac'be slap li natil c'u'il ti oy sc'obe; la xchucbe lec xchuquilal. Ja'o la slapbe noxtoc li yan natil c'u'ile. Ja'o laj yac'be slap noxtoc li mocan c'u'ile; la xchucbe lec ta xchuquilal stuc.

Hebreos 4:15

Yu'un mu ja'uc jun banquilal pale cu'untic ti mu sna' c'u x'elan jvocoltic ta scoj ti mu'yuc jtsatsaltique. Ja' jun Banquilal Pale ti laj yich' pasbel preva scotol jech chac c'u cha'al vu'utique, pero li stuque mu'yuc smul.

Apocalipsis 14:14

C'alal te jq'ueloje, laj quil jun saquil toc. Ta sba li toque oy boch'o te chotol xco'laj xchi'uc cristiano. Oy scoronail sjol pasbil ta c'anal taq'uin, xchi'uc stsacoj jun sjoz lec juxbil ye.

Apocalipsis 15:6

Ja' te iloq'uic tal li vucub j'almantaletic ti yich'ojic li vucub tsatsal vocole. Li sc'u' slapojique pasbilic ta bats'i lino no, oy xojobal. Oy xchuquic noxtoc pasbil ta c'anal taq'uin chucul ta sna yo'ntonic.

Apocalipsis 2:1

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Efesoe: ‘Li Boch'o stsacoj ta sbats'ic'ob vucub c'anale xchi'uc ti te chanov ta o'lol li vucub candeleroe, jech chayalboxuc: