2 Samuel 7:3 - Bible in Tzotzil de Chenalhó with Deuterocanon

³ Itac'ov li Natane: —Pero xu' chapas li c'usi lec anopoje yu'un li Muc'ul Diose te xchi'inojot —xut.

Bible in Tzotzil de Chamula

³ Ja'uc ti Natane xi laj staq'ue: —Ja' yu'un un cha'e, paso scotol ti c'u s'elan anopoje, yu'un stic'oj sba ti Dios ta atojole.

2 Samuel 7:3 Iomraidhean Croise

2 Samuel 7:4

Te no'ox ta yac'ubalil ital c'opanatuc yu'un Muc'ul Dios li Natane, jech i'albat:

1 Reyes 1:8

Yan li pale Sadoc xchi'uc Benaía, xnich'on Joiadae, xchi'uc j'alc'op Natán, Simei, Reie, xchi'uc scotol li boch'otic tsots yabtelic ta stojol ajvalil Davide mu'yuc laj yac' sbaic ta stojol li Adoniase.

2 Reyes 4:27

Pero c'alal ic'ot ta vits yo' bu oy li Eliseoe, c'ot smeybe yacan. Li Giezie ta xa'ox spajes, pero li Eliseoe jech laj yalbe: —Mu xapajes, yu'un toj ep ta xat yo'nton chquil. Li Muc'ul Diose mu'yuc to yac'ojbun jna' c'usi li svocole —xut.

1 Crónicas 22:7

Jech laj yalbe: “Jnich'on, oy ox ta co'nton ta jva'anbe jun xch'ulna li Muc'ul Dios cu'untique.

1 Crónicas 28:2

Li Davide lic va'luc, jech laj yal: “Jchi'iltac, viniquetic li' ta jun jlumaltic, a'yo ava'yic c'usi ta xcal: La jnop ti ac'o yich' pasel jun ch'ulna yo' bu xu' chcom o li xcaxail smantal Muc'ul Diose, yu'un jech xu' te chnaqui o li Dios cu'untique. Jchapanoj xa li c'usitic chtune.

1 Crónicas 29:29

Scotol li c'usi la spas ajvalil David ta sliqueb c'alal to ta slajebe, te ts'ibabil ta svunal bu chal c'usi ic'ot ta pasel yu'un li j'alc'op Samuele, xchi'uc ta svunal bu chal c'usi ic'ot ta pasel yu'un li j'alc'op Natane, xchi'uc ta svunal c'usi ic'ot ta pasel yu'un li j'alc'op Gade.

2 Crónicas 29:25

Jech noxtoc laj yac'be yabtel levietic te ta ch'ulna sventa tstijic sepsep taq'uinetic, muc'tic arpa, bic'tal arpa jech chac c'u cha'al laj yal mantal li ajvalil David xchi'uc Gad, ja' li j'alc'op yu'une, xchi'uc li j'alc'op Natane, yu'un jech laj yal mantal Muc'ul Dios ta sventa li yaj'alc'optaque.

Salmos 20:4

Ac'o yac'bot scotol li c'usi chac'ane; ac'o yac' c'otuc ta pasel scotol li c'usitic chapal avu'une.

Salmos 37:4

Ja' no'ox ac'o avo'nton o ta stojol li Muc'ul Diose, jech ja' chayac'bot li c'usi oy ta avo'nton chac'anbee.

1 Juan 2:27

Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.

1 Samuel 10:7

C'alal me ic'ot ta pasel jech li senyailtac le'e, xu' xa chapas li c'usi tsc'an Dios chapase; Dios chascoltaot.

1 Samuel 14:7

Itac'ov li yajcoltaubbaile: —Paso me scotol li c'usi chanope. Batic, li' oyun ta jcoltaot ta sventa li c'usi oy ta avo'ntone —xi.

1 Samuel 16:7

Pero li Muc'ul Diose jech laj yalbe li Samuele: “Mu me ta sbauc no'ox xaq'uel c'u x'elan, xchi'uc mu me ta snatiluc xaq'uel. Le'e ma'uc t'ujbil cu'un, yu'un li vu'une mu ja'uc jech ta jq'uel jech chac c'u cha'al chaq'uelique. Yu'un li cristianoetique ja' no'ox tsq'uel ti bu lec chilique, pero li vu'une ja' ta jq'uelbe c'u x'elan yut yo'nton”, xut.