2 Juan 1:1 - Bible in Tzotzil de Chenalhó with Deuterocanon

¹ Vu'un jcholc'opun, ta jc'opanot tal achi'uc li avalabe, vo'oxuc ti t'ujbiloxuc yu'un Diose. Ta melel lec jc'anojoxuc. Ma'uc no'ox vu'un ti lec jc'anojoxuque. Ja' jech sc'anojoxuc noxtoc li boch'otic laj xa xch'unic li sc'op Dios ti ja' melele.

Tzotzil Zinacantan

¹ Voꞌon yajchanubtasvanejicon ti muchꞌutic xchꞌunojic li scꞌop Rioxe, chajcꞌoponic tal ta vun xchiꞌuc avoltac, voꞌot ti stꞌujojot ti Rioxe. Jcꞌanojoxuc xchiꞌuc lavoltaque, jaꞌ ti coꞌol jchꞌunojtic li scꞌop Rioxe. Mu jtucuc noꞌox ti jcꞌanojoxuque; scꞌanojoxuc scotol ti muchꞌutic jaꞌ yech xchꞌunojic uque.

Bible in Tzotzil de Chamula

¹ Ti mol jtunelune ta jts'ibabot talel ti jvun li'e, ti vo'ot xchi'uc ti avalabe, ti t'ujbiloxuc yu'un ti Diose. C'uxoxuc ta co'nton ta j'ech'el. Ma'uc no'ox ti vu'une, ja' jech xtoc, c'ux ta xa'ioxuc ti buch'utic laj xa yojtiquinic ti bu ja' melele.

Tzotzil San Andres

¹ Joꞌon jchabivanejun yuꞌun li buchꞌutic yichꞌojic ta mucꞌ li Cajvaltique, chajcꞌoponic batel ta carta achiꞌuc avalabtac, joꞌot li tꞌujbilot yuꞌun li Diose. Ta melel cꞌuxoxuc ta coꞌon achiꞌuc la avalabtaque, yuꞌun coꞌol jchꞌunojtic li scꞌop Dios ti jaꞌ melele. Pero mu jtucuc noꞌox ti cꞌuxoxuc ta coꞌone, cꞌuxoxuc ta yoꞌonic eꞌuc scotol li buchꞌutic schꞌunojic li scꞌop Dios ti jaꞌ melele.

Tzotzil de Huixtán

¹ Ho'ot ti t'ujbilot yu'un ti Diose chajc'oponot ti carta xchi'uc avalabtac, ho'on ti ancianoune. C'uxoxuc ti co'nton xchi'uc ti avalabtaque yu'un co'ol jch'unojtic ti c'ope ti ja' melele. Mu jtucuc no'ox ti c'uxoxuc ti co'ntone. Ja' c'uxoxuc ti yo'ntonic uc scotol ti much'utic xch'unojic ti c'ope ti ja' melele.

2 Juan 1:1 Iomraidhean Croise

San Lucas 1:3

Jech ec li vu'une oy ta co'nton ta xcalbot ava'ay, yu'un laj xa jac' lec scotol c'u x'elan ilic tal ta sliqueb, jech xquechet ta jts'ibabot tal scotol,

San Juan 8:32

Jech chavotquinic o li c'usi melele. Ta sventa li c'usi melele chaloq'uic o ta mozoil —xi li Jesuse.

Hechos 11:30

Jech lic stsobic. C'alal itsob yu'unique, ja' laj yac'beic batel ta sc'ob li Bernabé xchi'uc Sauloe, yu'un ja' ac'o c'ot yac'beic li banquilal yu'un jch'unolajeletic ta Jerusalene.

Romanos 16:13

Chabanuc xavalbeic li Rúfo ti t'ujbil yu'un Cajvaltique. Chabanuc xavalbeic noxtoc li sme'e; ja' jme' c'otem ya'yel ec li vu'une.

Gálatas 2:14

C'alal laj quil ti mu xa ja'uc jech tspasic jech chac c'u cha'al chal li Lequil A'yej ti ja' melele, jech lic calbe ta stojol scotolic li Pedroe: “Li vo'ote ach'iubinoj stalel judío, pero tana co'ol xa ach'unoj achi'uc li yanlum cristianoetique, ¿c'u yu'un ti chac'an chavac'be xchan stalel judío ec li yanlum cristianoetique?

Gálatas 2:5

Pero me jutuc muc jch'uncutic li c'usi laj yalique. Yu'un jech mu me xyanij smelol li Lequil A'yej ach'unojique, yu'un ja' melel.

Gálatas 3:1

Galaciaetic, ¡solel mu'yuc abijilic! ¿Boch'o la soquesboxuc avo'ntonic ti mu xa ja'uc chach'unic li c'usi melele? Yu'un lec jamal la jcholbotcutic ava'yic sc'oplal li Jesucristoe; xco'laj xchi'uc laj avil ta asatic joc'ol ta cruz icham ta jcojtic li Cristoe.

Gálatas 5:7

Ta sliquebe lec to'ox atamoj batel abeic. ¿Boch'o la smacoxuc ta be ti mu xa ja'uc chach'unic li c'usi melele?

Colosenses 1:5

xchi'uc ach'unojic ti chataic li c'usi te nac'biloxuc ta vinajele. Ti jech ach'unoj chataique, ja' ta sventa ti laj ava'yic li Lequil A'yej ti ja' melele.

1 Timoteo 2:4

Yu'un li stuque tsc'an ti ac'o coluc scotol cristianoetique, xchi'uc ti ac'o lic yotquinic li c'usi melele.

Hebreos 10:26

Yu'un me yutsil co'nton ta jsa'ilan o jmultic ti c'alal laj xa cotquintic li sc'op Dios ti ja' melele, mu'yuc xa yan milbil matanal chcac'tic ta sventa li jmultique.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.

1 Pedro 5:1

Vo'oxuc li jcholc'opoxuque, chacalboxuc c'usi lec ta pasel, yu'un co'ol oy cabteltic. Xchi'uc vu'un laj quil c'u x'elan laj yich' vocol li Cristoe, xchi'uc co'ol ta jchi'in ta slequilal c'alal me icha'sut tale.

1 Pedro 5:13

Chabanucoxuc la xal li jtsob jch'unolajeletic li' ta Babilonia ti co'ol t'ujbilutic yu'un Dios jchi'uctique. Chabanucoxuc la xal ec li Marcos ti xco'laj xchi'uc jnich'one.

1 Juan 2:21

Ti ta jts'ibaboxuc tal li'i, ma'uc yu'un mu to xavotquinic li c'usi melele, yu'un xavotquinic xa. Jech xana'ic ti mu xloc' epalc'op ta sventa li c'usi melele.

1 Juan 3:18

Jnich'nabtac, mu me jeche'uc no'ox xloc' ta quetic ti chijc'anvanutique. Ac'o vinajuc ta sventa cabteltic ti ta melel chijc'anvanutique.

2 Juan 1:13

Chabanucot la xalic yalabtac avix ti t'ujbil yu'un Diose.

2 Juan 1:5

Li' ta orae ta jc'anbot vocol ti ac'o jc'anan jbatic jcotoltique. Ma'uc ach' mantal ta jts'ibabot tal; ja' ono'ox li mantal laj ca'itic c'alal lic jch'untique.

3 Juan 1:1

Vu'un jcholc'opun, chabanuc chacalbot tal Gayo, vo'ot ti lec jc'anojot ta melele.