Apocalipsis 1:1 - Bible in Tzotzil de Chenalhó with Deuterocanon

¹ Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Tzotzil Zinacantan

¹ Li vun liꞌi jaꞌ liꞌ tsꞌibabil ti cꞌusitic chlaj taluc ta tsꞌacale ti iꞌalbat yuꞌun Riox ti Jesucristoe. Ti iꞌalbate, voꞌotic xa chiyalbotic ti chitunotic yuꞌune. Yechꞌo ti istac tal ti yajꞌanjele, tal yalbon voꞌon li Juanone, ti chitun yuꞌune.

Bible in Tzotzil de Chamula

¹ Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Tzotzil San Andres

¹ Li jun liꞌi jaꞌ li cꞌustic iꞌalbat yuꞌun Dios li Jesucristoe ti poꞌot xa chcꞌot ta pasele. Ti jech iꞌalbate, yuꞌun jaꞌ chijyalbutic eꞌuc, joꞌotic ti ta jpasbetic li cꞌustic tscꞌane. Jaꞌ yuꞌun la stac talel li yajꞌangele, tal scꞌoponun, joꞌon li Juanune, joꞌon li ta jpasbe li cꞌustic tscꞌane.

Tzotzil de Huixtán

¹ Avi hun to ja' sc'opilal ti c'usi po'ot xa chc'ot ti pasele ti i'ac'bat sna' ti Jesucristoe yu'un ti Diose. Yu'un ti i'ac'bat sna' ti Jesuse, yu'un hech chijyac'bucutic jna'tic ti ho'ucutic ti chcajvalintique. Hech yu'un laj stac talel ti xch'ul abate, tal sc'oponun ho'on ti Juanune, ho'on ti chi'abtej yu'une.

Apocalipsis 1:1 Iomraidhean Croise

Salmos 25:14

Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.

Daniel 8:16

Ta ora no'ox oy boch'o ic'opoj tal te ta ti' uc'um Ulai; tsots i'avan, jech laj yal: ‘Gabriel, albo ya'ay smelol c'usi laj yil ta xch'ulel li vinique’, xi.

Daniel 9:21

ja'o te laj yac' sba ta ilel ta jtojol li Gabriele, ja' li Gabriel ti laj ono'ox quil ta jch'ulel ta sliquebe. Te xvilet tal ta jtojol. Ja' jech ora jech chac c'u cha'al yorail chich' aq'uel milbil matanal ta stojol Dios ta bat c'ac'ale.

Daniel 9:23

C'alal ja' to no'ox lic ac'anbe vocol li Diose, iloc' xa'ox mantal ti ac'o c'otuc ta pasel c'usi laj ac'ane. Jech vu'un tal cac'bot ana', yu'un toj lec c'anbilot. Ja' yu'un, a'yo lec ava'ay li c'usi chcale xchi'uc li c'usi li' chavile.

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.

San Juan 12:49

Yu'un ma'uc laj cal c'usi oy ta co'nton jtuc. Ja' Jtot laj yalbun mantal c'usi xu' chcal, xchi'uc c'u x'elan chic'opoj, ja' li boch'o la stacun tale.

San Juan 15:15

Li vo'oxuque muc xa no'ox caj'abtelucoxuc chca'ay, yu'un li boch'o j'abtel no'oxe mu sna' c'usitic tspas li yajvale. Bats'i jchi'iloxuc xa, yu'un laj xa calboxuc ava'yic scotol li c'usitic ca'yoj tal ta stojol Jtote.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 3:32

Li c'usi yiloj, xchi'uc c'usi ya'yoj tale ja' ta xal. Pero mu'yuc boch'o chich'beic ta muc'.

San Juan 8:26

Oy ep c'usi ta xcalboxuc ox, xchi'uc ta ox xcalboxuc c'u x'elan amulic, pero ja' no'ox ta xcal c'usi ca'yoj tal ta stojol li Jtot ti la stacun tale. Li Jtote melel scotol c'usi chal —xi li Jesuse.

Romanos 16:25

Ac'o ich'atuc ta muc' li Dios ti ech'em stsatsale, ti xu' yu'un ta stsatsubtasboxuc avo'ntonic jech chac c'u cha'al chal li Lequil A'yej ta jchole, ja' li sc'oplal Cajvaltic Jesucristoe. Yu'un jech ono'ox chapal yu'un Dios ta sliquebal ti mu'yuc to'ox boch'o la sna'e.

Gálatas 1:12

Li vu'une muc ta cristianouc la jch'am tal, muc cristianouc la jchanbe. Ja' laj yac'bun jna', ja' laj yac'bun quil ta jch'ulel stuc li Jesucristoe.

Efesios 3:3

Ja' laj yac'bun jna' li c'usi snopoj ta vo'one ti mu'yuc boch'o la sna'e, jech chac c'u cha'al laj xa ono'ox jts'ibaboxuc tal jutuque.

SUN TITO 1:1

Vu'un Pabloun, yajtunelun Dios xchi'uc yajtacbolalun li Jesucristoe, yu'un jech ac'o xch'unic li boch'otic t'ujbilic yu'un Diose, xchi'uc ac'o yotquinic li c'usi melele, jech chac c'u cha'al jch'unojtique.

Apocalipsis 1:19

Ts'ibao ta vun li c'usi laj xa avile, xchi'uc li c'usi li' chc'ot ta pasel ta orae, xchi'uc li c'usitic chc'ot ta pasel ta ts'acale.

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 17:1

Ital sc'opanun jun li vucub j'almantaletic yich'oj jujun stazaique, jech laj yalbun: “La', chacac'bot avil c'u x'elan tstoj smul li me' jmulavil ants te chotol ta sba epal vo'e.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.

Apocalipsis 19:9

Li j'almantale jech laj yalbun: “Jech xats'iba ta vun: ‘Xcuxet no'ox yo'nton li boch'otic ic'bilic ta ve'el ta q'uin c'alal chnupin li Ch'ium Chije’, xi xats'iba”, xiyutun. Jech laj yalbun noxtoc: “Li'i ja' li c'usi yaloj Dios ti ja' melele”, xiyutun.

Apocalipsis 21:2

Laj quil chyal tal ta vinajel li ch'ul lume, ja' li ach' Jerusalene. Te ilic tal ta stojol Dios ta vinajel. Lec chapal iyal tal jech chac c'u cha'al jun tseb ti lec smeltsanoj sba c'alal yu'un xa chnupine.

Apocalipsis 21:9

Li vucub j'almantaletic yich'oj jujun stazaic nojemic ta slajeb li yan vucub tsatsal vocole, ital sc'opanun jun, jech laj yalbun: “La' li'i, chacac'bot avil yajnil li Ch'ium Chij ti chapal xa sventa chic' oe”, xiyutun.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:16

“Vu'un Jesusun, vu'un la jtac tal caj'almantal, yu'un ja' chac'be sna' jujutsob jch'unolajel li c'usitic chc'ot ta pasele. Vu'un smomnich'onun li Davide. Ja' jechun jech chac c'u cha'al muc'ta c'anal ti xojoban ta po'ot sacubbale”, xiyutun li Jesuse.

Apocalipsis 22:6

Jech laj yalbun noxtoc li j'almantale: “Li c'op li'i ja' melel; persa chc'ot ta pasel. Li Cajvaltic Dios ti la sventainbe yo'nton yaj'alc'optaque ja' la stacun tal, vu'un li yaj'almantalune, yu'un chacac'boxuc ana'ic scotol c'usitic po'ot xa chc'ot ta pasel, vo'oxuc ti chatunic yu'une”, xiyutun.

Apocalipsis 22:8

Vu'un li Juanune, laj ca'ay, laj quil scotol. C'alal laj ca'ay, laj quil scotole, la jquejan jba ta stojol li j'almantal ti laj yac'bun quil scotole, yu'un chquich' ta muc'.

Apocalipsis 22:9

Pero jech laj yalbun: “Mu xapas jech, yu'un co'ol yajtunelutic Dios xchi'uc li achi'iltaque, ja' li yaj'alc'optac Diose xchi'uc li boch'otic ta xch'unic li c'op li' ts'ibabil ta vune. Ja' ich'o ta muc' stuc li Diose”, xiyutun.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.

Apocalipsis 5:7

Li Ch'ium Chije bat stsac li vun te stsacoj ta sbats'ic'ob li Boch'o te chotol ta chotlebale.