2 Juan 1:10 - Bible in Tzotzil de Chenalhó with Deuterocanon

¹⁰ Me oy boch'o chc'ot ta atojolic ti mu jechuc ta xchanubtasvanic jech chac c'u cha'al ichanubtasvan li Jesuse, mu me xavotes ta anaic, xchi'uc “lec ti latale”, mu me xavuticuc.

Tzotzil Zinacantan

¹⁰ Mi oy muchꞌu chtal xchanubtasoxuque, mi maꞌuc yech chal chac cꞌu chaꞌal ichanubtasvan ti Jesucristoe, mu me xavotes ta anaic. “Lec ti latale” mu me xavutic.

Bible in Tzotzil de Chamula

¹⁰ Mi oy buch'u ta svu'lanoxuc ta anaic ti mu co'oluc ta xal ti c'u s'elan chanubtasvan ti Cristoe, mu xavac' ochuc ta yut anaic, mi ja'uc xavich' ta muc'.

Tzotzil San Andres

¹⁰ Mi oy buchꞌu chtal schanubtasoxuc ti muc bu jech jech chac cꞌu chaꞌal ichanubtasvan li Jesucristoe, mu me xavotes ta anaic, mu me xavalbeic ti “lec mi latale” xavutique.

Tzotzil de Huixtán

¹⁰ Mi oy chtal sc'oponot ti much'utic ti jchanubtasvanej scuyoj sbaique ti mu xch'unic ti Cristoe, mu me xavic' ochel ti ana, mu me xalo'laj xchi'uc.

2 Juan 1:10 Iomraidhean Croise

Génesis 24:12

Te lic sc'opan Muc'ul Dios: “Muc'ul Dios, vo'ot Diosot yu'un li cajval Abrahame, coltaun. Ac'o lecuc batuc cu'un li c'usi tal jpase. Ac'o ta ilel slequil avo'nton ta stojol li cajvale.

1 Reyes 13:16

Li j'alc'op liquem ta Judae jech la stac': —Mu xu' ta jchi'inot sutel, xchi'uc mu xu' chbat jve' pan, chbat cuch' vo' te yo' bu nacaloxuque.

Salmos 129:8

Jech noxtoc ac'o mu'yucuc jech ch-albatic yu'un li boch'otic te chjelovique: “Ac'o yac'bot bendición li Muc'ul Diose, jech ta jc'ancutic bendición ta atojol ec li vu'uncutique”, mu me xiuc sc'oplalic.

Hechos 15:23

Jech la spasic li cartae; ja' laj yich'ic batel li Judas xchi'uc Silase. Jech laj yalic batel ta vun: “Jchi'iltac ta sventa Cajvaltic, chabanucoxuc, vo'oxuc ti yanlum cristianooxuc te nacaloxuc ta lum Antioquía, xchi'uc ta sjunul Siria banamil, xchi'uc ta Cilicia banamile, ta jc'opanotcutic tal ta carta, vu'uncutic li yajtacbolaluncutic Jesuse, vu'uncutic li jcholc'opuncutique, xchi'uc scotol li jchi'iltactic ta jch'unolajele.

1 Corintios 16:22

Scotol li boch'o mu sc'anic Cajvaltic Jesucristoe ac'o ac'batuc stoj smulic. La' me ta ora, Cajval.

1 Corintios 5:11

Li smelol c'usi la jts'ibaboxuc tale ja' ti mu xu' chacap aba achi'uquic li boch'otic quermanotic ta alel ti chmulivajique, ti xpich'et no'ox yo'ntonique, li boch'otic chich'ic to ta muc' c'usitic cuybilic ta diose, li boch'otic chopol chalbeic sc'oplal xchi'ilique, li jyacubeletique, xchi'uc li j'eleq'uetique. Li boch'otic jech tspasique me ja'uc ta ve'el mu xu' chachi'inic.

2 Tesalonicenses 3:14

Me oy boch'o mu xch'un li c'usi laj calcutic tal ta carta li'i, q'uelic lec boch'o. Mu me xachi'inic, yu'un jech ac'o q'uexovuc.

2 Tesalonicenses 3:6

Quermanotac, ta xcalbotcutic mantal ta sventa Cajvaltic Jesucristo ti tsc'an chavoc' abaic ta stojol li boch'otic xch'unojic ti mu'yuc ta yo'nton yabtelique, ti mu ja'uc chch'unic jech chac c'u cha'al la jchanubtasotcutic comele.

SUN TITO 3:10

Li boch'o ta sliquesilan c'ope, taq'uio chib oxibuc velta. Me mu xch'une, comtsano.

2 Juan 1:11

Yu'un li boch'o “lec ti latale”, xute, ta smaquibe li c'usi chopol ta spase.

3 Juan 1:10

Ja' yu'un c'alal me litale, ta xcalbe ya'ay ti chopol c'usi tspase, yu'un chopol chalilan batel jc'oplalcutic. Mu xu' o cha'ay ti jech ta spase. Mu xic' ochel noxtoc li jch'unolajeletic te chc'otique. Li boch'otic ta xotesique ta spajes noxtoc, xchi'uc ta snutsan loq'uel ta stojol jch'unolajeletic.