3 Juan 1:8 - Bible in Tzotzil de Chenalhó with Deuterocanon

⁸ Jech tsc'an ta jc'uxubintic li boch'o jech chanovique, yu'un co'ol ta jcolta jbatic o ta xcholel li sc'op Dios ti ja' melele.

Tzotzil Zinacantan

⁸ Más lec voꞌotic acꞌu jcoltatic ti muchꞌutic chalic aꞌyuc li scꞌop Rioxe, yoꞌ coꞌolcoꞌol ta jcolta o jbatic ta yalel aꞌyuque.

Bible in Tzotzil de Chamula

⁸ Jech o xal ti vo'otique, jbaintic ti scoltaelic yo' ta xalic batel sc'oplal ti bu ja' melele.

Tzotzil San Andres

⁸ Jaꞌ lec jcoltatic li buchꞌutic jech ta xꞌabtejic yuꞌun li Diose, jech coꞌol chijꞌabtejutic jchiꞌuctic. Jaꞌ jech chpuc o li scꞌop Dios ti jaꞌ melele.

Tzotzil de Huixtán

⁸ Hech yu'un ja' lec ti ho'ucutic ti jcoltatic ti much'u hech ch-abteje yu'un hech ti jcolta jbatic ti abtel xchi'uc yu'un hech chpuc ti c'op ti ja' melele.

3 Juan 1:8 Iomraidhean Croise

Salmos 94:16

¿Boch'o chlic tal, chtal scoltaun ta stsalel li boch'otic chopolique?

San Mateo 10:14

Me oy boch'o mu xayic'oxuque, me mu sc'an xa'ay ac'opique, loc'anic batel ta sna, o me ta lum. Lilino comel spucucal avacanic.

San Mateo 10:40

“Li boch'o chayich'oxuc ta muq'ue, ja' vu'un chiyich'un o ta muc'. Li boch'o chiyich'un ta muq'ue, ja' ta xich' o ta muc' li Boch'o la stacun tale.

San Lucas 11:7

Jech chtac'ov tal ta yut sna: ‘Mu xtal atijbun jvayel, yu'un jmacoj xa lec li jnae. Chivaycutic xa xchi'uc jnich'nab. Mu xa xu' chlic cac'bot’, xayutot.

2 Corintios 6:1

Ta sventa ti co'ol chi'abtejcutic xchi'uc li Diose, ja' yu'un chajc'anboxuc vocol ec: Mu me alticuc ti oy slequil yo'nton ta atojolic li Diose.

2 Corintios 8:23

Yan li Titoe xana'ic ti ja' jchi'ile xchi'uc ti co'ol li'abtejcutic te ta atojolique. Jech noxtoc li chib quermanotic ta xchi'in tale, xana'ic xa ti ja' t'ujbilic yu'un steclumal Cristoe, lec ich'bil ta muc' Cristo ta sventaic.

Filipenses 4:3

Ta jc'anbot vocol ec quermano, vo'ot li jchi'il jbatique ti co'ol jun co'ntontic chijtun yu'un Cajvaltique, avocoluc coltao me li antsetique, yu'un ja' co'ol la jts'iccutic vocol ta xcholel li Lequil A'yeje. Xchi'uc coltao me li Clementee xchi'uc li yantic jchi'iltac ta abtele. Le'e te xa ts'ibabil sbiic ta vun sventa cuxlejal sbatel osil.

Colosenses 4:11

Chabanuc xayalboxuc tal noxtoc li Jesús, ja' li Justo yan sbie. Le'e ja' jchi'iltac ti co'ol quich'oj circuncisión jchi'uque. Ja' no'ox stuquic ep chiscoltaicun ta xcholel li ventainel yu'un Diose. Lec chpat co'nton yu'unic.

1 Tesalonicenses 3:2

Jech la jtac tal li quermanotic Timoteoe, ja' li yajtunel Diose, ja' li jchi'il ta xcholel Lequil A'yej ta sventa Cristoe. Yu'un ja' chtal stsatsubtasboxuc avo'ntonic, chtal scoltaoxuc sventa ac'o ach'unic lec li Cajvaltique.

Filemón 1:2

Ta jc'opanoxuc tal achi'uc li jch'unolajel ants Apiae, xchi'uc li Arquipo ti co'ol chquich'tic vocol jchi'uctique, xchi'uc li jch'unolajeletic te tstsob sbaic ta anae.

Filemón 1:24

Chabanuc xayalbot noxtoc li Marcose, li Aristarcoe, li Demase, xchi'uc li Lucase, ja' li jchi'iltac ta abtele.

3 Juan 1:10

Ja' yu'un c'alal me litale, ta xcalbe ya'ay ti chopol c'usi tspase, yu'un chopol chalilan batel jc'oplalcutic. Mu xu' o cha'ay ti jech ta spase. Mu xic' ochel noxtoc li jch'unolajeletic te chc'otique. Li boch'otic ta xotesique ta spajes noxtoc, xchi'uc ta snutsan loq'uel ta stojol jch'unolajeletic.

3 Juan 1:7

Yu'un ja' ta sventa Jesucristo ti loq'uemique, mu'yuc c'usi tstaic batel ta stojol li boch'otic mu'yuc xch'unojique.

3 Juan 1:9

Oy xa c'usi la jts'ibabe tal li jtsob jch'unolajeletic tee, pero li Diotrefese muc xich' ta muc', yu'un tsc'an ti ja' chcom ta banquilal stuque.