3 Juan 1:11 - Bible in Tzotzil de Chenalhó with Deuterocanon

¹¹ Vo'ot ti lec jc'anojote, mu me ja'uc xachan li c'usi chopol ta pasele. Ja' chano li c'usi leque. Li boch'o lec c'usi ta spasique ja' xnich'nab Dios. Yan li boch'o chopol c'usi ta spase mu xotquin li Diose.

Tzotzil Zinacantan

¹¹ Voꞌot ti jcꞌanojote, ti muchꞌutic chopol li cꞌusitic tspasique, mu me xachanbe. Jaꞌ xachanbe li muchꞌutic lec li cꞌusitic tspasique. Ti muchꞌutic lec li cꞌusitic tspasique, jaꞌ xchꞌamaltac Riox. Yan ti muchꞌutic chopol li cꞌusitic tspasique, yuꞌun mu to chichꞌic ta mucꞌ ti Rioxe.

Bible in Tzotzil de Chamula

¹¹ Mu xatamic ta spasel ti c'usi chopole, Jchi'iltac, ja' pasic ti c'usi oy slequil stuq'uile. Yu'un ti buch'u oy slequil stuq'uil ti c'usi ta spase, ja' liquem talel ta stojol ti Diose. Yu'un ti buch'u yacal ta spasel ti c'usi chopole, mu to xojtiquin ti Diose.

Tzotzil San Andres

¹¹ Joꞌot ti cꞌuxot ta coꞌone, mu me jaꞌuc xachanbe li buchꞌu chopol li cꞌustic tspase. Jaꞌ me xachanbe li buchꞌu lec cꞌustic tspase. Scotol li buchꞌutic ti lec li cꞌustic tspasique, jaꞌ snichꞌnab Dios. Yan li buchꞌu chopol li cꞌustic tspase, yuꞌun mu xojtaquin li Diose.

Tzotzil de Huixtán

¹¹ Ho'ot ti c'uxot ti co'ntone, mu me xapas hech, yu'un chopol. Ja' xapas ti c'usi leque. Scotol ti much'utic tspas ti c'usi leque, ja' snich'on Dios obi. Ti much'u chopol ti c'usi tspase, ja' mu xojtiquin ti Diose.

3 Juan 1:11 Iomraidhean Croise

Salmos 34:14

Voc'o me abaic ta sventa li c'usi chopole, ja' no'ox pasic li c'usi leque; ja' sa'ic ti c'u x'elan jun avo'ntonique, ja' no'ox pasic o batel.

Salmos 37:27

Voc'o aba ta sventa c'usi chopol, ja' paso li c'usi leque, jech jun avo'nton te nacalot.

Éxodo 23:2

“Mu me ja'uc xats'aclinic ta spasel c'usi chopol li boch'o epique. “C'alal chaval ava'yejic ta stojol jchapanvanejetique, mu me ja'uc xachanic c'usi chopol tspasic li boch'otic epique. Mu me ja'uc xavac' ta avo'ntonic li c'usi mu'yuc tuq'ue.

Proverbios 12:11

Li boch'o lec x'abtej ta yosile oy lec sve'el; yan li boch'o mu'yuc sbijile ja' no'ox te tsa' abtel ti bu mu'yuc c'usi tstae.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 12:26

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

San Juan 3:20

Yu'un scotol li boch'otic ja' tspasic c'usitic chopole, toj chopol chilic li luze, jech mu sc'an xtalic, yu'un ja' mu sc'anic xvinaj li c'usi tspasique.

1 Corintios 11:1

Ja' chanic c'usi ta jpas jech chac c'u cha'al ja' ta jchan c'usi la spas li Cristoe.

1 Corintios 4:16

Ja' yu'un ta jc'anboxuc vocol ta atojolic, ja' chanic c'u x'elan co'nton.

Efesios 5:1

Ja' chanbeic yo'nton li Diose, yu'un xnich'naboxuc xa, lec sc'anojoxuc.

Filipenses 3:17

Quermanotac, ja' chanbicun c'u x'elan co'nton. Q'uelo avilic c'u x'elan stalelic li boch'otic ja' xa xchanojbun co'ntoncutique.

1 Tesalonicenses 1:6

Jech ja' laj achanbun co'ntoncutic ec li vo'oxuque, xchi'uc laj achanbeic yo'nton li Cajvaltique. Xcuxet no'ox avo'ntonic ta sventa Ch'ul Espíritu laj ach'unic li sc'op Diose, ac'o me ep avocolic.

1 Tesalonicenses 2:14

Li vo'oxuque quermanotac, laj achanbeic c'u x'elan yo'ntonic li steclumal Dios te ta Judea ti oyic ta stojol Cristo Jesuse. Yu'un laj xa avich'ic uts'intael yu'un achi'iltaquic ec jech chac c'u cha'al laj yich'ic uts'intael yu'un judioetic li jch'unolajeletic te ta Judeae.

2 Timoteo 3:10

Pero li vo'ote, ja' ach'unoj ti c'u x'elan lichanubtasvane, ti c'u x'elan jtalele, li c'usi oy ta co'ntone, ti c'u x'elan jch'unoje, li smuc'ul co'ntone, ti lec chic'anvane, xchi'uc ti chcuch cu'un scotole,

Hebreos 6:12

Ja' mu jc'ancutic ti chach'ajubic ta spasel li c'usitic leque. Ja' tsc'an chachanbeic yo'nton li boch'otic ta sventa xch'unojel yo'ntonic, ta sventa smuc'ul yo'ntonic chich'ic li c'usi sc'oplal ono'ox ch-ac'batique.

1 Pedro 3:11

Ac'o svoc' sba ta sventa li c'usi chopole, ja' ac'o spas li c'usi leque. Ac'o sa'ilan li c'usi ja' sventa jun yo'ntone, ja' ac'o spasilan o batel.

1 Pedro 3:13

Mu'yuc boch'o chopol c'usi chaspasboxuc me vo'oxuc batem avo'ntonic ta spasel c'usitic leque.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 4:1

Quermanotac, vo'oxuc ti lec jc'anojoxuque, mu me xach'unic c'usi chalic me oy boch'o chayalboxuc ti ja' ac'bil sna'ic yu'un Ch'ul Espiritue. Ja' lec q'uelic ba'yuc me ja' Espíritu yu'un Dios oy ta stojolic, o me ma'uc. Yu'un oy xa ep jlo'lavanej j'alc'opetic li' ta banamil.